Efɛz 4:19 - Yaouré

¹⁹ 'Wɩ 'tʋ 'ka "nyian o tɛa 'yra -a dɩ. 'O 'fli -nɔn 'wɩ 'wlidɩ "drɛdɩ lɛ, ɛn 'wɩ 'wlidɩ 'tɔ 'tʋdʋ pɛɛnɔn bɛ, wa'a 'kaan -a drɛdɩ -a dɩ.

Efɛz 4:19 ပူးပေါင်းရင်းမြစ်များ

Mark 7:22

ɛn min nan -wɛɛdɩ 'lee min -sran -wɛɛdɩ a -tʋ, ɛn "lala yɩdɩ "yi "bʋʋ "a -tʋ, ɛn nyannɛn drɛdɩ a -tʋ, ɛn -dawli drɛdɩ a -tʋ, ɛn fɛ -blɩdɩ 'lee -wɛn mlindɩ -e 'e 'ciɩla "da "bɛ e ya -tʋ, ɛn man bʋdɩ a -tʋ, ɛn 'wɩdɩ min man -wlidɩ "a -tʋ, ɛn fli drɛdɩ -dandan a -tʋ, ɛn -blʋ 'tandɩ a -tʋ.

Efɛz 4:17

Minsan nɛn an drɛ -yee vɛ -a bɛ, -a 'tɔ da nɛn an 'wɩ "paala 'cɛɛ 'nan: Te 'cee 'ta wʋ -pɛ 'e 'kɔn "nyian "le minnun nɛn wa'a Bali tɔa dɩɛ -wee vɛ -zʋ dɩ! 'O 'bɔ 'ci 'sɔ wɩnun -wlidɩ -sru "nɛn o 'ta wo, te e ya 'wɩ "tun "a.

Kolɔs 3:5

-Yee "wɛan 'wɩ 'wlidɩ pɛɛnɔn nɛn 'trɛ 'gʋɛ -a da bɛ, 'ka 'bɛ yi -ka! -A -mie nɛn "le nyinnandɩ lɩ 'lee -kɔnnɛn -a te wa'a 'o cin 'palɛ dɩɛ -yee 'wɩ 'zʋ, ɛn "nyian "le 'wɩ pɛɛnɔn nɛn e min "tri -tɔa Bali 'lɛ bɛ, -yee 'wɩ 'zʋ, ɛn "nyian "le min -le ci "nrɔndɩ 'wɩnun zɩɛ -a da bɛ -yee 'wɩ 'zʋ, ɛn "nyian "le min 'bɔ ci 'sɔ wɩnun -wlidɩ 'zʋ, ɛn "nyian "le min yiɛ nɛn ya'a 'ciala fɛ da dɩɛ -yee 'wɩ 'zʋ. Ɛn 'wɩ 'bɔ zɩɛ -a drɛdɩ bɛ, e ya "le fɛ -tʋ nɛn min -a -tɔ Bali 'lɛji te yaa "sua. -Yee "wɛan 'wɩ 'wlidɩ pɛɛnɔn zɩɛ te -a -tʋwli 'e 'kɔn 'ka yei "dɩ!

1 Timote 4:2

Minnun nɛn o 'wɩ 'bɔ zɩɛ -a "paaman bɛ, 'wlunɔn nɛn waa, ɛn o ya 'o 'fli 'tɔ -wɛɛnan. -Wee -wulo -ji "nrɔndɩ va bɛ Satan -pɛ -flɛ yra 'nan.

1 Piɛri 4:3

-Yɛɛ cɩ 'nan ka tʋ "kaga drɛ, te 'cee 'ta wʋ -pɛ a "le minnun nɛn wa'a Bali tɔa dɩɛ -wee vɛ zʋ. 'E tɛdɛ bɛ, 'ka 'fli -nɔn 'wɩ 'wlidɩ "drɛdɩ lɛ, ɛn tʋ pɛɛnɔn man bɛ 'ka 'bɔ 'ka 'ci 'sɔ wɩnun -wlidɩnun nɛn kaa dra. Ka -wɛn mlindɩ -trɔa 'ka 'win -ji, ɛn 'ka 'fli -nɔn "fɛdinun lɛ fɛ -blɩdɩ 'lee -wɛn mlindɩ -a, te ka -yʋnun -paan, 'bɛ a -wlidɩ "fo.

2 Piɛri 2:22

'Wɩ nɛn e 'bɔ min zɩɛ -a man bɛ, -kɔnnɛn "fli 'gʋɛ -a da wɩ nɛn. Waa -fɔ 'nan: «Fɛ nɛn -plɛn fee 'a bɛ, yaa 'sia "nyian, yaa blɩ.» Ɛn «'Sru nɛn o 'si -a -srunan bɛ, e 'li 'e da "nyian -feli -va.»

'Fluba nɛn Zud -a crɛn -tɛ 1:11

'Wɩ -taa "bɔlɛ o man. Kɔɔ -si -tʋwli "nɛn Kaɛn 'ta 'wʋla "da 'li bɛ, -a da nɛn o -sɔɔnla. Ɛn "lala yɩdɩ "yi "le "wɛan, 'wɩ 'wlidɩ "nɛn Balam a drɛ 'li bɛ, -a -tʋwli "nɛn o cɩ -a drɛnan. Ɛn o wluan Bali man "le zɩ Kore -a drɛ 'li bɛ -yee 'wɩ 'zʋ. O -nan -nyan wɩ nɛn.

Apokalis 18:3

'Lɛglɔn pɛɛnɔn 'ji minnun Babilɔn 'fla 'le -wɛn mlin 'e 'ciɩla "da. -Yɛɛ cɩ 'nan e o pɛɛnɔn wɛɛ 'kɔnnɛn -a. Ɛn "nyian bɛ 'trɛda mingɔnnɛnnun -fɔ -a -sru, ɛn o 'wɩ 'wlidɩ "tʋwli zɩɛ -a drɛ. Ɛn 'flɛ 'tannɔn nɛn 'trɛda bɛ, o drɛ fɛnɔn 'a, Babilɔn 'fla yɩfɛ a "kaga "le "wɛan.»