Efɛz 5:3 - Yaouré

³ 'Ka drɛ wɩ 'e -kɔɔn 'nan ka drɛ Bali -le minnun -a! Nyinnandɩ lɩ 'lee -kɔnnɛn -a te wa'a 'o cin 'palɛ dɩɛ, te 'e 'kɔn 'ka yei "dɩ! Ɛn 'wɩ pɛɛnɔn nɛn e min "tri -tɔa Bali 'lɛ, 'lee min yiɛ nɛn ya'a 'ciɩla fɛ da dɩɛ, te -a -tʋwli 'e 'kɔn 'ka yei "dɩ!

Efɛz 5:3 ပူးပေါင်းရင်းမြစ်များ

Matie 15:19

Kɔɔ min souba ji nɛn ci "nrɔndɩ -wlidɩ pɛɛnɔn "sia: min -tɛdɩ a -tʋ, min nan -wɛɛdɩ a -tʋ, min -sran -wɛɛdɩ a -tʋ, nyinnandɩ lɩ 'lee -kɔnnɛn -a te wa'a 'o cin 'palɛ dɩɛ e ya -tʋ, crin wʋdɩ a -tʋ, 'wlu 'sɛndɩ minnun man a -tʋ, 'wɩdɩ min man -wlidɩ "a -tʋ.

Zozi Crizi -le 'wɩ 'nɔnnɔn nɛn Luk -a crɛn -tɛ 12:15

Ɛn Zozi -a 'vɩ minnun nɛn -nan bɛ -wlɛ 'nan: «'Ka yiɛ 'tɔ 'ka 'fli -va! Te 'ka -wɛɛ 'nan fɛ pɛɛnɔn 'e 'kɔn 'ka 'lɔ dɩ! Kɔɔ -te min a fɛzan -a 'kɔ oo, -yee 'belidɩ 'ka 'sia 'e lɔ fɛ man dɩ.»

Zozi Crizi -le 'wɩ 'nɔnnɔn nɛn Luk -a crɛn -tɛ 16:14

Farizɛn 'nɔn nɛn -nan bɛ, zɩ o 'wɩnun zɩɛ -a 'man bɛ, ɛn o Zozi 'shɛ blɩ. Kɔɔ o "lala ye "yi.

Drɛwɩ (Actes) 15:20

'Pian -kaa 'fluba 'crɛn -tɛ -wlɛ 'nan, te 'o 'wi nɛn waa -tɛ -yʋ lɛ bɛ -a -blɩ dɩ, ɛn te 'o cin nan 'lee 'o cin -sran -wɛɛ "dɩ, ɛn te min 'e "blu -wɛɛ "dɩ. Ɛn te 'o 'wi nɛn min 'ka -a -blɔ 'cɛnlɛ -e -a nyɛn 'e -sran dɩɛ -a -blɩ dɩ, ɛn te 'o 'wi nyɛn -blɩ dɩ.

Drɛwɩ (Actes) 20:33

Ɛn ma'an -wɛɛlɛ 'nan min e 'yee "lala 'lee 'yee -siga 'lee 'yee sɔnun -nɔn 'mɛn dɩ.

Rɔmɛn 1:29

O 'wɩ 'wlidɩ 'tɔ 'tʋdʋ pɛɛnɔn dra. O ya min -wlidɩnun -a. O ya "vale fɛ pɛɛnɔn 'e 'kɔn 'wee vɛ -a. O ci a nyrannyrandɩ. O 'bli bo min lɔ fɛ man. O min -tɛa. O 'wɩ 'blɩdɩ ye "yi. O -dawli drɛdɩ ye "yi. Waa -wɛɛman 'nan 'wɩ 'e bɔ 'o bɔɛzan -tʋ man. O 'wɩ "paa min da.

