Ebre 11:10 - Yaouré

¹⁰ Abraam a 'fla -dan nɛn -a -pʋ a 'e 'fɔdɩ 'trɛ 'ji 'plɛblɛ bɛ -a man -pɛnnan, -yee "wɛan nɛn e 'wɩ zɩɛ -a drɛ. 'Fla zɩɛ Bali 'bɛ cɩ -a plazan "a, ɛn -yɛɛ cɩ -a -tɔzan -a.

Ebre 11:10 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 14:2

'An "tɩ "le "kɔnnɛn "bɛ, -nyrannan "kaga "a -nan. An "ta -ko 'ka -nyrannan "man drɛlɛ. "Te -nyrannan 'ka 'nan dɩɛ, "te ma'an vɩlɛ 'cɛɛ dɩ.

2 Korɛnti 5:1

Kʋa -tɔa 'nan 'kɔlɛ nɛn kʋ cɩ -ji 'trɛda 'gʋɛ, e ya "le segle pannɛn 'wlu nɛn kʋ cɩ 'tʋ "wɛnnɛn 'le vɛ -a. -Te e srɛ bɛ, 'kɔlɛ nɛn Bali -a drɛ 'e 'pɛ -a bɛ, e -taa -a -nɔnlɛ 'kʋɛ. -Yɛɛ -kɔan "le 'kʋe 'kɔn tɩglɩ 'le 'wɩ 'zʋ. Blamin "cɛɛ -tɔ 'e 'pɛ -a dɩ. E ya laji, ɛn ya'a 'srɛman 'li "fo "dɩ.

Filipʋ 3:20

'Pian -cee vɛ bɛ, -cee 'fla a laji lou. -Kaa ya Minsan Zozi Crizi man -pɛnnan 'nan 'e 'si 'nan nun -e 'e 'ta -kaa 'si 'wɩ 'ji.

Ebre 11:16

'Pian -a tɩglɩ da bɛ, o fla nɛn e cɩ 'kpa ɛn e ya laji bɛ, -a dra 'bɛ o -tɛa. 'Wɩ zɩɛ -yee "wɛan nɛn 'yra 'ka Bali tɛa -a vɩdɩ -a 'nan 'e ya -wee Bali -a dɩ. Ɛn -yee "wɛan nɛn e 'fla fɛnyian -tʋ man drɛ -wlɛ.

Ebre 12:22

'Pian 'cee vɛ bɛ, 'wɩ zɩɛ -yɛɛ "cɛɛ drɛ 'cɛɛ dɩ. Kɔɔ ka pli pɔn nɛn waa laabo Ziɔn bɛ -a man, Bali nɛn -a yiɛ cɩ "man "bɛ 'yee 'fla nɛn ka wla. Zeruzalɛm nɛn laji bɛ -nyrɛn. Fɛ zɩɛ -a -nan nɛn Bali -le 'pasianɔn nɛn laji bɛ o "kaga "cɩ 'o cin yɩdɩ te o "fɛdi -ble.

Ebre 12:28

Bali -le mingɔnnɛn trɛ nɛn fɛ -tʋ 'ka 'kɔlaman -a nyɔɔndɩ -a dɩɛ, e ya -cee vɛ -a. -Yee "wɛan -kaa Bali muo "fɔ, ɛn -cee Bali 'sudɩ bɛ -kaa drɛ "le zɩ e "sɔa Bali lɛ bɛ -yee 'wɩ 'zʋ! -Kaa 'yra -tɛ Bali lɔ -e -kaa drɛ, ɛn -kaa "klan Bali lɔ -e -kaa drɛ!

Ebre 13:14

-Kaa fla nɛn 'trɛ 'gʋɛ -a da bɛ, ya'a 'fo 'nan 'li 'trilii dɩ, 'pian -kaa ya -a -wɛɛnan 'nan 'fla nɛn e -fo -nan 'li 'trilii bɛ 'e drɛ -cee vɛ -a.

Ebre 3:4

Ɛn "nyian bɛ, 'kɔn 'tʋdʋ pɛɛnɔn nɛn 'trɛda bɛ, blamin 'bɛ -tɔ, 'pian Bali 'bɛ fɛ pɛɛnɔn drɛ.

Apokalis 21:2

Ɛn an Bali -le 'fla 'saun 'yɩ 'sinan Bali "srɔn "laji te e -taa. Zeruzalɛm -trɛ bɛ -nyrɛn. -A man 'e drɛdɩ fɛnyian "le zɩ lɩmɔn 'e 'man dra fɛnyian te e ya 'e bɔɛ -pɛnnan 'nan -e 'o cin 'pa bɛ -yee 'wɩ 'zʋ.