Apokalis 5:12 - Yaouré

¹² te o "dre -fɔa wei 'plɛblɛ 'ji. Waa -fɔa 'nan: «Bali -le 'bla nɛn waa -blɔ cɛɛn 'sraga bʋvɛ -a minnun man bɛ, -a -nɔan da nɛn minnun -a ve 'nan, 'plɛblɛ a -yrɔ. Ɛn -a -nɔan da nɛn minnun -a ve 'nan, "yi pɛɛnɔn 'san nɛn. Ɛn -a -nɔan da nɛn minnun -a ve 'nan, 'wɩ 'tɔdɩ pɛɛnɔn "sia "va. Ɛn -a -nɔan da nɛn minnun -a ve 'nan, -a lɔ nɛn "koe "cɩ. Ɛn -a -nɔan da nɛn minnun -a ve 'nan, 'tɔ bɔdɩ a -yee vɛ -a. Ɛn -a -nɔan da nɛn minnun -a ve 'nan, 'tɔ -dan a -yee vɛ -a. Ɛn -a -nɔan da nɛn minnun -a ve 'nan, 'tɔ "yi "vɩdɩ a -yee vɛ -a.»

Apokalis 5:12 ပူးပေါင်းရင်းမြစ်များ

Matie 28:18

Zozi pli 'e -srunɔn man, ɛn e 'wɩ tin 'ba -wlɛ. Yaa 'vɩ -wlɛ 'nan: «Bali 'plɛblɛ 'nɔn 'mɛn fɛ pɛɛnɔn da laji, ɛn yaa -nɔn 'mɛn fɛ pɛɛnɔn da 'trɛda.

Zozi Crizi -le 'wɩ 'nɔnnɔn nɛn Zan -a crɛn -tɛ 1:29

-A ta tʋ cɛɛn, zɩ Zan -a 'yɩ 'nan Zozi a -tanan 'e 'va zia bɛ, ɛn e 'nan: «"Ka 'yiɔ, Bali -le 'bla 'a. -A 'bɔ nɛn Bali -a -nɔn 'nan -e 'e 'trɛdanɔn 'le 'wɩ 'wlidɩ pɛɛnɔn "nɛn wɩ yɩ, -e -wee 'wɩ 'wlidɩ 'e 'fui.

Zozi Crizi -le 'wɩ 'nɔnnɔn nɛn Zan -a crɛn -tɛ 17:2

I 'plɛblɛ 'nɔn 'mɛn, ɛn yian 'pla fɛ pɛɛnɔn 'ta lou, -yee "wɛan minnun nɛn i o -nɔn 'mɛn bɛ, an 'belidɩ nɛn ya'a 'nyaan dɩɛ -a -nɔan -wlɛ.

2 Korɛnti 8:9

"Yi "nɛn -kaa san Zozi Crizi -a drɛ bɛ kaa -tɔa. Kaa -tɔa 'nan e ya fɛzan -a Bali 'lɛ, ɛn 'e 'fli drɛ 'yalɛ -tɛzan 'cee "wɛan. Yaa drɛ zɩɛ 'nan -e -yee 'yalɛ -tɛdɩ 'e 'ka drɛ fɛnɔn 'a Bali 'lɛ.

1 Timote 1:17

Bali a mingɔnnɛn -a 'li 'trilii, ya'a 'kaa "fo "dɩ. Min 'ka -a ye 'e yiɛ 'a dɩ. -Yɛɛ cɩ Bali -a 'e -tʋwli, fɛ pee 'ka "nyian -yee -sru "dɩ. 'Tɔ 'wɩdɩ 'e 'kɔn -yee vɛ -a, ɛn 'tɔ -dan 'e 'kɔn -yee vɛ -a 'li 'trilii. Amɛn!

Apokalis 1:6

E -kaa drɛ Bali -le mingɔnnɛn trɛda 'nɔn 'a. E -kaa drɛ Bali -pannɔn 'a, 'nan -e -kaa 'e "tɩ Bali 'su. 'Tɔ -dan 'e 'kɔn Zozi 'le vɛ -a, ɛn 'plɛblɛ 'e 'kɔn 'yee vɛ -a 'li 'trilii. Amɛn!

