Ebre 12:1 - Yaouré

¹ -Cee vɛ bɛ minnun "kaga zɩɛ -wɛɛ drɛ -cee 'wɩ -kɔɔnmannɔn 'a, -yee "wɛan nɛn -kaa -pɔan 'e 'sɔ -cee Bali -sru 'ta wʋdɩ -ji "le -wee 'wɩ 'zʋ! -Kaa 'pɛ 'e 'si 'wɩ nɛn e -si -tɔa -cee Bali -sru 'ta wʋdɩ lɔ bɛ, -a -sru! 'Wɩ zɩɛ 'wɩ 'wlidɩnun nɛn tʋ pɛɛnɔn man o ya "vale 'o -kaa man ye bɛ, -nyrɛn.

Ebre 12:1 ပူးပေါင်းရင်းမြစ်များ

Matie 10:22

'Mɛn "wɛan bɛ, minnun pɛɛnɔn -taa 'nanlɛ 'ka man. 'Pian min nɛn e -tɔ 'plɛblɛ 'trilii, ɛn e 'bɔla -a 'le 'sran "nan "bɛ, e "sia 'wɩ 'ji.

Matie 24:13

'Pian min nɛn e -tɔ 'plɛblɛ -trilii, ɛn e 'bɔ -a 'le 'srannan "bɛ, e "sia 'wɩ 'ji.

Mark 10:50

Tɔɔn e 'yee sɔ 'si 'e da, e wluan lou -blu, ɛn e -kʋ Zozi 'va.

Zozi Crizi -le 'wɩ 'nɔnnɔn nɛn Luk -a crɛn -tɛ 12:15

Ɛn Zozi -a 'vɩ minnun nɛn -nan bɛ -wlɛ 'nan: «'Ka yiɛ 'tɔ 'ka 'fli -va! Te 'ka -wɛɛ 'nan fɛ pɛɛnɔn 'e 'kɔn 'ka 'lɔ dɩ! Kɔɔ -te min a fɛzan -a 'kɔ oo, -yee 'belidɩ 'ka 'sia 'e lɔ fɛ man dɩ.»

Zozi Crizi -le 'wɩ 'nɔnnɔn nɛn Luk -a crɛn -tɛ 16:28

'An "bʋɩnun a 'soolu, -e 'e 'wɩ tin 'ba -wlɛ, "tɔgɔ 'o 'ta fɛnan nɛn 'an yra ye 'gʋɛ -a -nan.›

Zozi Crizi -le 'wɩ 'nɔnnɔn nɛn Luk -a crɛn -tɛ 21:34

'Ka yiɛ 'tɔ 'ka 'fli -va! Te 'ka 'fli -nɔn -wɛn lɛ 'e 'ciɩla "da "dɩ! Ɛn te 'ka 'fli -nɔn 'trɛda ci "nrɔndɩ lɛ 'e 'ciɩla "da "dɩ! "Tɔgɔ tin 'ba yi 'e bɔ 'ka man kligli.

Zozi Crizi -le 'wɩ 'nɔnnɔn nɛn Zan -a crɛn -tɛ 3:32

Ɛn 'wɩ nɛn yaa -nan 'yɩ, 'lee 'wɩ nɛn yaa 'man bɛ -nyrɛn yaa ve, 'pian min -tʋ 'ka yi -tɛlɛa 'wɩ zɩɛ -a da dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 4:39

'Wɩ nɛn lɩ zɩɛ yaa 'vɩ bɛ, -yee "wɛan Samari 'nɔn "kaga "yi -tɛra Zozi da. Kɔɔ yaa 'vɩ 'nan, Zozi 'e drɛ wɩ pɛɛnɔn 'vɩ 'yrɛ.

Zozi Crizi -le 'wɩ 'nɔnnɔn nɛn Zan -a crɛn -tɛ 4:44

Te Zozi -a 'vɩ 'e 'bɔ 'a 'nan, wa'a Bali 'lewei vɩzan -tʋ siala -dan 'e 'bɔ fla dɩ.

Rɔmɛn 12:12

Fɛ nɛn 'ka 'bli cɩ -yrɛ "bɛ -yee "wɛan 'ka 'ci 'e 'fʋ 'e "nrandɩ! Ɛn 'wɩ 'tɔndɔn pɛɛnɔn nɛn e bɔa 'ka man bɛ, 'ka 'pɛ -tɔ 'ka -pɔan "da! Ɛn te 'ka "koe 'e 'nyan Bali trʋ 'badɩ -a dɩ!

