Ebre 13:1 - Yaouré

¹ Te 'ka cin yɩdɩ "yi 'le 'tɔ 'ka Zozinɔn yei "dɩ!

Ebre 13:1 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 15:17

'Wɩnun nɛn maan 'vɩ 'cɛɛ 'gʋɛ, 'ka 'ta wʋla "da 'dʋ -e 'ka cin yɩ "yi.»

Drɛwɩ (Actes) 2:1

"Fɛdi -tʋ nɛn waa laabo Pantekɔt bɛ -a yi da, te minnun pɛɛnɔn nɛn o yi -tɛra Zozi da bɛ, o ya 'o cin yɩdɩ 'wee Bali trʋ 'banan 'cɛn 'nan.

Drɛwɩ (Actes) 4:32

Minnun pɛɛnɔn nɛn o yi -tɛra Zozi Crizi da bɛ, o drɛ min -tʋwli "a, o ci wɩ a -tʋwli. -Te min -tʋ yɩfɛ a bɛ, te o pɛɛnɔn 'le vɛ nɛn.

Galatɩ 5:13

'An "bʋɩ Zozinɔn, Bali 'ka laabʋ 'nan, -e 'ka vɩlɛ 'ka 'kɔn fɛ -tʋ -lɔ nɔan -a dɩ. Te 'ka 'pa 'wɩ zɩɛ -a da, -e 'ka blamin ci 'sɔ wɩ -wlidɩ "drɛ dɩ! 'Pian 'ka cin yɩdɩ "yi "a nɛn, 'ka cin man wɩ drɛ!

Galatɩ 5:22

'Pian -te Bali lei 'saun 'bɛ min "paala bɛ, zɩ -a "nɛn bɔala 'gʋ: -A san min ye "yi, ɛn -a san ci "nranman, ɛn -a san man yra flɩɩ, ɛn -a san 'e 'man -sɛanla 'wɩ 'ji, ɛn -a san a min 'kpa 'a, ɛn -a san ci a "yi, ɛn min yi -tɛala -a san da.

Galatɩ 5:6

-Te min 'lee Zozi Crizi drɛ min -tʋwli "a bɛ, -te -a san -fɔ -klɔnmɔn -va oo, e ya 'e "tun. Ɛn -te ya'a 'fɔlɛ -klɔnmɔn -va dɩ oo, e ya 'e "tun. 'Pian 'wɩ nɛn Bali cɩ "va "bɛ, -nyrɛn 'nan, min 'e yi -tɛra Zozi da, ɛn 'e -ci -kɔɔn min yɩdɩ "yi "a!

Efɛz 4:3

Bali lei 'saun 'ka drɛ "le min -tʋwli "le 'wɩ 'zʋ. 'Ka man -wɛɛ -e 'ka 'fʋ "da zɩ, te -fʋdɩ -trɔɔ a 'ka yei.

Efɛz 5:2

-Yee "wɛan 'ka cin yɩ "yi "le zɩ Crizi -kaa 'yɩ "yi "bɛ -yee 'wɩ 'zʋ! E -kaa 'yɩ "yi "le "wɛan, e wɩɩ "man ɛn e -ka -kaa 'lɛji. E drɛ "le 'nan 'sraga nɛn yaa 'bʋ Bali lɛ ɛn -a -koei 'nɔnnɔn Bali ci 'sɔ.

2 Tesalonik 1:3

'Kʋ "bʋɩ Zozinɔn, e ya "le 'kʋ Bali muo "fɔ tʋ pɛɛnɔn man 'cee "wɛan. Kɔɔ 'cee yi -tɛradɩ Zozi da ta a 'sʋnan, ɛn 'ka cin yɩdɩ "yi "a 'panan "da.

Ebre 10:24

Ɛn "nyian bɛ, -kaa 'pa -kaa bɔɛnun va, -e 'o min yɩ "yi 'e 'ciɩla "da, ɛn -e 'o 'wɩ "yinun drɛ.

1 Piɛri 1:22

'Bɛ nɛn 'gʋɛ, Zozi 'le 'wɩ 'nɔnnɔn nɛn kaa 'man bɛ, -a da ta wʋdɩ -a drɛ ɛn 'ka 'pɛ 'si 'wɩ 'wlidɩ -sru, 'nan -e 'ka 'ka "bʋɩ 'lee 'ka "blu Zozinɔn yɩ "yi, te -a -sru "ka "dɩ. -Yee "wɛan 'ka cin yɩ "yi tʋ pɛɛnɔn man 'ka 'ci 'fɩdaa 'a!

1 Piɛri 2:17

'Ka min pɛɛnɔn 'sia min -a! 'Ka "bʋɩ Zozinɔn yɩ "yi! 'Ka "klan Bali lɔ! 'Ka mingɔnnɛnnun tazan 'sia min -a!

1 Piɛri 3:8

Maan 'le -sɛanla 'ka pɛɛnɔn lɛ 'nan, 'ka 'wulo -ji "nrɔn 'wɩ -tʋwli "da! 'Ka cin nyrinda 'si! 'Ka cin yɩ "yi "le "bʋɩ 'lee "blu -le 'wɩ 'zʋ! 'Ka "yi "drɛ 'ka cin lɛ! 'Ka cin bɔ!

1 Piɛri 4:8

'Wɩ -dan nɛn e "mlian 'wɩ pɛɛnɔn da bɛ -nyrɛn 'nan, 'ka cin yɩ "yi, te -a 'leda 'e 'kɔn dɩ! Kɔɔ fɛnan nɛn yɩdɩ "yi "cɩ bɛ, 'wɩ 'wlidɩ -nyaan "nan.

2 Piɛri 1:7

Ɛn ka Bali ci 'sɔ wɩ drɛ bɛ, "bɛ -sru -e 'ka "bʋɩ Zozinɔn yɩ "yi. Ɛn 'ka "bʋɩ Zozinɔn 'yɩ "yi "bɛ, "bɛ -sru -e 'ka min pɛɛnɔn yɩ "yi.

1 Zan 3:23

Ɛn 'wɩ nɛn yaa laabʋ -kaa 'lɔ bɛ -nyrɛn 'nan, -kaa yi -tɛra 'e 'pɩ Zozi Crizi da, ɛn -kaa cin yɩ "yi "le zɩ 'e 'vɩ -cɛɛ bɛ, -yee 'wɩ 'zʋ.

1 Zan 4:20

-Te min -a ve 'nan, an Bali ye "yi -e te ya'a 'e "bʋɩ -tʋ ye "yi "dɩɛ, te 'wluzan nɛn -a san -a. -Yɛɛ cɩ 'nan, min nɛn ya'a 'e "bʋɩ nɛn yɛɛ ye bɛ, 'bɛ ye "yi "dɩɛ, ya'a 'kɔlaman -e 'e Bali nɛn ya'a 'bɛ ye dɩɛ, 'bɛ yɩ "yi "dɩ.

Apokalis 2:4

'Wɩ pɛɛnɔn nɛn kaa drɛ "yi "bɛ, maan -tɔa, 'pian 'wɩ 'tʋ a 'an 'ji -e 'an 'pla 'cɛɛ. 'Wɩ zɩɛ -nyrɛn 'nan, 'an yɩdɩ "yi "tɛdɛ nɛn 'ka 'ji bɛ, 'ka 'pɛ plʋ "man.