Efɛz 6:23 - Yaouré

²³ -Kaa "tɩ Bali 'lee Minsan Zozi Crizi 'o 'wee -fʋdɩ -trɔɔ, 'lee 'wee yɩdɩ "yi, 'lee yi -tɛradɩ Zozi Crizi da -nɔn 'kʋ "bʋɩ Zozinɔn pɛɛnɔn lɛ.

Efɛz 6:23 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 14:27

'Ka 'fʋ -trɔɔ, 'mɛn -fʋdɩ -trɔɔ bɛ, maan -nɔn 'cɛɛ. Ma'an -fʋdɩ -trɔɔ ve 'ka 'man "le 'nan 'trɛda minnun -a ve 'ka man bɛ -yee 'wɩ 'zʋ dɩ. Te nyɛn 'e 'ka 'cɛn dɩ, ɛn te "klan 'e 'ka 'tɛ dɩ.

Rɔmɛn 1:7

Ka pɛɛnɔn 'bɔ nɛn ka cɩ Rɔm ɛn Bali 'ka ye "yi "bɛ, e 'ka laabʋ 'nan 'ka 'kɔn 'yee vɛ -a. 'Ka lɛ nɛn an cɩ 'fluba 'gʋɛ -a crɛn -tɛnan. -Kaa "tɩ Bali 'lee Minsan Zozi Crizi 'o 'wee "yi 'lee 'wee -fʋdɩ -trɔɔ -nɔn 'cɛɛ.

Rɔmɛn 15:33

Bali nɛn e -fʋdɩ -trɔɔ -nɔan "min lɛ bɛ, 'e 'kɔn 'ka pɛɛnɔn 'va. Amɛn!

1 Korɛnti 1:3

-Kaa "tɩ Bali 'lee Minsan Zozi Crizi 'o 'wee "yi 'lee 'wee -fʋdɩ -trɔɔ -nɔn 'cɛɛ.

2 Korɛnti 13:11

'An "bʋɩ Zozinɔn, maan 'le -sɛanla -a vɩdɩ -a 'cɛɛ 'nan, 'ka 'ci 'e 'kɔn 'e "nrandɩ! Ɛn 'ka 'li 'ka da -e 'ka -sɔɔnla -si tɩglɩ da Bali -sru! Ɛn 'wɩnun nɛn maan 'vɩ 'cɛɛ bɛ 'ka 'sia 'wɩ 'a! Ɛn 'ka cin "koe "tɔ 'ka da! Ɛn 'ka 'ci "nrɔn 'wɩ 'tʋwli "da! Ɛn 'ka yei 'e 'kɔn 'e 'sɛndɩ 'e cin va! 'Ka drɛ zɩɛ -e Bali nɛn e min ye "yi ɛn e -fʋdɩ -trɔɔ -nɔan "min lɛ bɛ, 'e 'kɔn 'ka 'va.

Galatɩ 5:6

-Te min 'lee Zozi Crizi drɛ min -tʋwli "a bɛ, -te -a san -fɔ -klɔnmɔn -va oo, e ya 'e "tun. Ɛn -te ya'a 'fɔlɛ -klɔnmɔn -va dɩ oo, e ya 'e "tun. 'Pian 'wɩ nɛn Bali cɩ "va "bɛ, -nyrɛn 'nan, min 'e yi -tɛra Zozi da, ɛn 'e -ci -kɔɔn min yɩdɩ "yi "a!

Galatɩ 6:16

Minnun pɛɛnɔn nɛn waa -wɛɛman 'nan yi -tɛradɩ Zozi da man nɛn Bali 'e o 'sia min tɩglɩ 'a bɛ, Bali 'e 'yee "yi 'lee 'yee -fʋdɩ -trɔɔ -nɔn -wlɛ. -Wɛɛ cɩ Izraɛl 'nɔn tɩglɩ nɛn Bali -le vɛ -a bɛ waa.

Efɛz 6:24

Bali -le "yi 'e 'kɔn minnun pɛɛnɔn nɛn o -kaa san Zozi Crizi ye "yi -a 'leda "ka "dɩɛ o va.

