Kolɔs 2:9 - Yaouré

⁹ Te min 'e 'ka 'man yɩ dɩ! Kɔɔ min nɛn e Bali kɔɔn minnun lɛ -pɛ pɛɛnɔn 'ji bɛ, Crizi -tʋwli "nɛn.

Kolɔs 2:9 ပူးပေါင်းရင်းမြစ်များ

Matie 1:23

«"I 'yiɔ! Nɔnbɛ "nɛn, ya'a tian 'kɔnnɛn -tɔlɛ dɩɛ, 'e 'pɔn "sia, -e 'e 'nɛn 'klɔnmɔn -ya, waa 'tɔ "paa Emanuɛl.» Emanuɛl -ci nɛn 'nan, Bali a -kaa 'va.

Zozi Crizi -le 'wɩ 'nɔnnɔn nɛn Luk -a crɛn -tɛ 14:22

Ɛn min 'suzan zɩɛ e -kʋ "nyian. Fɔɔnɔn, ɛn e -ta -a vɩlɛ 'e 'tazan lɛ 'nan: ‹'An 'san, 'wɩ nɛn yia 'vɩ bɛ, maan drɛ, 'pian -nyrannan -mie a tian 'nan.›

Zozi Crizi -le 'wɩ 'nɔnnɔn nɛn Luk -a crɛn -tɛ 3:22

-A -nan nɛn Bali lei 'saun sɔɔn "da -goezee "le -plablo -le 'wɩ 'zʋ. Ɛn wei -tʋ wɩɩ laji. Yaa 'vɩ 'nan: «I ya 'an 'pɩ nɛn maan ye "yi ɛn -yee 'wɩ 'an 'ci "nranman bɛ -a.»

Zozi Crizi -le 'wɩ 'nɔnnɔn nɛn Zan -a crɛn -tɛ 1:14

Wei zɩɛ, e drɛ blamin -a, ɛn e -ta -nyɛnlɛa 'kʋ 'va. Kʋ -yee -dan ci 'yɩ, -dan zɩɛ e ya -kaa "tɩ Bali -le 'nɛn 'tʋwli "le vɛ -a. E ya 'e fadɩ "yi "a, ɛn zɩ Bali cɩ bɛ, yaa kɔɔn 'kʋɛ 'e tɩglɩ da.

Zozi Crizi -le 'wɩ 'nɔnnɔn nɛn Zan -a crɛn -tɛ 1:16

"Yi "nɛn -yrɔ "bɛ e -cee "nɔn. Yi -tʋdʋ pɛɛnɔn man te e "yi zɩɛ -a -sɛan "da -cɛɛ.

Zozi Crizi -le 'wɩ 'nɔnnɔn nɛn Zan -a crɛn -tɛ 10:30

'An 'bɔ 'lee 'an "tɩ "bɛ, kʋ ya min -tʋwli "a.»

Zozi Crizi -le 'wɩ 'nɔnnɔn nɛn Zan -a crɛn -tɛ 10:38

'Pian -te -a 'bɔ nɛn maan dra bɛ, 'ka yi -tɛra 'an da. -Te 'bɛ "cɛɛ dɩ, 'ka yi -tɛra 'wɩ 'bɔ nɛn maan dra bɛ -a da. 'Ka drɛ zɩɛ, -e 'ka -tɔ 'kpa tɩglɩ 'nan 'kʋ 'vale 'an "tɩ "a bɛ, kʋ ya min -tʋwli "a.»

Zozi Crizi -le 'wɩ 'nɔnnɔn nɛn Zan -a crɛn -tɛ 14:20

Tʋ zɩɛ -a man nɛn kaa -tɔa 'nan 'an "tɩ 'bɔ bɛ, kʋ ya -a min -tʋwli. Ɛn 'ka 'bɔ 'lee 'an 'bɔ bɛ, -kaa ya min -tʋwli "a.