Rɔmɛn 2:7

'Belidɩ nɛn ya'a 'nyaan dɩɛ, yaa -nɔan "minnun nɛn o "koe 'ka 'nyanlɛ Bali ci 'sɔ wɩ drɛdɩ -a dɩɛ -wlɛ. Kɔɔ tʋ pɛɛnɔn man bɛ, waa -wɛɛman 'nan Bali 'e 'tɔ -dan 'nɔn 'wlɛ, ɛn waa -wɛɛman 'nan 'belidɩ nɛn ya'a 'nyaan dɩɛ 'e drɛ 'wee vɛ -a.

2 Korɛnti 7:1

'An beenun, 'wɩnun zɩɛ Bali -tɔ "da 'nan 'e dra -cɛɛ, -yee "wɛan e ya "le -kaa 'fli drɛ 'saun Bali 'lɛ 'sidɩ -a 'wɩ 'wlidɩnun nɛn o -kaa "tri -tɔa Bali 'lɛ bɛ -a drɛdɩ man! -Kaa 'wɩ zɩɛ -a drɛ -e -kaa drɛ Bali -le vɛ -a "fo, ɛn -kaa drɛ "klandɩ -a Bali lɔ!

Galatɩ 2:2

Bali 'bɛ -nan kɔɔn 'mɛn 'nan, 'an 'kʋ -nan nun. 'Kʋ cin 'yɩ 'kʋ 'vale -leglizi 'lɛnɔn nɛn minnun o "siala 'kpa tɩglɩ bɛ waa 'kʋ 'saza yei. Bali -le 'wɩ 'nɔnnɔn nɛn maan ve tʋ pɛɛnɔn man minnun nɛn o 'ka Zuif 'nɔn 'a dɩɛ -wlɛ "bɛ, maan -sru 'vɩ -wlɛ. Maan wɛɛ 'nan 'nyranman nɛn maan 'pa 'trilii bɛ, 'o yɩ "yi, "tɔgɔ 'e 'sɛn 'yi 'a 'e "tun.

Galatɩ 5:7

'E tɛdɛ bɛ, kaa pou 'sia "yi! -Tɩɛ drɛ, ɛn ka 'ka "vale 'ka 'ta wʋla "nyian 'wɩ tɩglɩ zɩɛ -a da dɩ?

Efɛz 4:25

-Yee "wɛan 'ka 'si 'wlu 'sɛndɩ man, ɛn 'wɩ tɩglɩ nɛn 'ka vɩ 'ka cin lɛ! Kɔɔ -kaa pɛɛnɔn -kaa drɛ 'kɔlɛ -tʋwli "man mɛnnun -a.

Filipʋ 1:30

'Bɛ nɛn 'gʋɛ, 'an yra -tʋwli "nɛn maan 'yɩ bɛ, -a 'lein 'bɔ 'ji nɛn ka cɩ. Kaan 'yɩ te an ya 'an yra yɩnan Crizi -le "wɛan, ɛn kaa maan 'nan an ya yra yɩdɩ zɩɛ -a -ji "nyian.

Filipʋ 2:16

'Ka 'tɔ Bali wei nɛn e 'belidɩ nɛn ya'a 'nyaan dɩɛ -a -nɔan "min lɛ bɛ -a da 'plɛblɛ. 'Ka drɛ zɩɛ, -e tʋ nɛn Crizi -taa "man "bɛ, 'an 'ci 'e 'kɔn 'e "nrandɩ 'ka 'va. 'Wɩ zɩɛ -yɛɛ -kɔɔnman 'nan, 'nyranman pɛɛnɔn nɛn maan 'pa 'ka 'va 'lee 'an "koe pɛɛnɔn nɛn maan -nyan 'ka 'va bɛ, -a "nɛn 'ka 'fʋlɛ 'e "tun "dɩ.

2 Timote 2:4

'Sounja nɛn e ya "vale 'nan 'yee 'wɩ 'e 'sɔ 'e 'tazan lɛ bɛ, 'e "trɔɛn "sia 'e -sru "wɩnun pɛɛnɔn 'va.

2 Timote 4:7

Minsan -le -kuli bɛ, maan -tan fɛnyian, an cɛɛn flan 'blidɩ man. An yi -tɛra Zozi da -trilii, maan 'le 'sran.

Ebre 6:15

Abraam 'e -pɔan "sran 'e cin da, ɛn 'wɩ nɛn Bali -a 'vɩ bɛ yaa man -pɛn. -Yee "wɛan "bɛ -sru e drɛ -yee vɛ -a.

Zaji 1:3

Kɔɔ te ka yi -tɛra Bali da bɛ, ka bɔala 'ji, -e 'e -pɔan 'sɔdɩ -nɔn 'cɛɛ.