1 Tesalonik 5:8

'Pian -cee vɛ bɛ, te 'e 'kɔn zɩ dɩ, kɔɔ -kaa ya yidɛa 'nɔn 'a. -Yee "wɛan -kaa 'fli 'pla! -Kaa yi -tɛra Zozi da, ɛn -kaa yɩ "yi! -Yɛɛ cɩ "le -kaa 'kɔlɛ da yɔɔ vɛ -le 'wɩ 'zʋ -kuli -lɔ! Bali -taa -kaa 'silɛ 'wɩ 'ji. -Kaa -tɔ "da 'plɛblɛ! -Yɛɛ cɩ "le -kaa wulo -man yɔɔ 'kpɔngbo kle "le 'wɩ 'zʋ -kuli -lɔ!

2 Tesalonik 1:3

'Kʋ "bʋɩ Zozinɔn, e ya "le 'kʋ Bali muo "fɔ tʋ pɛɛnɔn man 'cee "wɛan. Kɔɔ 'cee yi -tɛradɩ Zozi da ta a 'sʋnan, ɛn 'ka cin yɩdɩ "yi "a 'panan "da.

2 Tesalonik 3:16

Minsan nɛn -fʋdɩ -trɔɔ "sia "va "bɛ, kʋa laabo -yrɔ 'nan, 'e 'fʋdɩ -trɔɔ -nɔn 'cɛɛ. 'E -nɔn yi pɛɛnɔn man, ɛn 'e -nɔn -pɛ pɛɛnɔn 'ji! Minsan 'e 'pa 'ka pɛɛnɔn 'va!

1 Timote 1:14

'Wɩ 'kpa, Zozi nɛn -kaa san -a bɛ, e "yi drɛ 'mɛn, ɛn yaa drɛ e "mlianla "da. Yɩdɩ "yi "nɛn e "sia -a 'bɔ 'va bɛ, 'lee yi -tɛradɩ Zozi da bɛ -yɛɛ paa 'an 'ji.

1 Timote 1:3

'Wɩ nɛn maan 'vɩ 'yiɛ te an "ta Masedɔa si "siala bɛ, -a -cin 'e 'fɔla 'i 'ji. Maan 'vɩ 'yiɛ 'nan, 'i 'fʋ Efɛz nun, 'nan -e 'i 'wɩ 'pla min -mienun lɛ. O ya 'ka yei, te o 'wɩ nɛn 'wlu 'a bɛ -a "paaman minnun -ji.

1 Timote 5:8

'Nɛn nɛn ya'a 'e yiɛ -tɔa 'e 'mangulinun va dɩɛ, te 'e 'pɛ 'si yi -tɛradɩ Zozi da -sru. 'Nɛn zɩɛ, e ya min -wlidɩ "a, e "mlian min nɛn ya'a Bali -tɔa dɩɛ -a da. 'Nɛn nɛn -a mangulinun 'bɔ -nyɛanla -yee "kɔnnɛn, ɛn ya'a 'e yiɛ -tɔa o va dɩɛ, -yee vɛ 'bɛ cɩ -wlidɩ "fo.

1 Piɛri 5:14

'Ka cin 'tɔ bʋ -atu 'lee -azɔɛyi -tɛdɩ -a 'ka cin man! 'Ka pɛɛnɔn nɛn ka cɩ Crizi -le vɛ -a bɛ, Bali 'e 'fʋdɩ -trɔɔ -nɔn 'cɛɛ.

3 Zan 1:14

Maan "nrɔnman 'nan tʋ -fʋ "wɛnnɔn -e 'kʋ cin yɩ, -e 'kʋ -sɛɛ "wʋ 'kʋ cin yei.

Apokalis 1:4

'An 'bɔ Zan, mɛɛn 'fluba 'gʋɛ -a crɛn -tɛ 'ka -leglizi 'sɔravli "nɛn Azi 'lɛglɔn 'ji bɛ, 'cɛɛ. Bali a -nan tʋ pɛɛnɔn man, e ya -nan 'li 'e 'cɛn, ɛn e -taa. 'E 'yee "yi 'lee 'yee -fʋdɩ -trɔɔ -nɔn 'cɛɛ. Ɛn "nyian bɛ, lei 'sɔravli "nɛn Bali -le mingɔnnɛn pɛin 'lɛ bɛ, Bali lei 'saun nɛn. 'O 'wee "yi 'lee 'wee -fʋdɩ -trɔɔ -nɔn 'cɛɛ.