Drɛwɩ (Actes) 3:10 - Yaouré

¹⁰ Waa -tɔa 'nan, min nɛn 'e -nyrandɩ -klɔn -yrɛ nɛn waa laabo -kpɛin fɛnyian bɛ -a "nɛn te e fɛ trʋ "baa bɛ -nyrɛn. Ɛn 'wɩ nɛn e drɛ -yrɛ "bɛ -a 'wɩ ciɩla minnun pɛɛnɔn da, 'wɩ o 'kan.

Drɛwɩ (Actes) 3:10 ပူးပေါင်းရင်းမြစ်များ

Matie 14:35

Minnun nɛn o -nyɛanla fɛ zɩɛ -a -nan bɛ, zɩ o Zozi 'yɩ bɛ, waa -kɔnnɛn 'yɩ. -A -nan nɛn o minnun 'pa 'sia 'o "srɔn 'flanun da, ɛn minnun -ta -cɛ -tɛnɔn pɛɛnɔn 'a -yrɛ.

Zozi Crizi -le 'wɩ 'nɔnnɔn nɛn Luk -a crɛn -tɛ 4:36

'Wɩ zɩɛ e min pɛɛnɔn 'kan, ɛn waa 'vɩ 'o cin lɛ 'nan: «-Mɛ "sʋ -man wɩ 'bɛ cɩ zɩɛ? Yaa ve -yʋ -wlidɩnun lɛ 'yee 'plɛblɛ 'lee 'yee -kɔladɩ -a, 'nan 'o 'si minnun -sru -e 'o drɛla "da.»

Zozi Crizi -le 'wɩ 'nɔnnɔn nɛn Luk -a crɛn -tɛ 9:43

Bali -le -dan 'lee -yee 'plɛblɛ min pɛɛnɔn 'kan. 'Wɩ nɛn Zozi -a drɛ bɛ, min pɛɛnɔn 'plo 'fʋ 'e 'fɔdɩ. -A -nan nɛn Zozi 'a 'vɩ 'e -srunɔn lɛ 'nan:

Zozi Crizi -le 'wɩ 'nɔnnɔn nɛn Zan -a crɛn -tɛ 5:20

-Yɛɛ cɩ 'nan -kaa "tɩ Bali 'e 'pɩ ye "yi, ɛn 'wɩ pɛɛnɔn nɛn Bali -a dra bɛ, yaa -kɔɔnman 'e 'pɩ lɛ. 'Wɩnun nɛn e cɩ -dandan 'kpa e -ciala 'gʋ da bɛ, yaa -kɔɔnman -yrɛ, 'nan -e 'wɩ 'e 'ka 'kan 'le "wɛan.

Zozi Crizi -le 'wɩ 'nɔnnɔn nɛn Zan -a crɛn -tɛ 9:3

Ɛn Zozi "e -wlɛ 'nan: «Wa'a vɩlɛ 'nan -a 'bɔ 'le 'wɩ 'wlidɩ "man nɛn dɩ, ɛn -te 'bɛ "cɛɛ dɩ, -a "tɩ 'lee -a "bʋ "le 'wɩ 'wlidɩ "man nɛn -a yiɛ 'wi dɩ. 'Pian -a yiɛ 'wi 'nan -e minnun 'o 'wɩ -dan nɛn Bali "ta -daa -a drɛlɛ -yrɛ "bɛ -a -nan yɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 9:8

Yiɛ 'wizan zɩɛ -a "srɔn 'nɔn 'lee minnun nɛn waa 'yɩ te e fɛ trʋ "baa bɛ, "o laabʋ 'nan: «Min nɛn "nɛn e -nyɛanla 'gʋ te e fɛ trʋ "baa bɛ, -njɛɛ bɛ dʋʋ?»

Drɛwɩ (Actes) 2:12

'Wɩ o pɛɛnɔn 'kan 'e 'ciɩla "da, ɛn 'wɩ nɛn kɔ 'o yɩ 'o vɩ bɛ, wa'a tɔa dɩ, te waa laabo 'o cin lɔ 'nan: «'Wɩ zɩɛ 'bɛ 'ci bɛ cɩ 'nɔn?»

Drɛwɩ (Actes) 2:7

'Wɩ o 'kan, ɛn 'wɩ nɛn kɔ 'o yɩ 'o 'vɩ bɛ, wa'a tɔa dɩ, te waa ve 'nan: «Minnun nɛn o "we 'labɛ, Galile 'nɔn nɛn waa 'o pɛɛnɔn,

Drɛwɩ (Actes) 3:2

Bali -pan 'kɔn 'bɔ man -klɔn -yrɛ nɛn waa laabo -kpɛin fɛnyian bɛ, min -srandɩ "tra "tʋ yra -a "nɛn. -A min 'bɔ, waa -ya zɩɛ. Tʋ pɛɛnɔn man, o -taa min 'bɔ 'nyɛnlɛa -kpɛin 'bɔ "srɔn 'nan te e "lala trʋ "baa minnun nɛn o -wlamlan Bali -pan 'kuin bɛ -wlɔ.