Kolɔs 4:6 - Yaouré

⁶ Weinun nɛn o bɔala 'ka 'le bɛ, 'o 'kɔn tʋ pɛɛnɔn man "yi, ɛn -a 'nɔnnɔn 'e 'fʋ min man! Kɔɔ e ya "le -te min 'wɩ 'tʋ laabʋ 'ka 'lɔ bɛ, 'ka -kɔla -a -sru vɩdɩ -a -yrɛ fɛnyian.

Kolɔs 4:6 ပူးပေါင်းရင်းမြစ်များ

Matie 5:13

«Ka ya 'trɛda "le -wɛ -le 'wɩ 'zʋ. -Te -wɛ 'nɔnnɔn 'si "man "bɛ, -mɛ "a nɛn waa dra 'nɔnnɔn? E 'ka fɛ -tʋ drɛvɛ -a "nyian "fo "dɩ. Waa wɛɛnman, -e minnun 'o "taanla "da.»

Mark 9:50

'Wɩ 'kpa, -wɛ a fɛ "yi "a. 'Pian -te -wɛ 'nɔnnɔn 'si "man "bɛ, -mɛ "a nɛn waa dra "nyian 'nɔnnɔn? E "ka "fo "dɩ. "Le zɩ -wɛ fɛ dra 'nɔnnɔn bɛ, 'ka 'bɔ "nyian 'ka 'nɔnnɔn 'e 'kɔn 'ka cin man, -e 'ka yei 'e 'fʋ -trɔɔ.»

Zozi Crizi -le 'wɩ 'nɔnnɔn nɛn Luk -a crɛn -tɛ 4:22

Ɛn minnun pɛɛnɔn 'tɔ -a -sru. 'Wɩ 'nɔnnɔn nɛn e bɔala -a 'le bɛ e o 'plo 'fɔ, te waa ve 'nan: «Zozɛfʋ -pɩ "cɛɛ dʋʋ?»

Efɛz 4:29

Ɛn "nyian bɛ, te wei -wlidɩ "tʋwli 'e bɔla 'ka 'le "fo "dɩ! 'Pian 'wɩ nɛn e min peenun "le 'wɩ "paa "va "bɛ -a 'bɔ nɛn 'ka vɩ! Ɛn 'wɩ nɛn e "yi dra minnun lɛ bɛ, -a 'bɔ nɛn 'ka vɩ!

Kolɔs 3:16

Crizi -le 'wɩ 'nɔnnɔn bɛ, 'e 'kɔn 'ka yei 'e 'ciɩladɩ "da! 'Wɩ 'tɔdɩ -a nɛn 'ka 'wɩ "paa 'ka cin ji, te ka -ko 'wɩ pladɩ -a 'ka cin lɛ. 'Ka Bali muo "fɔ 'ka 'bli pɛɛnɔn 'a, te ka -ko -yee 'fluba 'ji "drenun -fɔdɩ -a, 'lee -a 'tɔ bɔ "drenun -fɔdɩ -a, 'lee "drenun nɛn Bali lei 'saun -a -cin -tɔa 'ka 'ji bɛ -a -fɔdɩ -a.

1 Piɛri 3:15

'Pian Crizi nɛn 'ka 'san -a bɛ, -a -tʋwli "da nɛn 'ka 'ci "nrɔndɩ pɛɛnɔn 'pla! -Te minnun -a laabʋ 'ka 'lɔ 'nan: «-Mɛ "le "wɛan 'ka yiɛ yra Zozi lɛ» bɛ, tʋ pɛɛnɔn man 'ka 'man 'e 'kɔn 'e wʋʋdɩ, -e 'ka 'ci vɩ -wlɛ.