Efɛz 4:25 - Yaouré

²⁵ -Yee "wɛan 'ka 'si 'wlu 'sɛndɩ man, ɛn 'wɩ tɩglɩ nɛn 'ka vɩ 'ka cin lɛ! Kɔɔ -kaa pɛɛnɔn -kaa drɛ 'kɔlɛ -tʋwli "man mɛnnun -a.

Efɛz 4:25 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 8:44

Satan nɛn e 'wɩ 'wlidɩ "paa min lɔ bɛ, -yɛɛ cɩ 'ka "tɩ "a, ɛn 'ka "tɩ 'ci 'sɔ wɩnun nɛn kaa dra. -A pou sianan 'li 'trilii -e 'e bɔ cɛɛgʋɛ, min -tɛzan nɛn. Ya'a 'ta wʋla 'wɩ tɩglɩ da 'mlɔnmlɔn dɩ, kɔɔ ya'a 'tɔa 'wɩ tɩglɩ -sru "dɩ. 'Wlu 'sɛndɩ -cin nɛn "ji, kɔɔ 'wluzan nɛn, ɛn -a va nɛn 'wlu wɩ pɛɛnɔn "sia.

Rɔmɛn 12:5

-A -tʋwli "nɛn "nyian -cee vɛ -a. -Kaa ya "kaga, 'pian -cee -tɛdɩ 'e cin da 'bɛ cɩ Crizi po -a. Ɛn -kaa -tɔa -kaa cin wlu -tʋdʋ.

1 Korɛnti 10:17

-A -cin 'e 'tɔ 'ka 'ji 'nan 'kpɔun a -tʋwli, -a 'bɔ nɛn -kaa pɛɛnɔn -a -ble. -Yee "wɛan -kaa pɛɛnɔn a "nyian "le min -tʋwli "le 'wɩ 'zʋ.

2 Korɛnti 7:14

'Wɩ 'kpa, Tit 'bɔ yiɛ man bɛ, an 'ka 'sɩ -fɔ, ɛn ka'an 'tɛlɛ 'yra -a dɩ. 'Ka 'tɔ "yi "nɛn kʋa 'vɩ bɛ, e drɛla "da, "le zɩ 'wɩ pɛɛnɔn nɛn kʋa 'vɩ 'cɛɛ bɛ e ya tʋ pɛɛnɔn man 'wɩ tɩglɩ 'a bɛ -yee 'wɩ 'zʋ.

Efɛz 4:15

'Pian -cee vɛ bɛ -kaa 'wɩ tɩglɩ vɩ, ɛn -kaa cin yɩ "yi, -e -kaa trʋla Crizi man. -Yɛɛ cɩ -leglizi -wulo -a.

Efɛz 4:22

Waa paa 'ka 'ji 'nan, 'ka 'pɛ 'e 'si 'ka drɛ wɩ cejenun -sru. -Yee "wɛan 'ka drɛla "da! Kɔɔ te ka'a tian Zozi 'tɔlɛ dɩɛ, ka 'wɩ 'wlidɩnun drɛ "kaga te -a 'le 'srannan "nɛn -kadɩ -a.

Efɛz 4:31

-Yee "wɛan min man wɩ 'padɩ, 'lee 'bli 'fɔdɩ min ji, 'lee nyran siadɩ, 'lee 'wɩ 'blɩdɩ, 'lee min sɛɛ wʋdɩ, 'lee 'wɩ 'wlidɩ 'tɔ 'tʋdʋ pɛɛnɔn bɛ, te -a -tʋwli 'e 'kɔn 'ka yei "fo "dɩ!

Efɛz 5:30

-Leglizi 'bɔ 'bɛ cɩ Crizi po -a, ɛn -cɛɛ cɩ -a man mɛnnun -a.

Kolɔs 3:8

'Bɛ nɛn 'gʋɛ, 'ka 'pɛ 'e 'si 'wɩ 'wlidɩnun pɛɛnɔn zɩɛ -a -sru! Ɛn "nyian bɛ, nyran siadɩ, 'lee 'bli 'fɔdɩ min ji, 'lee 'nandɩ min man bɛ, te -a -tʋwli 'e 'kɔn 'ka yei "dɩ! Ɛn "nyian bɛ, "srɔnnun wʋdɩ 'lee 'wɩdɩ min man -wlidɩ "bɛ, te -a -tʋwli 'e bɔla 'ka 'le dɩ!

Kolɔs 3:9

Ɛn te 'ka 'wlu 'sɛn 'ka cin lɛ dɩ! Kɔɔ min nɛn ka cɩ -a 'e tɛdɛ bɛ 'lee 'ka drɛ wɩnun 'cɛn bɛ, ka cɛɛn 'bɛ man.

1 Timote 1:10

Minnun zɩɛ o nyianla lɩ 'lee -kɔnnɛn -a te wa'a 'o cin 'palɛ dɩ. Ɛn -klɔnmɔn 'lee 'e bɔɛzan -klɔnmɔn nyianla. Ɛn 'o bɔɛzan blamin -taan "nɔan -a. Ɛn o 'wlu -sɛan. Ɛn o -pɛ wluannan 'wɩ 'ji, te e ya 'wlu -a. Ɛn o 'wɩ dra te e 'ka Bali -le 'wɩ "paadɩ da dɩ. Minnun pɛɛnɔn nɛn o 'wɩnun zɩɛ -a -tʋ dra bɛ, -wee "wɛan nɛn -pei -tɔ wɩnun a.

