Ebre 12:15 - Yaouré

¹⁵ 'Ka yiɛ 'tɔ 'ka cin va -e 'ka 'va min -tʋ 'e vɩlɛ 'e 'si Bali -le "yi "bɛ -a -sru "dɩ! Ɛn "nyian bɛ, 'ka yiɛ 'tɔ 'ka cin va -e 'ka 'va min -tʋ 'e vɩlɛ 'e nyran 'sia 'e bɔɛzan -tʋ man dɩ! "Tɔgɔ min zɩɛ 'e 'wɩ 'fɔla 'ka yei -e 'wɩ 'bɔ 'e 'ka pɛɛnɔn 'sa.

Ebre 12:15 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 22:32

'Pian an Bali trʋ 'ba 'yiɛ 'nan, -e 'yie yi -tɛradɩ 'an da 'e vɩlɛ 'e 'le 'tɔ dɩ. Ɛn "bɛ -sru, -te i 'li 'i da "nyian 'an -sru "bɛ, 'i "bʋɩnun man -tɔ 'plɛblɛ.»

1 Korɛnti 10:12

-Yee "wɛan an 'wɩ "paala 'cɛɛ. Min nɛn yaa ve 'nan, 'wɩ zɩɛ ya'a 'kɔlaman -e 'e bɔ 'e man dɩɛ, 'e drɛ "yi, "tɔgɔ 'e bɔ "man!

1 Korɛnti 13:8

Yi -tʋ bɔa "bɛ, te Bali 'lewei vɩdɩ 'wɩ 'nyan. Ɛn te weinun nɛn blamin 'ka -a ci maan dɩɛ -a -fɔdɩ 'wɩ 'nyan. Ɛn te Bali -le 'wɩ yɔɔdɩ -tɔdɩ bɛ -a 'wɩ 'nyan. 'Pian fɛ -tʋwli "cɛ 'bɛ 'fo -nan, -yɛɛ cɩ min yɩdɩ "yi "a.

1 Korɛnti 15:33

'Ka drɛ "yi, 'wɩ zɩɛ te 'ka 'fli 'tʋɩ -e 'e 'ka 'man yɩdɩ. Kɔɔ bee -wlidɩ "blɩdɩ bɛ, -yɛɛ -maan min 'wɩ 'wlidɩ "dra.

1 Korɛnti 5:6

E 'ka 'wɩ "yi "a "fo -e 'ka -dandan 'tan 'wɩ zɩɛ -a -ji dɩ. Kaa -tɔa 'ka 'bɔ 'a 'nan: «Sɩ 'wlɛ -tʋwli min 'shɛ pɛɛnɔn "tranman!»

2 Korɛnti 13:5

'Ka 'cee yi -tɛradɩ Zozi da -nanjɛn! Ɛn 'ka 'fli 'nanjɛn 'ka 'bɔ 'a, -e 'ka -tɔ! 'Ka 'nanjɛn -e 'ka -kɔnnɛn "yɩ 'nan, 'ka 'vale Zozi Crizi -a ka ya min -tʋwli "a. -Te ka'a yɩlɛ zɩ dɩɛ, te 'cee yi -tɛradɩ Zozi da a 'wɩ "tun "a.

2 Korɛnti 6:1

'Kʋ pɛɛnɔn nɛn kʋ 'nyranman 'bɔ zɩɛ -a "paa bɛ, kʋ 'ka trʋ "baa 'nan Bali -le "yi "nɛn yaa drɛ 'cɛɛ bɛ, te 'ka 'tʋɩ -e -a "nɛn 'e 'fʋ 'e "tun "dɩ!

Galatɩ 2:13

Zuif 'nɔn -mienun nɛn Zozi 'va bɛ, "o drɛdɩ 'sia "nyian -wlidɩ "le Piɛri -le 'wɩ 'zʋ. Ɛn Barnaba "e "fɔ 'wʋ o va 'wɩ 'wlidɩ zɩɛ -a drɛdɩ -a.

Galatɩ 5:4

Kaa nɛn kaa -wɛɛman 'nan, 'ta wʋladɩ Moizi -le -pei da man nɛn Bali 'e 'ka "sia min tɩglɩ 'a bɛ, 'ka 'fli "cɛan Crizi man, ɛn "nyian Bali -le "yi "nɛn, yaa -nɔn 'cɛɛ bɛ, ka cɛɛn "man.

Efɛz 5:3

'Ka drɛ wɩ 'e -kɔɔn 'nan ka drɛ Bali -le minnun -a! Nyinnandɩ lɩ 'lee -kɔnnɛn -a te wa'a 'o cin 'palɛ dɩɛ, te 'e 'kɔn 'ka yei "dɩ! Ɛn 'wɩ pɛɛnɔn nɛn e min "tri -tɔa Bali 'lɛ, 'lee min yiɛ nɛn ya'a 'ciɩla fɛ da dɩɛ, te -a -tʋwli 'e 'kɔn 'ka yei "dɩ!

