Zozi Crizi -le 'wɩ 'nɔnnɔn nɛn Zan -a crɛn -tɛ 12:38 - Yaouré

³⁸ E drɛ zɩɛ 'nan -e 'wɩ nɛn Bali 'lewei vɩzan Ezai -a 'vɩ bɛ 'e 'lɛ sɔɔ. Yaa 'vɩ 'nan: «Minsan, -tɩɛ yi -tɛra 'wɩnun nɛn kʋa 'vɩ bɛ -a da? Ɛn -tɩ lɛ nɛn Minsan 'yee -pɛ 'plɛ 'ci kɔɔn?»

Zozi Crizi -le 'wɩ 'nɔnnɔn nɛn Zan -a crɛn -tɛ 12:38 ပူးပေါင်းရင်းမြစ်များ

Matie 15:7

Wei "flivli 'nɔn! 'Wɩ nɛn Bali 'lewei vɩzan Ezai -a 'vɩ 'ka man bɛ, 'wɩ 'kpa nɛn. Yaa 'vɩ 'nan:

Matie 16:17

Ɛn Zozi "e 'nan: «Zonas -pɩ Simɔn, 'yie 'wɩ a "yi. Kɔɔ blamin "cɛɛ 'wɩ zɩɛ -a -cin -tɔ 'i 'ji dɩ, 'pian 'an "tɩ "nɛn laji bɛ -yɛɛ -cin -tɔ 'i 'ji.

Matie 27:35

Waa -pɛin yiba "plan da, "bɛ -sru ɛn o -yee sɔnun pli 'o cin yei. Waa drɛ 'lein 'wlɛ 'tuʋladɩ da. ['Wɩ nɛn Bali 'lewei vɩzan -a 'vɩ 'e 'cɛn bɛ, zɩ e 'lɛ sɔɔ zɩɛ. Kɔɔ yaa 'vɩ 'nan: «O 'mɛn sɔnun pli 'o cin yei, ɛn o 'mɛn sɔ -gblɔ 'sia 'lein 'wlɛ 'tuʋladɩ da.»]

Zozi Crizi -le 'wɩ 'nɔnnɔn nɛn Zan -a crɛn -tɛ 12:37

Zozi 'lɛbo "fɔ wɩ "kaga drɛ Zuif 'nɔn yiɛ man, 'pian wa'a yi -tɛlɛa Zozi da dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 12:39

'Wɩ nɛn -yee "wɛan wa'a 'kɔlaman -e 'o yi -tɛra 'wɩ da dɩɛ, Ezai -a 'vɩ "nyian. Yaa 'vɩ 'nan:

Zozi Crizi -le 'wɩ 'nɔnnɔn nɛn Zan -a crɛn -tɛ 15:25

'Wɩ zɩɛ e dra 'nan -e 'wɩ nɛn 'e 'crɛn -tɛdɩ -wee -pei 'fluba 'ji bɛ 'e 'lɛ sɔɔ. E ya 'e 'crɛn -tɛdɩ 'nan: ‹Minnun 'nan 'an man te -a -ci "ka "dɩ.›

Zozi Crizi -le 'wɩ 'nɔnnɔn nɛn Zan -a crɛn -tɛ 17:12

Tʋ nɛn te an ya o va 'trɛda bɛ, 'an yiɛ 'tɔ o va, 'i 'tɔ nɛn yia -nɔn 'mɛn bɛ, -yee 'plɛblɛ 'a. Min -tʋwli 'ka 'sanlɛ dɩ, -te yaa 'silɛa min -wlidɩ "a dɩɛ. -Yɛɛ 'san 'nan -e Bali wei nɛn 'e 'crɛn -tɛdɩ bɛ 'e 'lɛ sɔɔ.

Zozi Crizi -le 'wɩ 'nɔnnɔn nɛn Zan -a crɛn -tɛ 19:24

Ɛn waa 'vɩ 'o cin yei 'nan: «Te -kaa 'fʋɩ bʋʋ dɩ, 'pian -kaa 'lein 'wlɛ tuʋla, -e min nɛn e -tria "da "bɛ, 'o -nɔn -yrɛ.» Zɩ Bali wei nɛn 'e 'crɛn -tɛdɩ 'e 'cɛn bɛ e 'lɛ sɔɔ zɩɛ. E ya 'e 'crɛn -tɛdɩ 'nan: «O 'mɛn sɔ pli 'o cin yei, ɛn o 'mɛn sɔ -gblɔ 'si 'lein 'wlɛ 'tuʋladɩ da.» 'Wɩ zɩɛ -a 'bɔ nɛn 'sounjanun -a drɛ.

Rɔmɛn 10:16

'Pian Izraɛl 'nɔn "kaga 'ka 'ta wʋlɛa 'wɩ 'nɔnnɔn zɩɛ -a da dɩ. 'Wɩ 'bɔ nɛn waa drɛ zɩɛ Bali 'lewei vɩzan Ezai nɛn 'li bɛ yaa 'vɩ -a -nan 'mɔn. Kɔɔ yaa crɛn -tɛ Bali -le 'fluba 'ji 'nan: «Minsan, min "kaga 'ka yi -tɛlɛa 'yie 'wɩ nɛn kʋa 'vɩ bɛ -a da dɩ.»

Rɔmɛn 10:20

Ɛn Ezai "e 'wɩ zɩɛ -a 'vɩ "nyian. Kɔɔ yaa crɛn -tɛ 'nan: «Bali "e 'nan, minnun nɛn o 'ka paan 'an -wɛɛnan dɩɛ waan 'yɩ. Ɛn minnun nɛn wa'a -wɛɛlɛ paan 'nan 'waan -tɔa "dɩɛ, 'an 'fli kɔɔn -wlɛ.»

1 Korɛnti 1:24

'Pian minnun nɛn Bali o laabʋ 'nan -e 'e o 'si 'wɩ 'ji bɛ, -te o ya Zuif 'nɔn 'a oo, ɛn -te o 'ka Zuif 'nɔn 'a dɩ oo, waa -tɔa 'nan Crizi a Bali -le 'plɛblɛ 'a, ɛn e ya Bali -le 'wɩ 'tɔdɩ -a.

Galatɩ 1:16

ɛn zɩ -a -pɩ cɩ bɛ, yaa ta 'bɔla 'mɛn. E drɛ zɩɛ 'nan -e 'an -yee 'wɩ 'nɔnnɔn vɩ minnun nɛn o 'ka Zuif 'nɔn 'a dɩɛ -wlɛ. Zɩ e drɛ bɛ, ma'an 'wɩ laabʋlɛ min lɔ dɩ.