Apokalis 7:9 - Yaouré

⁹ "Bɛ -sru ɛn an min "kaga 'kpa 'yɩ. Blamin 'ka 'kɔlaman o "nrɔndɩ -a "fo "dɩ. 'Lɛglɔn 'tʋdʋ pɛɛnɔn nɛn 'trɛda 'gʋɛ -a -ji minnun nɛn waa. Ɛn o wei -tʋdʋ pɛɛnɔn nɛn 'trɛda 'gʋɛ -a -fɔa. O ya 'o 'sɛndɩ mingɔnnɛn pɛin 'lee Bali -le 'bla 'lɛ. Sɔ 'fuvu nɛn o pɛɛnɔn da ɛn lo 'la a o pɛɛnɔn 'lɔ.

Apokalis 7:9 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 12:1

Ɛn minnun tredɩ 'sia "nyian Zozi man "kaga 'kpa 'nan -e 'o wei man. O ya "kaga "bʋʋ "le "wɛan o "taanmlan 'o cin cɛinla da. 'Pian Zozi 'wɩ tin 'badɩ 'sia 'e tɛdɛ 'e -srunɔn lɛ. Yaa 'vɩ -wlɛ 'nan: «'Ka yiɛ 'tɔ 'ka 'fli -va Farizɛn 'nɔn 'le 'mannyan 'le "wɛan. O wei a "flivli, -yɛɛ cɩ "le 'mannyan 'le 'wɩ 'zʋ. Te 'wɩ zɩɛ 'e 'ka 'sa -e 'ka 'wɩ drɛ "le -wee 'wɩ 'zʋ dɩ.

Zozi Crizi -le 'wɩ 'nɔnnɔn nɛn Luk -a crɛn -tɛ 21:36

-Yee "wɛan te 'ka 'ci 'e 'san 'ka 'fli man dɩ! 'Ka Bali trʋ 'ba tʋ pɛɛnɔn man, -e 'ka "koe 'e 'kɔn 'ka da! 'Ka drɛ zɩ, -e 'wɩ pɛɛnɔn nɛn e -taa "bɔlɛ 'ka man bɛ 'ka 'sʋ -yrɔ, -e 'ka 'kɔla -plidɩ -a Blamin -pɩ man.»

Zozi Crizi -le 'wɩ 'nɔnnɔn nɛn Zan -a crɛn -tɛ 12:13

o lo 'lanun 'sia, ɛn o -kʋ Zozi 'silɛ -sia te o plaman. Waa ve 'nan: «-Fɛavɛa o! -Fɛavɛa o! Min nɛn e cɩ -tanan Minsan 'tɔ da bɛ, Bali -le -fɛa 'e 'kɔn -a san man. Izraɛl 'nɔn 'le mingɔnnɛn nɛn.»

Rɔmɛn 11:25

'An "bʋɩ Zozinɔn, 'wɩ nɛn -a -ci a 'e yɔɔdɩ minnun man bɛ, an ya "vale "ka -ci man. Kɔɔ an 'ka "vale 'ka 'fli see "paa -e 'wɩ 'pee -cin 'e 'kɔn 'ka 'ji 'wɩ zɩɛ -a da dɩ. 'Wɩ zɩɛ -nyrɛn 'nan, Izraɛl 'nɔn -mienun a "trɔɛn "yuyu 'tannan, 'nan 'o 'ka "vale 'o yi -tɛala Zozi da dɩ. E -fo zɩɛ -trilii -e tʋ nɛn 'lɛglɔn 'pee -ji minnun pɛɛnɔn nɛn Bali o laabʋ bɛ e o "sia 'wɩ 'ji bɛ 'e bɔ.

Efɛz 6:13

-Yee "wɛan Bali -le -kuli -tan fɛnun nɛn yaa -nɔn 'cɛɛ bɛ, 'ka 'sia! -Te kaa drɛla "da "bɛ, tʋ nɛn yi -wlidɩ bɔa 'ka man bɛ, ka -kɔlaman -tɔdɩ -a -kli -e 'ka bɔla "ji 'kloun 'gloun.

Ebre 11:12

-Yee "wɛan nɛn Abraam 'bɔ nɛn tra tɛdɛ 'a bɛ, -a klu 'bɔla 'trɛda "kaga. -A kluda min a "kaga "le laji mlɛn crɛnnun -le 'wɩ 'zʋ, ɛn o ya "nyian "kaga "le jemie man nyrɛn -le 'wɩ 'zʋ, min 'ka 'kɔlaman -a "nrɔndɩ -a dɩ.

Ebre 12:22

'Pian 'cee vɛ bɛ, 'wɩ zɩɛ -yɛɛ "cɛɛ drɛ 'cɛɛ dɩ. Kɔɔ ka pli pɔn nɛn waa laabo Ziɔn bɛ -a man, Bali nɛn -a yiɛ cɩ "man "bɛ 'yee 'fla nɛn ka wla. Zeruzalɛm nɛn laji bɛ -nyrɛn. Fɛ zɩɛ -a -nan nɛn Bali -le 'pasianɔn nɛn laji bɛ o "kaga "cɩ 'o cin yɩdɩ te o "fɛdi -ble.