Rɔmɛn 16:2

Maan ve 'cɛɛ 'nan, 'ka 'kun 'ka 'pɛ "fli "a 'cee -leglizi -ji "le zɩ e cɩ "le Bali -le minnun 'o drɛ bɛ -yee 'wɩ 'zʋ. Fɛ oo fɛ nɛn -a 'wɩ cɩ "man "bɛ, 'ka 'pa "va "a. Kɔɔ 'wɩ zɩɛ "e drɛ min "kaga "lɛ, ɛn yaa drɛ "nyian 'an 'bɔ "le "lɛ.

Rɔmɛn 6:13

Ɛn "nyian bɛ, te 'ka 'man mɛnnun -nɔn 'wɩ 'wlidɩ "drɛdɩ lɛ -e 'o drɛ 'wɩ 'wlidɩ "le 'nyranman 'pa vɛ -a dɩ. 'Pian 'ka 'fli 'nɔn Bali lɛ "le minnun nɛn o wluan -kanɔn 'va ɛn o yiɛ a "man "bɛ -wee 'wɩ 'zʋ. Ɛn 'ka 'man mɛnnun -nɔn Bali lɛ, Bali -le 'wɩ "yi "drɛ vɛ -a.

1 Korɛnti 10:8

Te 'ka drɛ lɩ -wɛɛnɔn 'lee -kɔnnɛn -wɛɛnɔn 'a "le o va min -mienun -a drɛ bɛ -yee 'wɩ 'zʋ dɩ. Zɩ o 'wɩ zɩɛ -a drɛ bɛ, yidɛ 'wlɛ 'tʋwli 'wlu bɛ min -ka o va -kpi yɔ -tʋ 'wlɛ yaaga (23.000).

1 Korɛnti 5:1

Maan 'man 'e 'pa -a "fli yaa 'nan, 'wɩ 'wlidɩ "tʋ nɛn minnun 'bɔ nɛn wa'a Bali tɔa dɩɛ, wa'a 'kɔlaman -e 'o drɛ dɩɛ, min -tʋ a -a drɛnan 'ka yei. Kɔɔ min zɩɛ 'o 'vale 'e "tɩ "nan -a, -wɛɛ cɩ lɩ 'lee 'kɔnnɛn -a.

1 Korɛnti 6:13

Kaa ve "nyian 'nan: «Bali -blɩ fɛ -nɔn min lɛ 'nan -e 'e 'kʋ min -pɔn -ji. Ɛn Bali min -pɔn drɛ 'nan -e -blɩ fɛ 'e 'kʋ "ji. Ɛn tʋ -tʋ -taa "bɔlɛ bɛ, Bali 'o "fli zɩɛ o -nan -nyaan.» 'Wɩ zɩɛ e ya 'wɩ 'kpa -a. 'Pian Bali 'ka -kaa drɛlɛ 'nan -e -kaa 'fli -nɔn -kɔnnɛn -wɛɛdɩ 'lee lɩ -wɛɛdɩ lɛ dɩ. Kɔɔ Minsan a "va 'nan -kaa 'kɔlɛ 'e 'kɔn 'e 'bɔ 'le vɛ -a. Ɛn 'e 'bɔ 'yɛɛ yiɛ -tɔa -kaa 'kɔlɛ 'va.

1 Korɛnti 6:18

-Yee "wɛan te 'ka 'fli -nɔn -kɔnnɛn -wɛɛdɩ 'lee lɩ -wɛɛdɩ lɛ "fo "dɩ. Kɔɔ 'wɩ 'wlidɩ 'tɔ 'tʋdʋ pɛɛnɔn nɛn blamin -a dra, te e 'ka -kɔnnɛn -wɛɛdɩ 'lee lɩ -wɛɛdɩ da dɩɛ, ya'a fɛ -tʋ dra min 'kɔlɛ lɛ dɩ. 'Pian 'wɩ 'wlidɩ "nɛn -kɔnnɛn -wɛɛdɩ 'lee lɩ -wɛɛdɩ da bɛ, -te min -a drɛ bɛ, te -a san 'wɩ 'wlidɩ drɛ 'e 'bɔ 'kɔlɛ lɛ.