Zozi Crizi -le 'wɩ 'nɔnnɔn nɛn Zan -a crɛn -tɛ 17:21

An ya 'i trʋ 'banan 'nan -e 'o drɛ min -tʋwli "a. 'An "tɩ, 'o 'kɔn 'o lɛadɩ 'kʋ man, "le zɩ 'kʋ 'vale 'yia, kʋ ya min -tʋwli "a bɛ -yee 'wɩ 'zʋ. 'O drɛ min -tʋwli "a -e 'trɛdanɔn 'o -tɔ 'nan yiɛ 'an 'pa 'sia.

Zozi Crizi -le 'wɩ 'nɔnnɔn nɛn Zan -a crɛn -tɛ 2:21

'Pian -te Zozi a 'wɩ zɩɛ -a vɩnan bɛ, -a 'bɔ po nɛn Bali -le 'kɔn 'a bɛ -nyrɛn yaa ve.

Drɛwɩ (Actes) 17:29

Ɛn -te -kaa ya -yee 'nɛnnun -a bɛ, -ka'a 'kɔlaman paan -e -kaa ci "nrɔn 'nan, -kaa Bali -kɔɔnman -siga minnun 'lee "lala minnun 'lee -kɔlɛ minnun nɛn minnun o nyaan 'o 'pɛ -a 'lee 'o 'wulo -ji wɩnun da bɛ -a man dɩ.

2 Korɛnti 5:19

'Wɩ 'kpa, Bali ciɩla Crizi -va, ɛn e minnun pɛɛnɔn yei "sɛn 'e cin va 'o 'vale 'e 'bɔ 'a. 'Wɩ 'wlidɩ "nɛn blamin -a drɛ 'e 'cɛn bɛ, ya'a 'palɛ 'bɛ man dɩ, ɛn e 'wɩ zɩɛ -a drɛ. E 'kʋ 'pa 'sia 'nan 'kʋ -nan 'sinan 'pa minnun lɛ.

Kolɔs 1:19

E ya Bali 'bɔ 'ji 'nan 'yee -dan nɛn 'e cɩ -a bɛ, 'e 'nyran a 'e 'pɩ -va.

1 Timote 3:16

'Wɩ 'kpa nɛn, -kaa pɛɛnɔn pei a -tʋwli 'nan, 'wɩ yɔɔdɩ nɛn -cee yi -tɛradɩ Zozi da -a bɛ e ya -dan. -Nyrɛn 'nan Zozi drɛ blamin -a, ɛn Bali lei 'saun -a -ci kɔɔn 'nan ya'a 'wɩ 'wlidɩ -tʋwli "drɛlɛ dɩ. Bali -le 'pasianɔn -a 'yɩ. 'Wɩ nɛn Zozi -a drɛ bɛ, waa -nan 'sinan 'pa 'lɛglɔn pɛɛnɔn 'ji 'nɔn lɛ, ɛn minnun yi -tɛra "da. Bali 'tɔ -dan -nɔn -yrɛ laji lou.

'Fluba nɛn Pɔl -a crɛn -tɛ Tit lɛ 2:13

-Kaa drɛ zɩ, te -kaa ci "nran yi -dan bɛ -a man -pɛan. Yi zɩɛ -a da nɛn -kaa 'sizan 'wɩ 'ji Zozi Crizi nɛn -cee Bali -dan a bɛ, e -taa 'yee 'tɛ 'san -a.

1 Zan 5:20

-Kaa -tɔa "nyian 'nan Bali -pɩ -ta, e 'pa -kaa 'va ɛn -kaa Bali tɩglɩ 'tɔ. Ɛn -kaa 'vale Bali tɩglɩ 'a -kaa drɛ min -tʋwli "a, kɔɔ -kaa 'vale -a -pɩ Zozi Crizi -a -kaa drɛ min -tʋwli "a. -A -pɩ zɩɛ, -yɛɛ cɩ Bali tɩglɩ 'a, ɛn -yɛɛ cɩ 'belidɩ nɛn ya'a 'nyaan dɩɛ -a.

1 Zan 5:7

Fɛ nɛn yaa -kɔɔnman 'nan 'wɩ 'kpa nɛn bɛ, e ya yaaga.