Apokalis 5:6 - Yaouré

⁶ Ɛn an fɛ -tʋ 'yɩ, e ya 'e 'tɔdɩ mingɔnnɛn pɛin 'lɛ. Min cejenun 'lee fɛnun sinjɛn bɛ waa si -fɔ. Bali -le 'bla nɛn. E ya "le fɛ nɛn waa -blɔ cɛɛn 'sraga -a bɛ -yee 'wɩ 'zʋ. -A 'bei a 'sɔravli, ɛn -a yiɛ a 'sɔravli. Yiɛ 'sɔravli zɩɛ Bali lei 'sɔravli "nɛn Bali o 'pa 'sia 'trɛda fɛ pɛɛnɔn 'nan bɛ, o 'bɔ nɛn.

Apokalis 5:6 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 1:69

Bali -ta min 'plɛblɛ nɛn e -kɔlaman e min "sia 'wɩ 'ji bɛ -a -cɛɛ. -Yee 'nyranman 'pazan David kluda min nɛn.

Zozi Crizi -le 'wɩ 'nɔnnɔn nɛn Zan -a crɛn -tɛ 1:29

-A ta tʋ cɛɛn, zɩ Zan -a 'yɩ 'nan Zozi a -tanan 'e 'va zia bɛ, ɛn e 'nan: «"Ka 'yiɔ, Bali -le 'bla 'a. -A 'bɔ nɛn Bali -a -nɔn 'nan -e 'e 'trɛdanɔn 'le 'wɩ 'wlidɩ pɛɛnɔn "nɛn wɩ yɩ, -e -wee 'wɩ 'wlidɩ 'e 'fui.

Zozi Crizi -le 'wɩ 'nɔnnɔn nɛn Zan -a crɛn -tɛ 1:36

ɛn zɩ e Zozi 'yɩ te e ya ciɩnan bɛ, ɛn e 'nan: «"Ka 'yiɔ Bali -le 'bla bɛ, -nyrɛn "bɛ.»

Drɛwɩ (Actes) 8:32

'Wɩ nɛn e cɩ -a ta vɩnan Ezai -le 'fluba 'ji bɛ -nyrɛn 'gʋ: «O -kʋ -a -tɛlɛ "le 'bla 'zʋ, ɛn o -kʋ -a "le 'bla 'nɛn nɛn o cɩ -a "cɛ "bʋnan ya'a 'we dɩɛ -yee 'wɩ 'zʋ. Ya'a 'wɩ 'tʋ 'silɛ "da "dɩ.

Apokalis 1:4

'An 'bɔ Zan, mɛɛn 'fluba 'gʋɛ -a crɛn -tɛ 'ka -leglizi 'sɔravli "nɛn Azi 'lɛglɔn 'ji bɛ, 'cɛɛ. Bali a -nan tʋ pɛɛnɔn man, e ya -nan 'li 'e 'cɛn, ɛn e -taa. 'E 'yee "yi 'lee 'yee -fʋdɩ -trɔɔ -nɔn 'cɛɛ. Ɛn "nyian bɛ, lei 'sɔravli "nɛn Bali -le mingɔnnɛn pɛin 'lɛ bɛ, Bali lei 'saun nɛn. 'O 'wee "yi 'lee 'wee -fʋdɩ -trɔɔ -nɔn 'cɛɛ.

Apokalis 12:11

Ɛn "nyian bɛ, Bali -le 'wɩ nɛn waa 'vɩ minnun lɛ bɛ, 'lee Bali -le 'bla nyɛn nɛn, e -sran bɛ, -yee "wɛan -kaa "bʋɩ 'lee -kaa "blu Zozinɔn Satan klɩ. Wa'a "klanlɛ -kadɩ lɔ 'wee yi -tɛradɩ Zozi da -ji dɩ.

Apokalis 13:8

-Yee "wɛan nɛn 'trɛdanɔn pɛɛnɔn 'o "po sɔɔn "wlu ɛn waa 'bɔ. 'Pian Bali -le minnun 'ka "o "drɛlɛ dɩ. Kɔɔ Bali o 'tɔ 'crɛn -tɛ min 'beli 'fluba 'ji 'vaa ɛn Bali 'trɛ drɛ. 'Fluba zɩɛ Bali -le 'bla nɛn waa 'nɔn 'sraga -a bɛ, e ya -yee vɛ -a.

Apokalis 14:1

"Bɛ -sru ɛn an Bali -le 'bla 'yɩ 'e 'tɔdɩ pɔn nɛn waa laabo Ziɔn bɛ -a da. Pɔn zɩɛ e ya Zeruzalɛm fla yei. Min -kpi yaa tʋ 'e 'ta le min -fuba sinjɛn 'wlɛ sinjɛn (144.000) a 'o 'tɔdɩ -a "srɔn. Bali -le 'bla 'tɔ 'lee -a "tɩ 'tɔ a 'e 'crɛn -tɛdɩ o pɛɛnɔn nyrɛnbɔn da.

Apokalis 17:14

Ɛn o -kʋ -kuli -tɔlɛ Bali -le 'bla man. 'Pian Bali -le 'bla o klɩ, kɔɔ -yɛɛ cɩ minsannun da Minsan -a, ɛn -yɛɛ cɩ mingɔnnɛnnun da mingɔnnɛn -a. Minnun nɛn Bali -le 'bla o laabʋ ɛn e o 'si "va 'yee vɛ -a bɛ, -wɛɛ -taa mingɔnnɛnnun 'klɩlɛ 'o 'vale Bali -le 'bla 'a.»