2 Korɛnti 12:21

Ɛn "nyian bɛ "klan a 'an 'ji 'nan, -te an 'lʋ bɛ, Bali -taa -a drɛlɛ -e 'yra 'e 'an 'tɛ "nyian 'cee "wɛan. Ɛn 'an 'ta -taa "drɛlɛ -trɔdrɔ minnun nɛn o 'wɩ 'wlidɩ drɛ 'e tɛdɛ, ɛn wa'a tian 'silɛ -a drɛdɩ man dɩɛ -wee "wɛan. An ya "vale 'o 'si 'wɩ pɛɛnɔn nɛn e min "tri -tɔa Bali 'lɛ bɛ -a drɛdɩ man. Ɛn an ya "vale 'o 'si nyinnandɩ lɩ 'lee 'kɔnnɛn -a te wa'a 'o cin 'palɛ dɩɛ -a man! Ɛn an ya "vale 'o 'si 'wɩ 'wlidɩ "drɛdɩ nɛn waa -trɔa 'o 'win -ji bɛ -a man!

Efɛz 5:12

Kɔɔ 'wɩnun nɛn min -mienun -a dra 'e yɔɔdɩ bɛ, -a -nan wɩ vɩdɩ min -tɛa 'yra -a.

Efɛz 5:5

-A -cin 'e 'kɔn 'ka 'ji 'nan, minnun nɛn o nyianla lɩ 'lee -kɔnnɛn -a te wa'a 'o cin 'palɛ dɩɛ, 'lee minnun nɛn o 'wɩ nɛn e min "tri -tɔa Bali 'lɛ bɛ waa dra bɛ, 'lee minnun nɛn 'o yiɛ 'ka 'ciɩla fɛ da dɩɛ, o -nyrannan 'ka Crizi 'lee Bali -le mingɔnnɛn 'trɛda dɩ. Kɔɔ 'wɩnun zɩɛ -a drɛdɩ bɛ, e ya "le fɛ nɛn e 'ka Bali -a dɩɛ, -a 'bɔ nɛn min -a 'su.

Filipʋ 1:27

'Pian -te 'wɩ oo 'wɩ nɛn e 'bɔ 'an man bɛ, 'cee 'ta wʋ -pɛ 'e -kɔɔn 'nan Crizi -le 'wɩ 'nɔnnɔn -sru "nɛn 'ka cɩ! Ɛn -te ma'an 'ka yɩlɛ "nyian dɩ oo, 'pian 'an 'ka 'ta wɩ man 'nan, ka -fʋ Zozi -sru 'ta wʋnɔn tɩglɩ 'a. 'Ka 'ci 'e 'kɔn -tʋwli! Ɛn 'ka 'wulo -ji "nrɔn 'wɩ -tʋwli "da, -e 'ka Zozi Crizi -le 'wɩ 'nɔnnɔn fuila "man min pɛɛnɔn 'va.

Kolɔs 3:5

-Yee "wɛan 'wɩ 'wlidɩ pɛɛnɔn nɛn 'trɛ 'gʋɛ -a da bɛ, 'ka 'bɛ yi -ka! -A -mie nɛn "le nyinnandɩ lɩ 'lee -kɔnnɛn -a te wa'a 'o cin 'palɛ dɩɛ -yee 'wɩ 'zʋ, ɛn "nyian "le 'wɩ pɛɛnɔn nɛn e min "tri -tɔa Bali 'lɛ bɛ, -yee 'wɩ 'zʋ, ɛn "nyian "le min -le ci "nrɔndɩ 'wɩnun zɩɛ -a da bɛ -yee 'wɩ 'zʋ, ɛn "nyian "le min 'bɔ ci 'sɔ wɩnun -wlidɩ 'zʋ, ɛn "nyian "le min yiɛ nɛn ya'a 'ciala fɛ da dɩɛ -yee 'wɩ 'zʋ. Ɛn 'wɩ 'bɔ zɩɛ -a drɛdɩ bɛ, e ya "le fɛ -tʋ nɛn min -a -tɔ Bali 'lɛji te yaa "sua. -Yee "wɛan 'wɩ 'wlidɩ pɛɛnɔn zɩɛ te -a -tʋwli 'e 'kɔn 'ka yei "dɩ!