Kolɔs 3:5

-Yee "wɛan 'wɩ 'wlidɩ pɛɛnɔn nɛn 'trɛ 'gʋɛ -a da bɛ, 'ka 'bɛ yi -ka! -A -mie nɛn "le nyinnandɩ lɩ 'lee -kɔnnɛn -a te wa'a 'o cin 'palɛ dɩɛ -yee 'wɩ 'zʋ, ɛn "nyian "le 'wɩ pɛɛnɔn nɛn e min "tri -tɔa Bali 'lɛ bɛ, -yee 'wɩ 'zʋ, ɛn "nyian "le min -le ci "nrɔndɩ 'wɩnun zɩɛ -a da bɛ -yee 'wɩ 'zʋ, ɛn "nyian "le min 'bɔ ci 'sɔ wɩnun -wlidɩ 'zʋ, ɛn "nyian "le min yiɛ nɛn ya'a 'ciala fɛ da dɩɛ -yee 'wɩ 'zʋ. Ɛn 'wɩ 'bɔ zɩɛ -a drɛdɩ bɛ, e ya "le fɛ -tʋ nɛn min -a -tɔ Bali 'lɛji te yaa "sua. -Yee "wɛan 'wɩ 'wlidɩ pɛɛnɔn zɩɛ te -a -tʋwli 'e 'kɔn 'ka yei "dɩ!

'Fluba nɛn Pɔl -a crɛn -tɛ Tit lɛ 1:15

-A -cin 'e 'kɔn 'i 'ji 'nan, minnun nɛn o ya 'saun Bali 'lɛ bɛ, fɛ -tʋ 'ka o "tri 'tɔa Bali 'lɛ dɩ. 'Pian minnun nɛn o ya 'o "tri "tɔdɩ Bali 'lɛ, te wa'a yi tɛala Zozi da dɩɛ, fɛ pɛɛnɔn o "tri -tɔa Bali 'lɛ. Kɔɔ -wee ci "nrɔndɩ pɛɛnɔn drɛ 'wlidɩ Bali 'lɛ, ɛn ya'a tin tɛa o da dɩ.

Ebre 3:12

'An "bʋɩ Zozinɔn, 'ka yiɛ 'tɔ 'ka 'fli -va! Min -wlidɩ "nɛn ya'a yi -tɛala Bali da dɩ, -e 'e 'si Bali -sru "bɛ, te 'e 'kɔn 'ka yei "dɩ.

Ebre 4:1

-Te Bali -a 'vɩ 'nan, e fɛ -tʋ -nan 'pla minnun -le 'flinla "nan "a bɛ, -kaa yiɛ 'tɔ -kaa fli -va, "tɔgɔ -kaa 'va min -tʋ 'e vɩlɛ 'e bɔ 'flinla "nan zɩɛ -a -nan dɩ!

Ebre 4:11

-Yee "wɛan -kaa -cee 'plɛblɛ pɛɛnɔn 'sia, -e -kaa bɔ 'flinla "nan zɩɛ -a -nan! -Kaa drɛ zɩɛ, -e min -tʋ 'e vɩlɛ 'e 'kɔn -kaa yei -e 'e 'wɩ drɛ "le -kaa tranun -le 'wɩ 'zʋ dɩ. Wa'a 'ta wʋlɛa Bali wei da dɩ, ɛn wa'a bɔlɛ 'flinla "nan zɩɛ -a -nan dɩ.

Ebre 6:11

Kʋ ya "vale 'nan 'ka 'fʋ 'wɩ zɩɛ -a drɛnan -trilii, -e 'wɩ nɛn 'ka yiɛ yra -yrɛ "bɛ 'e drɛ 'cee vɛ -a "fo.

2 Piɛri 1:10

'An beenun, te 'ka 'kɔn "le min zɩɛ -yee 'wɩ 'zʋ dɩ! Bali 'ka laabʋ, ɛn e 'ka 'si "va. 'Ka 'cee 'plɛblɛ pɛɛnɔn 'sia, -e 'ka 'tɔ "da 'plɛblɛ 'kpa! Kɔɔ -te kaa drɛla "da "bɛ, 'ka 'pɛ 'ka 'saanman 'wɩ 'wlidɩ 'va 'li "fo "dɩ.

2 Piɛri 2:18

Ɛn minnun 'bɔ zɩɛ, 'wɩ -dandan nɛn waa ve minnun lɛ te -a -ci "ka "dɩ. 'O 'bɔ 'ci 'sɔ wɩnun -wlidɩ "bɛ, -a 'bɔ nɛn waa "paaman minnun ji, 'nan -e 'o o see "paa, -e 'o 'wɩ 'wlidɩ "drɛ. Zɩ waa dra zɩɛ -e 'o minnun nɛn o -si tɩglɩ 'sia 'e -trɛ bɛ o man yɩ.

2 Piɛri 3:11

-Yee "wɛan -pɛ nɛn e "sɔa Bali lɛ bɛ, -a man nɛn 'ka 'ta wʋ 'kpa tɩglɩ, kɔɔ zɩ fɛ pɛɛnɔn 'nan -taa "nyanlɛ bɛ -a -cin a 'ka 'ji.

2 Piɛri 3:14

'An beenun, 'wɩnun zɩɛ -a man -pɛnnan nɛn ka cɩ, -yee "wɛan 'ka 'cee 'plɛblɛ pɛɛnɔn 'sia, -e 'ka yei 'e 'kɔn 'e 'sɛndɩ 'e cin va 'ka 'vale Bali -a. Ɛn 'ka 'cee 'plɛblɛ pɛɛnɔn 'sia "nyian, -e 'ka 'kɔn 'saun Bali 'lɛ, te 'wɩ 'wlidɩ -tʋwli 'e 'kɔn 'ka man dɩ.

2 Zan 1:8

'Ka yiɛ 'tɔ 'ka 'fli -va, -e 'ka 'ka -kopa yɩ 'e 'ciɩla "da. -Te ka'a drɛlɛ dɩɛ, 'wɩ pɛɛnɔn nɛn -kaa drɛ bɛ, -a "nɛn "fo 'e "tun.