Apokalis 21:22

Ma'an Bali -pan 'kɔn yɩlɛ 'fla 'bɔ da "fo "dɩ. Kɔɔ Minsan Bali nɛn 'plɛblɛ pɛɛnɔn 'san Bali -a bɛ, -yɛɛ cɩ -nan "le Bali -pan 'kɔn 'le 'wɩ 'zʋ, 'o 'vale 'yee 'bla 'a.

Apokalis 21:23

'Fla 'bɔ zɩɛ e 'ka 'nan yidɛ 'san 'lee mlɛn -san nɛn 'o 'ta drɛ 'wein dɩ. Kɔɔ Bali -le 'tɛ 'san 'bɛ ta dra 'wein, ɛn Bali -le 'bla 'bɛ cɩ -yee -kannɛn -a.

Apokalis 22:1

"Bɛ -sru ɛn Bali -le 'pasianɔn nɛn laji bɛ -a -tʋ 'yi nɛn e 'belidɩ -nɔan "min lɛ bɛ -a kɔɔn 'mɛn. 'Yi zɩɛ e ya 'e ba -a, ɛn e ya 'e siadɩ "da. E bɔala mingɔnnɛn pɛin nɛn e ya Bali -le vɛ -a ɛn e ya "nyian Bali -le 'bla 'le vɛ -a bɛ -a wlu.

Apokalis 22:3

Fɛ -tʋ 'ka 'kɔan 'fla zɩɛ -a da, te Bali wei a 'e pladɩ "man "fo "dɩ. Mingɔnnɛn pɛin nɛn e ya Bali -le vɛ -a, ɛn e ya Bali -le 'bla 'le vɛ -a bɛ, e ya 'e -trɔadɩ 'fla 'bɔ da, te Bali 'sunɔn Bali bɔa.

Apokalis 4:8

Fɛnun zɩɛ o -pɛ "jɛ "a 'shɛɛdʋ, 'shɛɛdʋ 'o pɛɛnɔn. Yiɛ "kaga "a o -pɛ "jɛ "ta lou, ɛn -a -mie a o -pɛ "jɛ 'wlu. Wa'a 'flian "dre -fɔdɩ -a dɩ. Bodrun funnin te o "dre -fɔa, waa -fɔa 'nan: «Minsan Bali a 'saun 'saun 'saun. -Yɛɛ cɩ 'plɛblɛ pɛɛnɔn 'san -a. E ya -nan tʋ pɛɛnɔn man, e ya -nan 'li 'e 'cɛn, ɛn e -taa.»

Apokalis 5:11

"Bɛ -sru ɛn Bali -le 'pasianɔn nɛn laji bɛ, an o "kaga 'yɩ. O ya "kaga, blamin 'ka 'kɔlaman -e 'e o "nrɔn dɩ. An o 'yɩ mingɔnnɛn pɛin "srɔn, o ya fɛnun sinjɛn 'lee min cejenun yei. An o wei 'man,

Apokalis 5:12

te o "dre -fɔa wei 'plɛblɛ 'ji. Waa -fɔa 'nan: «Bali -le 'bla nɛn waa -blɔ cɛɛn 'sraga bʋvɛ -a minnun man bɛ, -a -nɔan da nɛn minnun -a ve 'nan, 'plɛblɛ a -yrɔ. Ɛn -a -nɔan da nɛn minnun -a ve 'nan, "yi pɛɛnɔn 'san nɛn. Ɛn -a -nɔan da nɛn minnun -a ve 'nan, 'wɩ 'tɔdɩ pɛɛnɔn "sia "va. Ɛn -a -nɔan da nɛn minnun -a ve 'nan, -a lɔ nɛn "koe "cɩ. Ɛn -a -nɔan da nɛn minnun -a ve 'nan, 'tɔ bɔdɩ a -yee vɛ -a. Ɛn -a -nɔan da nɛn minnun -a ve 'nan, 'tɔ -dan a -yee vɛ -a. Ɛn -a -nɔan da nɛn minnun -a ve 'nan, 'tɔ "yi "vɩdɩ a -yee vɛ -a.»

Apokalis 5:13

Ɛn "nyian fɛnun pɛɛnɔn nɛn Bali o drɛ bɛ, an o wei 'man te o "dre -fɔa. -A -mienun a laji, ɛn -a -mienun a 'trɛda, ɛn -a -mienun a 'trɛ 'wlu, ɛn -a -mienun a jemie -va. Waa -fɔa 'nan: «Min nɛn 'e -nyrandɩ mingɔnnɛn pɛin -da bɛ, 'lee Bali -le 'bla bɛ, -kaa o 'tɔ "yi "vɩ, ɛn -kaa o 'tɔ bɔ, ɛn -kaa o 'tɔ -dan vɩ, ɛn -kaa vɩ o man 'nan o ya 'plɛblɛ 'li 'trilii.»

Apokalis 5:14

-A -nan nɛn fɛnun sinjɛn bɛ, o wɩɩla "man 'nan: «Amɛn!» Ɛn min cejenun 'o "po sɔɔn, te waa bɔa.

Apokalis 6:16

Waa ve pɔnnun 'lee -kɔlɛ -dandannun lɛ 'nan: «'Ka 'tɛ 'kʋ da -e 'kʋ 'ta 'e 'san, "tɔgɔ min nɛn 'e -nyrandɩ mingɔnnɛn pɛin -da bɛ 'e 'kʋ yɩ, ɛn "tɔgɔ Bali -le 'bla 'le nyran -blɩdɩ 'e bɔ 'kʋ man.