1 Tesalonik 4:3

'Wɩ nɛn, e 'sɔ Bali lɛ bɛ, -a 'bɔ nɛn kʋa 'vɩ 'cɛɛ, -nyrɛn 'nan, 'ka 'kɔn 'yee vɛ -a "fo! Te 'ka nyinnan lɩ 'lee 'kɔnnɛn -a te ka'a cin 'palɛ dɩ!

1 Tesalonik 4:7

Ɛn -a -cin 'e 'kɔn 'ka 'ji 'nan, Bali 'ka -kaa laabʋlɛ 'nan -e -kaa fli -nɔn lɩ -wɛɛdɩ 'lee -kɔnnɛn -wɛɛdɩ lɛ dɩ. 'Pian e -kaa laabʋ 'nan -e -kaa drɛ 'yee vɛ -a "fo.

1 Timote 2:10

'Pian -wee fɛnyian 'e 'si o drɛ wɩnun "yi 'va. 'Wɩ zɩɛ -a drɛdɩ 'bɛ -kɔɔnman 'nan o "klanman Bali lɔ.

1 Timote 3:3

Te -a san 'e -wɛn mlindɩ -trɔa 'e 'win -ji dɩ, te 'bli 'e 'fɔ -a san ji tada dɩ, 'pian -a san 'e 'kɔn min -trɔɔ -a. Te -a san 'e 'wɩ 'blɩdɩ yɩ "yi "dɩ, ɛn te -a san 'e 'kɔn min nɛn e "lala ye "yi "bʋʋ "bɛ -a dɩ.

1 Timote 6:10

Fɛ nɛn maan ve zɩɛ -yɛɛ cɩ 'nan, "lala yɩdɩ "yi "bɛ, -yɛɛ cɩ 'wɩ 'wlidɩ 'tɔ 'tʋdʋ pɛɛnɔn pei -trɔanan "a. "Lala yɩdɩ "yi "le "wɛan, min -mienun 'si Bali -sru 'va, ɛn o ya 'o yra yɩnan 'wɩ 'wlidɩ 'tɔ 'tʋdʋ pɛɛnɔn 'lɔ.

2 Timote 3:2

Minnun 'o 'bɔ 'fli -le 'wɩ "yi -wɛɛman, ɛn "lala yɩdɩ 'bɛ -kɔan "o 'nanman wɩ -a. O -yɔɔdɩ ye "yi "min lɛ, ɛn 'o 'fli "siala -dandan. O "we "min man -wlidɩ, ɛn wa'a 'o 'mangulinun wei maan dɩ. -Te min 'wɩ "yi drɛ -wlɛ "bɛ, wa'a san tɔa "fo "dɩ, ɛn 'o yiɛ 'ka 'naan Bali man "fo "dɩ.

'Fluba nɛn Pɔl -a crɛn -tɛ Tit lɛ 1:11

-Yee "wɛan 'i o 'lɛbo 'pla "da! Kɔɔ 'wɩ nɛn e 'ka 'wɩ tɩglɩ 'a dɩɛ, -a 'bɔ nɛn waa "paaman minnun ji, -e 'o "lala yɩ -dawli a. -Wee "wɛan 'kɔn -mie 'lɛ "nɛn 'nɔn pɛɛnɔn 'si 'si tɩglɩ da.

'Fluba nɛn Pɔl -a crɛn -tɛ Tit lɛ 1:7

'Wɩ 'kpa! E ya 'nan min nɛn 'e yiɛ -tɔa -leglizi -va bɛ, te 'tɔ 'tʋ 'e 'kɔn 'e 'padɩ "man "dɩ, kɔɔ Bali -le 'nɛnnun -pɛba a 'e wʋdɩ -yrɔ. Ɛn te 'e 'kɔn min nɛn e ya "vale 'wɩ pɛɛnɔn e 'cɛn 'yee 'wɩ da bɛ -a dɩ. Ɛn te 'bli 'e 'fɔ -a san ji tada dɩ. Ɛn te -a san 'e -wɛn mlindɩ -trɔa 'e 'win -ji dɩ. Ɛn te -a san 'e 'wɩ 'blɩdɩ yɩ "yi "dɩ. Ɛn te -a san "lala yɩ "yi "dɩ.