Apokalis 11:15

"Bɛ -sru ɛn Bali -le 'pasiazan 'sɔravlizan 'yee 'bei fɛɛn. -A -nan nɛn weinun 'wɩdɩ 'sia laji 'kpa 'plɛblɛ. Waa 'vɩ 'nan: «Mingɔnnɛn trɛ pɛɛnɔn nɛn 'trɛda bɛ o drɛ "mɛn 'kʋ 'san Bali -le vɛ -a, ɛn o drɛ -a -pɩ Zozi Crizi -le vɛ -a. E mingɔnnɛn -ble "da 'li 'trilii.»

Apokalis 22:3

Fɛ -tʋ 'ka 'kɔan 'fla zɩɛ -a da, te Bali wei a 'e pladɩ "man "fo "dɩ. Mingɔnnɛn pɛin nɛn e ya Bali -le vɛ -a, ɛn e ya Bali -le 'bla 'le vɛ -a bɛ, e ya 'e -trɔadɩ 'fla 'bɔ da, te Bali 'sunɔn Bali bɔa.

Apokalis 3:18

-Yee "wɛan an 'wɩ "paala 'cɛɛ 'nan, -siga nɛn o -yee 'kpa -nanjɛn 'tɛ 'va bɛ, 'ka 'ta -a 'lɔ 'an 'lɔ. -Te ka 'wɩ zɩɛ -a drɛ bɛ, ka -taa "drɛlɛ fɛnɔn tɩglɩ 'a. Ɛn "nyian bɛ, an 'wɩ "paala 'cɛɛ 'nan, 'ka 'ta sɔ 'fuvu 'lɔ 'an 'lɔ, -e 'ka wʋ 'ka da. -Te ka 'wɩ zɩɛ -a drɛ bɛ, 'yra -taa 'silɛ 'ka yiɛ man. Ɛn "nyian bɛ, an 'wɩ "paala 'cɛɛ 'nan, 'ka 'ta yiɛ 'yile 'lɔ 'an 'lɔ, -e 'ka -sɛn 'ka yiɛ -goei -e 'ka -kɔla "fɛnan yɩdɩ -a.

Apokalis 4:4

Mingɔnnɛn pɛin zɩɛ e ya 'e 'si -fɔdɩ mingɔnnɛn pɛin -yɔ -tʋ 'wlɛ sinjɛn -a. Mingɔnnɛn pɛinnun zɩɛ min cejenun yra 'o -nyrandɩ "da, te sɔ 'fuvu a o pɛɛnɔn da. -Siga kle "a o pɛɛnɔn 'wulo -man.

Apokalis 5:11

"Bɛ -sru ɛn Bali -le 'pasianɔn nɛn laji bɛ, an o "kaga 'yɩ. O ya "kaga, blamin 'ka 'kɔlaman -e 'e o "nrɔn dɩ. An o 'yɩ mingɔnnɛn pɛin "srɔn, o ya fɛnun sinjɛn 'lee min cejenun yei. An o wei 'man,

Apokalis 5:9

-A -nan nɛn o "dre "trɛ -fɔdɩ 'sia. Waa -fɔa 'nan: «-A -nɔan da nɛn i 'fluba 'sia, 'nan -e 'i -a -yrɩvɛnun "cɛɛn "man. Kɔɔ yiɛ drɛ 'sraga bʋvɛ -a 'lɛglɔn -tʋdʋ pɛɛnɔn nɛn 'trɛda 'gʋɛ -a -ji minnun man, 'lee minnun nɛn o wei -tʋdʋ pɛɛnɔn -fɔa 'trɛda 'gʋɛ o man. 'I nyɛn nɛn e -sran bɛ, -a 'bɔ 'a nɛn i o ta pan 'wʋ Bali lɛ.

Apokalis 6:11

Bali sɔ 'fuvu 'wʋ o pɛɛnɔn da, ɛn yaa 'vɩ -wlɛ 'nan, 'o man -pɛn tian "nyian. Kɔɔ o "blu 'lee o "bʋɩnun nɛn o 'nyranman -tʋwli zɩɛ -a "paa bɛ, minnun -taa "o -tɛɛlɛ "le -wee 'wɩ 'zʋ. Ɛn o pɛɛnɔn 'ka tian 'o cin yɩdɩ dɩ.

Apokalis 7:8

Ɛn Zabulɔn -le vɛ nɛn 'gʋ, o ya min -kpi fuda 'fiili (12.000), ɛn Zozɛfʋ -le vɛ nɛn 'gʋ, o ya min -kpi fuda 'fiili (12.000), ɛn Bɛnzamɛn -le vɛ nɛn 'gʋ, o ya min -kpi fuda 'fiili (12.000).