Zozi Crizi -le 'wɩ 'nɔnnɔn nɛn Zan -a crɛn -tɛ 12:34 - Yaouré

³⁴ Ɛn minnun -a 'vɩ -yrɛ 'nan: «Kʋa 'man -pei 'fluba 'ji 'nan, min nɛn Bali -a 'si "va "bɛ, ya'a kaa 'li "fo "dɩ. -Mɛ "le "wɛan nɛn yia ve 'nan: ‹Yi nɛn o Blamin -pɩ "paa yiba "plan da? Blamin -pɩ zɩɛ -tɩ nɛn?› »

Zozi Crizi -le 'wɩ 'nɔnnɔn nɛn Zan -a crɛn -tɛ 12:34 ပူးပေါင်းရင်းမြစ်များ

Matie 16:13

Zɩ Zozi 'bɔla Sezare Filipʋ 'lɛglɔn 'ji bɛ, ɛn yaa laabʋ 'e -srunɔn 'lɔ 'nan: «'An 'bɔ Blamin -pɩ bɛ minnun "o 'nan, -tɩ nɛn 'maan?»

Matie 21:10

Zɩ e 'bɔla Zeruzalɛm bɛ, -wee pladɩ Zeruzalɛm 'si "fo, ɛn 'flanɔn pɛɛnɔn 'man nyɔɔn -a laabʋdɩ -a 'nan: «-Tɩ nɛn min 'bɔ 'labɛ -a?»

Matie 8:20

Ɛn Zozi "e -yrɛ 'nan: «-Canjannɛnnun nyinnan a, ɛn "lomannun "kɔɛ "a, 'pian Blamin -pɩ "le "fɛ -tʋ -nan "ka -e 'e 'wulo 'pla 'nan dɩ.»

Zozi Crizi -le 'wɩ 'nɔnnɔn nɛn Zan -a crɛn -tɛ 10:34

Zozi "e 'nan -wlɛ 'nan: «E ya 'e 'crɛn -tɛdɩ 'cee -pei 'fluba 'ji 'nan: ‹Bali "e 'nan, 'ka ya balinun -a.›

Zozi Crizi -le 'wɩ 'nɔnnɔn nɛn Zan -a crɛn -tɛ 12:32

'Mɛn vɛ bɛ, tʋ nɛn minnun 'an "paa yiba "plan da -e 'an 'si 'trɛda bɛ, -te -a tʋ 'bɔ bɛ, maan dra -e min pɛɛnɔn 'o yi -tɛra 'an da.»

Zozi Crizi -le 'wɩ 'nɔnnɔn nɛn Zan -a crɛn -tɛ 15:25

'Wɩ zɩɛ e dra 'nan -e 'wɩ nɛn 'e 'crɛn -tɛdɩ -wee -pei 'fluba 'ji bɛ 'e 'lɛ sɔɔ. E ya 'e 'crɛn -tɛdɩ 'nan: ‹Minnun 'nan 'an man te -a -ci "ka "dɩ.›

Zozi Crizi -le 'wɩ 'nɔnnɔn nɛn Zan -a crɛn -tɛ 8:28

Ɛn Zozi -a 'vɩ -wlɛ 'nan: «Tʋ nɛn ka Blamin -pɩ "paa yiba "man lou "bɛ, -a tʋ zɩɛ -a man nɛn kaa -tɔa 'nan min nɛn an cɩ -a bɛ -nyrɛn 'maan. Ɛn kaa -tɔa 'nan ma'an 'wɩ 'dra 'an 'bɔ 'fli -ji dɩ, 'pian 'wɩ nɛn maan 'man 'an "tɩ "da bɛ -nyrɛn maan ve.

Rɔmɛn 3:19

-Kaa -tɔa 'nan, 'wɩ pɛɛnɔn zɩɛ e ya 'e 'crɛn -tɛdɩ Zuif 'nɔn 'le vɛ -a. Ɛn -yɛɛ -kɔɔnman 'nan -kaa 'bɔ Zuif 'nɔn bɛ, -cee 'tɔ "da 'cɛin "ka "nyian Bali 'lɛ dɩ. Blamin -tʋ 'ka 'kɔlaman 'yee tin 'nɔnnɔn -wɛɛdɩ -a Bali 'lɛ dɩ. E ya zɩɛ 'nan -e Bali -le tin 'e 'kɔn 'e 'tɛdɩ 'trɛdanɔn pɛɛnɔn da.

Rɔmɛn 5:18

'Wɩ 'kpa nɛn! 'Wɩ 'wlidɩ "tʋwli "nɛn min -tʋ -a drɛ bɛ, -yɛɛ -maan ɛn min -tʋdʋ pɛɛnɔn a Bali -le tin -tɛdɩ min da wlu. Ɛn "nyian bɛ, 'wɩ tɩglɩ 'tʋwli "nɛn min -tʋ -a drɛ bɛ, -yɛɛ -maan Bali minnun pɛɛnɔn 'sia min tɩglɩ 'a 'e 'lɛ ɛn e 'belidɩ -nɔn -wlɛ. Crizi -le -kadɩ yiba "plan da bɛ -nyrɛn.

Ebre 7:24

'Pian Zozi yiɛ a "man 'li 'trilii, -yee "wɛan min -tʋ "ka -e 'e Bali -pan -a "pa 'ji dɩ.