'Fluba nɛn Pɔl -a crɛn -tɛ Tit lɛ 2:3

'I lɩmɔn cejenun -le vɛ 'vɩ "nyian zɩ. 'I vɩ -wlɛ 'nan, o drɛ wɩ 'e -kɔɔn 'nan 'o ya Bali -le vɛ -a. Ɛn 'i vɩ -wlɛ 'nan, te 'o 'wɩ min man -wlidɩ "dɩ. Ɛn 'i vɩ -wlɛ 'nan, te 'o -wɛn mlindɩ -trɔa 'o 'win -ji dɩ. Ɛn 'i vɩ -wlɛ 'nan, 'o 'wɩ "yi "paa minnun ji.

Ebre 12:16

Ɛn "nyian bɛ, 'ka yiɛ 'tɔ 'ka cin va -e 'ka 'va min -tʋ 'e vɩlɛ 'e nyinnan lɩ 'lee -kɔnnɛn -a te wa'a tian 'o cin 'palɛ dɩ! Te 'ka 'wɩ drɛ "le Ezo -le 'wɩ 'zʋ dɩ! 'E 'ci nrɔn 'trɛda wɩnun da 'saza, ɛn ya'a "klanlɛ Bali lɔ dɩ, -yee "wɛan 'e 'blɩnan -tan fɛ 'kpɔngbo 'nɛn 'tʋ -va.

1 Piɛri 5:2

Ka ya "le 'bla -sru "pinnɔn 'zʋ. 'Ka yiɛ 'tɔ minnun nɛn Bali 'o -nɔn 'cɛɛ bɛ o va. Te 'ka yiɛ 'tɔ o va, "le 'nan min 'bɛ 'tɔ 'ka -sru ɛn ka ya -a drɛnan dɩ, 'pian 'ka drɛ ci 'fɩdaa 'a, "le zɩ Bali cɩ "va "bɛ -yee 'wɩ 'zʋ. Te 'ka drɛ "lala -le "wɛan dɩ, 'pian 'ka drɛ 'ka 'ci -a -tʋwli.

2 Piɛri 2:10

Minnun nɛn Minsan 'wɩ "nɛn -kɔɔnman -wlɛ "bʋʋ "bɛ, minnun nɛn o 'ta wʋla 'o 'bɔ 'ci 'sɔ wɩnun -wlidɩ -sru "bɛ o nɛn. -A -cin 'ka o ji 'nan, Bali a 'plɛblɛ, ɛn e 'wee tin "baa dɩ. Wa'a 'klanman 'wɩ 'tʋ -lɔ "fo "dɩ, ɛn 'o 'fli "siala 'kpa. 'Yra 'ka o yiɛ man Bali -le 'pasianɔn nɛn laji bɛ o "srɔnnan dɩ.

2 Piɛri 2:14

O yiɛ 'ka 'ciala lɩmɔn da dɩ, ɛn o "koe 'ka 'nyaan 'wɩ 'wlidɩ "drɛdɩ -a dɩ. Minnun nɛn o 'ka 'o 'tɔdɩ Bali wei da tɩglɩ dɩɛ, o o "sia -si tɩglɩ da. Fɛ yɩdɩ da nɛn -wee ci "nrɔndɩ pɛɛnɔn cɩ. Bali -le nyran -blɩdɩ a -wee vɛ -a.