1 Timote 4:2

Minnun nɛn o 'wɩ 'bɔ zɩɛ -a "paaman bɛ, 'wlunɔn nɛn waa, ɛn o ya 'o 'fli 'tɔ -wɛɛnan. -Wee -wulo -ji "nrɔndɩ va bɛ Satan -pɛ -flɛ yra 'nan.

'Fluba nɛn Pɔl -a crɛn -tɛ Tit lɛ 1:12

Crɛt min -tʋ nɛn minnun -a 'sia 'wɩ 'tɔzan -a 'wɩ nɛn e -taa "drɛlɛ bɛ -a vɩdɩ man bɛ, e Crɛt 'nɔn 'le 'wɩ 'vɩ. Yaa 'vɩ o man 'nan: «Crɛt 'nɔn 'sɛn vɛ nɛn 'wlu 'a, ɛn o ya "le plɔ winun -le 'wɩ 'zʋ, ɛn kɔannɔn nɛn waa, ɛn -blɩfɛ da nɛn 'o 'ci "nrɔnman 'saza.»

'Fluba nɛn Pɔl -a crɛn -tɛ Tit lɛ 1:2

'An 'pa o va -e o 'bli 'e 'kɔn 'belidɩ nɛn ya'a 'nyaan dɩɛ -yrɛ. Kɔɔ tʋ nɛn Bali 'ka tian 'trɛ drɛlɛ dɩɛ, yaa 'vɩ 'nan 'e 'belidɩ zɩɛ -a -nɔan "minnun lɛ. Ɛn Bali zɩɛ ya'a 'wlu 'sɛan dɩ.

Ebre 12:1

-Cee vɛ bɛ minnun "kaga zɩɛ -wɛɛ drɛ -cee 'wɩ -kɔɔnmannɔn 'a, -yee "wɛan nɛn -kaa -pɔan 'e 'sɔ -cee Bali -sru 'ta wʋdɩ -ji "le -wee 'wɩ 'zʋ! -Kaa 'pɛ 'e 'si 'wɩ nɛn e -si -tɔa -cee Bali -sru 'ta wʋdɩ lɔ bɛ, -a -sru! 'Wɩ zɩɛ 'wɩ 'wlidɩnun nɛn tʋ pɛɛnɔn man o ya "vale 'o -kaa man ye bɛ, -nyrɛn.

Zaji 1:21

-Yee "wɛan nɛn 'ka 'wɩ pɛɛnɔn nɛn e min "tri -tɔa Bali 'lɛ bɛ -a 'tʋɩ, 'lee 'wɩ 'wlidɩ pɛɛnɔn, -e 'ka 'wɩ Bali wei nɛn waa 'vɩ 'cɛɛ bɛ -a man, -e 'e -kɔla 'e 'ka 'si 'wɩ 'ji -le "wɛan.

1 Piɛri 2:1

Bali 'ka 'ya 'e -trɛ, -yee "wɛan 'ka 'pɛ 'e 'si 'wɩ 'wlidɩ 'tɔ 'tʋdʋ pɛɛnɔn -sru! Te 'ka 'wlu 'sɛn "nyian dɩ! Te 'ka wei 'e 'kɔn "flivli "nyian dɩ! Te 'ka 'bli 'e bʋ min -le fɛ man "nyian dɩ! Te 'ka 'wɩ min man -wlidɩ "nyian 'e koda dɩ!

Apokalis 21:8

'Pian minnun nɛn o klan 'an -sru 'ta wʋdɩ lɔ bɛ, 'lee minnun nɛn -wee yi -tɛradɩ 'an da 'le 'tɔ bɛ, 'lee minnun nɛn o 'wɩ 'wlidɩ "drɛdɩ 'pa 'nyranman -a bɛ, 'lee minnun nɛn o drɛ min -tɛnɔn 'a bɛ, 'lee minnun nɛn o nyinnan lɩ 'lee 'kɔnnɛn -a te wa'a 'o cin 'palɛ dɩɛ, 'lee minnun nɛn o 'bui 'fɔ bɛ, 'lee minnun nɛn o -yʋnun -pan bɛ, 'lee minnun pɛɛnɔn nɛn o 'wlu 'sɛn bɛ, 'tɛ -dan nɛn -a ta a "le 'yi "le 'wɩ 'zʋ bɛ -a va nɛn Bali 'wɩ "nɛn -kɔɔnman -wlɛ. 'Tɛ zɩɛ e ya -wlidɩ ɛn -kɔlɛ nɛn e 'lɛ "sia bɛ e ya "va. -Yɛɛ cɩ -wee -kadɩ "flizan 'a.»

Apokalis 22:15

'Pian minnun nɛn 'o 'fli -nɔn 'wɩ 'wlidɩ 'tɔ 'tʋdʋ pɛɛnɔn lɛ bɛ, 'lee minnun nɛn o 'bui 'fɔ "bɛ, 'lee minnun nɛn o nyinnan lɩ 'lee 'kɔnnɛn -a te wa'a 'o cin 'palɛ dɩɛ, 'lee minnun nɛn o drɛ min -tɛnɔn 'a bɛ, 'lee minnun nɛn o -yʋnun -pan bɛ, 'lee minnun pɛɛnɔn nɛn o 'wlu -sɛndɩ 'yɩ "yi "bɛ o -fo bei.