Drɛwɩ (Actes) 18:3 - Yaouré

³ O 'pa nyranman a -tʋwli "le "wɛan Pɔl -fʋ o va, ɛn o 'nyranman 'pa 'e cin va. -Wee 'nyranman nɛn 'nan 'o -tandannun drɛ.

Drɛwɩ (Actes) 18:3 ပူးပေါင်းရင်းမြစ်များ

1 Korɛnti 4:12

'Kʋ "koe -nyaan 'nyranman 'padɩ -a -e 'kʋ "nɛn "fɛ -blɩ. Minnun 'kʋ "srɔnman 'pian -fɛa nɛn kʋa ve o man. Minnun 'tɛ "paa 'kʋ da, 'pian 'kʋ 'wulo -tɔa "wlu.

1 Korɛnti 9:14

'Wɩ 'tʋwli zɩɛ Minsan -a -tɔ -pei -a. Yaa 'vɩ 'nan, minnun nɛn o wɩɩ Crizi -le 'wɩ 'nɔnnɔn man bɛ, -wɛɛ yiɛ -tɔa min nɛn e 'wɩ 'nɔnnɔn 'bɔ ve bɛ -a va.

1 Korɛnti 9:15

'Pian 'an 'bɔ 'le vɛ bɛ, ma'an -wɛɛlɛ 'nan min 'e 'wɩ zɩɛ -a drɛ 'mɛn "fo "dɩ. Ɛn an 'ka 'wɩ 'bɔ zɩɛ -a crɛn -tɛnan 'nan -e minnun 'o drɛdɩ 'sia 'mɛn dɩ. 'An 'ka dra lɔ, 'bɛ "yi mlin. Kɔɔ an 'ka "vale 'nan min 'e vɩ 'an man 'nan, an Crizi -le 'wɩ 'nɔnnɔn ve minnun lɛ o lɔ fɛnun yɩdɩ -le "wɛan dɩ.

1 Korɛnti 9:18

'An 'pan nɛn "mɛn -mɛ "a? -Nyrɛn 'nan, 'an Crizi -le 'wɩ 'nɔnnɔn vɩ minnun lɛ 'e "tun. Ɛn fɛ nɛn -a -si a 'e 'nɔndɩ 'mɛn 'nan 'an 'si -wlɔ "bɛ, ma'an sia "fo "dɩ.

2 Korɛnti 11:7

Bali -le 'wɩ 'nɔnnɔn nɛn maan 'vɩ 'cɛɛ bɛ, maan 'vɩ 'cɛɛ 'e "tun. Ka'an 'pan wʋlɛ dɩ. -Te an 'wɩ zɩɛ -a drɛ bɛ, e 'ka 'wɩ 'wlidɩ "a dɩ. 'Pian 'an 'fli drɛ 'cɛɛ "wɛnnɔn 'nan -e 'ka drɛ -a "nɛn "blɩnɔn 'a.

2 Korɛnti 11:9

-A -cin 'e 'tɔ 'ka 'ji 'nan, tʋ nɛn maan drɛ 'ka 'va ɛn "lala 'wɩ 'tɔ 'an man bɛ, ma'an 'silɛ 'ka 'va min -tʋ -lɔ dɩ. 'Pian -kaa "bʋɩ Zozinɔn nɛn Masedɔa 'lɛglɔn 'ji bɛ -wɛɛ ta 'palɛ 'an 'va "lala "nɛn -a 'wɩ cɩ 'an man bɛ -a. Maan wɛɛ 'nan te 'an 'kɔn 'ka 'win -ji -trɔ -a dɩ. Ɛn maan dra tian zɩ.

2 Korɛnti 12:13

-Mɛ "wɩ nɛn maan drɛ -leglizi peenun -ji, te ma'an 'bɛ drɛlɛ 'ka 'va dɩ? Maan -tɔa 'nan, e ya -tʋwli "cɛ, -nyrɛn 'nan, ma'an -wɛɛlɛ 'nan 'kaan 'pan wʋ dɩ. -Te kaa ye "le maan drɛ 'wlidɩ "bɛ, 'ka yra 'si, 'kaan man wɩ 'cɛ!

1 Tesalonik 2:9

'Kʋ "bʋɩ Zozinɔn, 'nyranman nɛn, kʋa 'pa 'ka 'va, 'lee 'kʋ "koe "nɛn e -nyan bɛ, -a -cin a 'ka 'ji. Bodrun funnin, te kʋ ya 'nyranman da, 'nan -e 'kʋe -blɩfɛ 'e vɩlɛ 'e drɛ 'ka 'tʋ 'win -ji -trɔ -a dɩ. 'Wɩ zɩɛ -a 'bɔ nɛn kʋa drɛ, te kʋ -ko Bali -le 'wɩ 'nɔnnɔn vɩdɩ -a 'cɛɛ.

1 Tesalonik 4:11

Ɛn zɩ kɔ 'ka 'blɩ te 'ka 'man yra flɩɩ bɛ, -a -cin nɛn 'e 'kɔn 'ka 'ji! 'Ka 'tɔ 'si minnun -le 'wɩ 'ji! 'Ka 'nyranman 'pa 'ka 'pɛ -a -e 'ka "nɛn "fɛ -blɩ! 'Wɩnun zɩɛ kʋa 'vɩ 'cɛɛ 'va.