2 Piɛri 2:3

"Lala yɩdɩ "yi "le "wɛan bɛ, o 'ka see "paaman wei 'nɔnnɔn 'a, -e 'o "lala "koo 'ka 'lɔ. 'Pian 'wɩ nɛn e -taa "bɔlɛ o man bɛ, Bali -a 'pla 'e 'cɛn -a -nan 'mɔn, ɛn o -nan -nyandɩ 'bɔ 'kogo.

Apokalis 2:14

'Wɩ pɛɛnɔn zɩɛ kaa drɛ "yi, 'pian 'wɩ 'tʋ a 'an 'ji -e 'an 'pla 'cɛɛ. 'Wɩ zɩɛ -nyrɛn 'nan, 'wɩnun nɛn Balam -a paa minnun ji 'li bɛ, min -mienun a -a drɛnan "nyian 'cee -leglizi -ji. -A -cin 'e 'tɔ 'ka 'ji 'nan, -si nɛn kɔ Izraɛl 'nɔn 'o 'ciɩla "da -e 'o 'wɩ 'wlidɩ "drɛ bɛ, Balam -a kɔɔn Balak lɛ, ɛn Balak -a kɔɔn -wlɛ. -A -nan nɛn Izraɛl 'nɔn -yʋ -pan wi -blɩdɩ 'sia, ɛn o nyinnandɩ 'sia lɩ 'lee 'kɔnnɛn -a te wa'a 'o cin 'palɛ dɩ.

Apokalis 2:21

An tʋ -nɔn -yrɛ 'nan -e 'e 'si 'wɩ 'wlidɩ zɩɛ -a drɛdɩ man. 'Pian ya'a 'wɩlɛ "man -e 'e 'si 'e drɛ wɩ -wlidɩ zɩɛ -a man "fo "dɩ.

Apokalis 21:8

'Pian minnun nɛn o klan 'an -sru 'ta wʋdɩ lɔ bɛ, 'lee minnun nɛn -wee yi -tɛradɩ 'an da 'le 'tɔ bɛ, 'lee minnun nɛn o 'wɩ 'wlidɩ "drɛdɩ 'pa 'nyranman -a bɛ, 'lee minnun nɛn o drɛ min -tɛnɔn 'a bɛ, 'lee minnun nɛn o nyinnan lɩ 'lee 'kɔnnɛn -a te wa'a 'o cin 'palɛ dɩɛ, 'lee minnun nɛn o 'bui 'fɔ bɛ, 'lee minnun nɛn o -yʋnun -pan bɛ, 'lee minnun pɛɛnɔn nɛn o 'wlu 'sɛn bɛ, 'tɛ -dan nɛn -a ta a "le 'yi "le 'wɩ 'zʋ bɛ -a va nɛn Bali 'wɩ "nɛn -kɔɔnman -wlɛ. 'Tɛ zɩɛ e ya -wlidɩ ɛn -kɔlɛ nɛn e 'lɛ "sia bɛ e ya "va. -Yɛɛ cɩ -wee -kadɩ "flizan 'a.»

Apokalis 22:15

'Pian minnun nɛn 'o 'fli -nɔn 'wɩ 'wlidɩ 'tɔ 'tʋdʋ pɛɛnɔn lɛ bɛ, 'lee minnun nɛn o 'bui 'fɔ "bɛ, 'lee minnun nɛn o nyinnan lɩ 'lee 'kɔnnɛn -a te wa'a 'o cin 'palɛ dɩɛ, 'lee minnun nɛn o drɛ min -tɛnɔn 'a bɛ, 'lee minnun nɛn o -yʋnun -pan bɛ, 'lee minnun pɛɛnɔn nɛn o 'wlu -sɛndɩ 'yɩ "yi "bɛ o -fo bei.

Apokalis 9:21

Wa'a 'silɛ min -tɛdɩ man dɩ, ɛn wa'a 'silɛ 'bui 'fɔdɩ man dɩ, ɛn wa'a 'silɛ nyinnandɩ lɩ 'lee 'kɔnnɛn -a te wa'a 'o cin 'palɛ dɩɛ -a man dɩ, ɛn wa'a 'silɛ crin wʋdɩ man dɩ.