Ebre 13:14 - Yaouré

¹⁴ -Kaa fla nɛn 'trɛ 'gʋɛ -a da bɛ, ya'a 'fo 'nan 'li 'trilii dɩ, 'pian -kaa ya -a -wɛɛnan 'nan 'fla nɛn e -fo -nan 'li 'trilii bɛ 'e drɛ -cee vɛ -a.

Ebre 13:14 ပူးပေါင်းရင်းမြစ်များ

1 Korɛnti 7:29

'An "bʋɩ Zozinɔn, 'wɩ nɛn -yee "wɛan an 'wɩ zɩɛ -a 'vɩ bɛ, -nyrɛn 'gʋ. Tʋ 'ka -kaa 'lɔ "kaga -e -kaa Minsan -le 'nyranman 'pa dɩ. -Yee "wɛan, -klɔnmɔn nɛn -a nan a bɛ, 'e yiɛ -trɔa Minsan -le 'nyranman da "le 'nan -a nan "ka "dɩ. Ɛn lɩmɔn nɛn -a -sran a bɛ, 'e yiɛ -trɔa Minsan -le 'nyranman da "le 'nan -a -sran "ka "dɩ.

2 Korɛnti 4:17

Yra yɩdɩnun nɛn o bɔa 'kʋ man 'gʋɛ, o ya 'sɛzɛnɔn, ɛn o ya tʋ "wɛnnɛn 'wlu. 'Pian e ya 'kʋɛ 'wɩ "yi "a, kɔɔ o ya 'kʋ 'man wʋʋnan -e Bali 'e -kɔla 'tɔ -dan nɛn -a -kɔɔn "manvɛ "ka "dɩɛ -a -nɔndɩ -a 'kʋɛ 'li "fo "le vɛ -a.

Efɛz 2:19

'Wɩ nɛn Crizi -a drɛ bɛ, -yee "wɛan kaa nɛn ka 'ka Zuif 'nɔn 'a dɩɛ, ka 'ka "nyian -pɛnnɔn 'a dɩ, ɛn ka 'ka "le minnun nɛn o -blɩnan "ka "dɩɛ -wee 'wɩ 'zʋ dɩ. 'Pian Bali -le minnun bɛ, ka drɛ o vanɔn 'a, ɛn ka drɛ -yee "kɔnnɛn 'nɔn 'a.

Filipʋ 3:20

'Pian -cee vɛ bɛ, -cee 'fla a laji lou. -Kaa ya Minsan Zozi Crizi man -pɛnnan 'nan 'e 'si 'nan nun -e 'e 'ta -kaa 'si 'wɩ 'ji.

Ebre 10:34

Minnun nɛn o ya -pʋ 'kuin bɛ 'o nyrinda -sɛn 'ka da. Minnun 'ka yɩfɛnun koo 'ka 'lɔ, 'pian 'wɩ zɩɛ e drɛ 'ka 'ci "nran wɩ -a. Kɔɔ kaa -tɔa 'nan, fɛ nɛn Crizi -a -nɔn 'cɛɛ bɛ, e "mlianla 'ka yɩfɛ 'bɔ zɩɛ -a da, ɛn ya'a 'li 'srɛman dɩ.

Ebre 12:22

'Pian 'cee vɛ bɛ, 'wɩ zɩɛ -yɛɛ "cɛɛ drɛ 'cɛɛ dɩ. Kɔɔ ka pli pɔn nɛn waa laabo Ziɔn bɛ -a man, Bali nɛn -a yiɛ cɩ "man "bɛ 'yee 'fla nɛn ka wla. Zeruzalɛm nɛn laji bɛ -nyrɛn. Fɛ zɩɛ -a -nan nɛn Bali -le 'pasianɔn nɛn laji bɛ o "kaga "cɩ 'o cin yɩdɩ te o "fɛdi -ble.

Ebre 12:27

Bali -a 'vɩ 'nan, -a drɛdɩ -fʋ "nyian 'e 'pa -a -tʋ. 'Wɩ zɩɛ -a vɩdɩ -a -kɔɔnman 'nan, fɛ pɛɛnɔn nɛn Bali -a drɛ bɛ, -a -nan -nyaan tʋ nɛn Bali 'trɛ 'lee labli nyɔɔnman bɛ -a man. Bali 'wɩ zɩɛ -a dra 'nan -e fɛnun tɩglɩ nɛn wa'a 'kɔlaman nyɔɔndɩ -a dɩɛ, 'o 'fʋ -nan.

Ebre 2:5

'Trɛ -trɛ nɛn e -taa "bɛ, kʋa -nan wɩ 'vɩ 'cɛɛ. 'Ka -tɔ 'nan 'trɛ zɩɛ, Bali -le 'pasianɔn nɛn laji bɛ -wɛɛ "cɛɛ "paala dɩ.

Ebre 4:9

-Yee "wɛan 'flinla "nan "nɛn Bali -a 'vɩ bɛ, e ya tian Bali -le minnun man -pɛnnan.

Ebre 9:11

Zɩ Crizi -ta bɛ, ɛn tʋ zɩɛ e 'bɔ. E ya Bali -panzan -dan a, ɛn "yinun nɛn Bali "e 'nan, 'e dra minnun lɛ bɛ, -yɛɛ -si 'lɛ 'sʋ. -Tandan 'kpa nɛn -a "yi "mlian -a tɛdɛ vɛ da, ɛn blamin "cɛɛ -tɔ dɩɛ, e ya laji. -Tandan zɩɛ -a -ji nɛn Crizi ciɩla

1 Piɛri 4:7

Yi nɛn 'trɛ 'gʋɛ e -nyaan "man "bɛ, e 'bɔ 'kogo. -Yee "wɛan te 'ka 'wɩ drɛ "le minnun nɛn o -wulo 'ka 'o da dɩɛ -wee 'wɩ 'zʋ dɩ, 'pian 'ka 'fli 'kun, -e 'ka Bali trʋ 'ba!

Apokalis 3:12

Min nɛn e 'ta 'wʋla 'wɩnun zɩɛ -a da ɛn -a -wulo 'bɔla "va "bɛ, maan dra 'kɔladrɛn 'a 'an "tɩ Bali -le 'kuin. 'Kɔn zɩɛ -a -ji nɛn e -fo 'li "fo. 'An "tɩ Bali 'tɔ nɛn maan crɛn -tɛa min zɩɛ -a man. Ɛn 'an "tɩ Bali -le 'fla 'tɔ nɛn maan crɛn -tɛa "nyian "man. 'Fla zɩɛ Zeruzalɛm -trɛ nɛn e "sia 'an "tɩ Bali "srɔn "laji bɛ -nyrɛn. Ɛn "nyian bɛ, 'an 'tɔ -trɛ nɛn 'an man 'gʋɛ, -a 'bɔ nɛn maan crɛn -tɛa min zɩɛ -a man.