1 Piɛri 2:1

Bali 'ka 'ya 'e -trɛ, -yee "wɛan 'ka 'pɛ 'e 'si 'wɩ 'wlidɩ 'tɔ 'tʋdʋ pɛɛnɔn -sru! Te 'ka 'wlu 'sɛn "nyian dɩ! Te 'ka wei 'e 'kɔn "flivli "nyian dɩ! Te 'ka 'bli 'e bʋ min -le fɛ man "nyian dɩ! Te 'ka 'wɩ min man -wlidɩ "nyian 'e koda dɩ!

1 Piɛri 4:2

-Yee "wɛan 'cee tʋ nɛn e -fʋ -e 'ka drɛ 'trɛda bɛ, Bali ci 'sɔ wɩnun da nɛn 'ka 'ta wʋla! Te 'ka 'ta wʋla 'wɩ 'wlidɩ "nɛn blamin ci 'sɔ -a bɛ -a da dɩ!

1 Piɛri 5:1

Minnun nɛn o o 'tɔ min ceje -a -leglizi bɛ, an 'wɩ "paala "mɛn 'cɛɛ. 'An 'bɔ, "an "ya wo "nyian -leglizi min ceje -a. Crizi -le yra nɛn yaa 'yɩ bɛ, an ya -a -nan yɩzan -tʋ -a, ɛn tʋ nɛn Crizi -le -dan ta bɔala bɛ, 'an 'tɔ -kɔan "va "nyian. An 'wɩ "paala 'cɛɛ 'nan:

1 Piɛri 5:12

-Kaa "bʋɩ Zozizan Sila nɛn, maan 'yɩ 'nan min -kɔlaman e yi -tɛala "da "bɛ, -yɛɛ 'pa 'an 'va 'fluba "tiɛnnɛn 'gʋɛ -a crɛn -tɛnan, ɛn maan 'pa 'sia 'cɛɛ. An ya "va 'nan, 'an 'ka "koe -tɔa 'ka da, -e zɩ Bali -le "yi tɩglɩ cɩ bɛ, 'an 'ci vɩ 'cɛɛ. Te 'ka 'si "yi zɩɛ -a -sru "dɩ!

2 Piɛri 1:6

Ɛn ka 'wɩ 'tɔ wɩ drɛ bɛ, "bɛ -sru -e 'ka 'fli 'pla. Ɛn 'ka 'fli 'pla bɛ, "bɛ -sru -e 'ka -pɔan 'e 'sɔ. Ɛn 'ka -pɔan 'sɔ bɛ, "bɛ -sru -e 'ka Bali ci 'sɔ wɩ drɛ.

Apokalis 1:9

'An 'bɔ Zan nɛn 'ka "bʋɩ Zozizan 'tʋ -a bɛ, an ya 'an yra yɩnan "le 'cee 'wɩ 'zʋ. An ya Bali -le mingɔnnɛn trɛdavɛ -a "le 'cee 'wɩ 'zʋ. Zozi "paa 'an 'va, -yee "wɛan nɛn an -pɔan "sɔa 'wɩnun -ji "le 'cee 'wɩ 'zʋ. An -tɔ Bali -le 'wɩ -sru, ɛn an -tɔ 'wɩnun nɛn Zozi -a -ci 'si 'mɛn bɛ -a da, -yee "wɛan nɛn minnun 'an 'kun, ɛn o -kʋ 'maan 'yi yei 'trɛ nɛn waa laabo Patmo bɛ -a da.

Apokalis 13:10

Min nɛn Bali -a 'pla 'nan 'e 'pʋ 'kɔn 'blɩ bɛ, e -pʋ 'kɔn 'ble. Ɛn min nɛn Bali -a 'pla 'nan 'e 'ka -kuli 'tan sɛn "nɛn "bɛ, waa -tɛa -kuli 'tan sɛn -a. -Yee "wɛan nɛn e ya "le Bali -le minnun -pɔan 'e 'sɔ. Te -wee yi -tɛradɩ Bali da 'le 'e 'tɔ dɩ!

Apokalis 22:16

'An 'bɔ Zozi, an 'mɛn 'pasiazan nɛn laji bɛ -a 'pa 'sia, ɛn 'wɩnun zɩɛ yaa -ci 'si -leglizinun -le vɛ -a. David klu da min nɛn 'maan. Mlɛn crɛn nɛn e "bia bodrun bɛ -nyrɛn 'maan.»

Apokalis 3:10

'Ka 'pɛ 'ka plʋlɛ dɩ, 'wɩnun nɛn maan 'vɩ 'cɛɛ bɛ ka 'ta 'wʋla "da. -Yee "wɛan yra yɩdɩ -dan nɛn e -taa "bɔlɛ 'trɛdanɔn man bɛ, 'an yiɛ -tɔa 'ka 'va. Yra yɩdɩ zɩɛ an -taa "a 'trɛda 'nan -e 'an o drɛ wɩnun -nanjɛn.