Efɛz 4:26 - Yaouré

²⁶ Ɛn "nyian bɛ, «-Te 'bli 'fɔ 'ka 'ji bɛ, te 'ka 'wɩ 'wlidɩ "drɛ dɩ!» Te yidɛ 'e 'fɔ "va 'cee 'bli 'fɔdɩ "ji "man dɩ!

Efɛz 4:26 ပူးပေါင်းရင်းမြစ်များ

Matie 5:22

'Pian 'an 'bɔ, "an "ve 'cɛɛ 'nan, min nɛn 'bli 'fɔ "ji 'e "bʋɩ man bɛ, o -ko -a tin 'banɔn 'cɛin -da. Ɛn min nɛn yaa 'vɩ 'e "bʋɩ lɛ -blʋzan bɛ, o -ko -a tin 'banɔn -dandan cɛin -da. Ɛn min nɛn yaa 'vɩ 'e "bʋɩ lɛ klinzan bɛ, e ya "le 'o -fɔ 'tɛ nɛn -a va yra yɩdɩ 'leda "ka "dɩɛ, -a va.

Mark 10:14

Zɩ Zozi 'wɩ zɩɛ -a -nan 'yɩ bɛ, e 'nan "man, ɛn yaa 'vɩ 'e -srunɔn lɛ 'nan: «'Ka nannannun 'tʋɩ 'o 'ta 'an 'va! Te 'ka 'si -tɔ -wlɔ "dɩ! Kɔɔ minnun nɛn "le -wee 'wɩ 'zʋ bɛ, Bali -le mingɔnnɛn trɛ a -wee vɛ -a.

Mark 3:5

Zozi o pɛɛnɔn -nanjɛɛn 'tʋdʋ nyran da. -Wee "trɔɛn "yuyu nɛn waa "taan Bali va bɛ, -yee "wɛan -a ta drɛ 'trɔdrɔ. -A -nan nɛn yaa 'vɩ -cɛzan zɩɛ -yrɛ 'nan: «'I 'pɛ 'sʋ "ji!» E 'e 'pɛ 'sʋ "ji, ɛn -a -pɛ drɛ "plɔnblɔn 'e "pa 'ji.

Zaji 1:19

'An "bʋɩ Zozinɔn, an 'ka ye "yi 'kpa. 'Wɩ 'gʋɛ -a -cin 'e 'fɔla 'ka 'ji. 'Ka "trɔɛn 'e 'wɩ man! Te 'ka 'lɛbo 'e 'fɔ 'e 'flin -e 'e 'wɩ dɩ! Ɛn te 'bli 'e 'fɔ 'ka 'ji tada dɩ!

Zaji 1:20

Kɔɔ -te 'bli 'fɔ min ji bɛ, ya'a Bali ci 'sɔ wɩnun dra "fo "dɩ!