Drɛwɩ (Actes) 7:3 - Yaouré

³ E 'nan Abraam lɛ 'nan: ‹'I 'si 'yie 'lɛglɔn 'ji, 'i si 'i 'mangulinun va, -e 'i 'kʋ 'trɛ nɛn an "ta -daa -a -kɔɔnlɛ 'yiɛ 'gʋɛ -a da.›

Drɛwɩ (Actes) 7:3 ပူးပေါင်းရင်းမြစ်များ

Matie 10:37

Min nɛn e "tɩ ye "yi, -te "bɛ "cɛɛ dɩ, 'e "bʋ ye "yi e "mlian 'an da bɛ, ya'a nyɛnlɛ 'an -sruzan 'a dɩ. Ɛn min nɛn e 'pɩ ye "yi, -te "bɛ "cɛɛ dɩ, e 'lu ye "yi e "mlian 'an da bɛ, ya'a nyɛnlɛ 'an -sruzan 'a dɩ.

Zozi Crizi -le 'wɩ 'nɔnnɔn nɛn Luk -a crɛn -tɛ 14:33

Ɛn Zozi -a 'le 'sran 'nan: «'Wɩ 'tʋwli zɩɛ -nyrɛn 'e drɛ 'cee vɛ -a! -Te min 'ka 'e 'bli 'silɛ 'yee fɛ pɛɛnɔn da dɩɛ, ya'a 'kɔlaman -e 'e drɛ 'an -sruzan 'a "fo "dɩ.

Drɛwɩ (Actes) 7:4

Ɛn Abraam 'si Kalde 'lɛglɔn 'ji, ɛn e -kʋ -nyɛnlɛa Aran. E -fʋ -nan nun. Zɩ -a "tɩ "ka bɛ, ɛn Bali -ta -a 'lɛglɔn nɛn ka cɩ -ji cɛɛgʋ 'gʋɛ -a -ji.

2 Korɛnti 6:17

-Yee "wɛan nɛn Minsan -a 'vɩ 'nan: «'Ka 'si minnun yei, 'ka 'cɛn o man! Fɛ nɛn e 'ka "tri -tɔa Bali 'lɛ bɛ, 'ka -wɛɛ 'nan 'ka "sia -a drɛdɩ man! -Te ka 'wɩ zɩɛ -a drɛ bɛ, an 'ka "kuan 'an 'pɛ "fli "a.

Ebre 11:8

Abraam yi -tɛra Bali da, -yee "wɛan zɩ Bali tin 'ba -yrɛ "bɛ, e 'ta 'wʋla "da. Bali -a 'vɩ -yrɛ 'nan, 'e 'si 'e fla, 'e -taa 'lɛglɔn 'tʋ -nɔnlɛ -yrɛ. -A -nan nɛn e -kʋdɩ 'sia, 'pian fɛnan nɛn e "ta -ko bɛ ya'a -nan tɔa dɩ.