Apokalis 13:8

-Yee "wɛan nɛn 'trɛdanɔn pɛɛnɔn 'o "po sɔɔn "wlu ɛn waa 'bɔ. 'Pian Bali -le minnun 'ka "o "drɛlɛ dɩ. Kɔɔ Bali o 'tɔ 'crɛn -tɛ min 'beli 'fluba 'ji 'vaa ɛn Bali 'trɛ drɛ. 'Fluba zɩɛ Bali -le 'bla nɛn waa 'nɔn 'sraga -a bɛ, e ya -yee vɛ -a.

Apokalis 15:3

Ɛn o "dre "nɛn Moizi nɛn Bali 'suzan 'a bɛ yaa 'pa bɛ, -a -fɔdɩ 'sia. "Dre zɩɛ e ya "nyian Bali -le 'bla 'le "dre "a. Waa -fɔa 'nan: «Bali, yiɛ cɩ 'kʋ 'san -a, ɛn 'plɛblɛ pɛɛnɔn 'san nɛn 'yia, 'i drɛ 'wɩnun a -dandan, ɛn o ya 'lɛbo "fɔ wɩnun -a. Yiɛ cɩ 'kʋ 'san -a ɛn 'plɛblɛ pɛɛnɔn 'san nɛn 'yia. -Si tɩglɩ nɛn yia -kɔɔnman minnun lɛ, ɛn -yɛɛ cɩ -a 'kpa -a. Yiɛ cɩ mingɔnnɛn -a 'lɛglɔn pɛɛnɔn 'ji 'nɔn da.

Apokalis 19:1

"Bɛ -sru ɛn an wei -tʋ 'man laji 'plɛblɛ 'kpa. E wɩɩ "le 'nan min "kaga 'bɛ cɩ -a vɩnan 'nan: «-Kaa Bali 'tɔ "yi "vɩ! -Kaa "tɩ Bali 'bɔ 'bɛ cɩ min 'sizan 'wɩ 'ji -a, 'tɔ -dan a -yee vɛ -a, ɛn 'plɛblɛ pɛɛnɔn a -yee vɛ -a.

Apokalis 4:11

«'Kʋ 'san, yiɛ cɩ 'kʋe Bali -a. Yiɛ fɛ pɛɛnɔn drɛ, ɛn fɛnun pɛɛnɔn nɛn 'trɛda 'gʋɛ, 'i 'ci 'sɔ wɩnun da nɛn i o drɛ. -Yee "wɛan -a -nɔan da nɛn -e min 'e 'tɔ -dan 'nɔn 'yiɛ, ɛn -a -nɔan da nɛn -e min 'e 'i bɔ, ɛn -a -nɔan da nɛn -e min 'e vɩ 'nan 'plɛblɛ pɛɛnɔn a 'yie vɛ -a.»

Apokalis 5:13

Ɛn "nyian fɛnun pɛɛnɔn nɛn Bali o drɛ bɛ, an o wei 'man te o "dre -fɔa. -A -mienun a laji, ɛn -a -mienun a 'trɛda, ɛn -a -mienun a 'trɛ 'wlu, ɛn -a -mienun a jemie -va. Waa -fɔa 'nan: «Min nɛn 'e -nyrandɩ mingɔnnɛn pɛin -da bɛ, 'lee Bali -le 'bla bɛ, -kaa o 'tɔ "yi "vɩ, ɛn -kaa o 'tɔ bɔ, ɛn -kaa o 'tɔ -dan vɩ, ɛn -kaa vɩ o man 'nan o ya 'plɛblɛ 'li 'trilii.»

Apokalis 5:6

Ɛn an fɛ -tʋ 'yɩ, e ya 'e 'tɔdɩ mingɔnnɛn pɛin 'lɛ. Min cejenun 'lee fɛnun sinjɛn bɛ waa si -fɔ. Bali -le 'bla nɛn. E ya "le fɛ nɛn waa -blɔ cɛɛn 'sraga -a bɛ -yee 'wɩ 'zʋ. -A 'bei a 'sɔravli, ɛn -a yiɛ a 'sɔravli. Yiɛ 'sɔravli zɩɛ Bali lei 'sɔravli "nɛn Bali o 'pa 'sia 'trɛda fɛ pɛɛnɔn 'nan bɛ, o 'bɔ nɛn.

Apokalis 5:8

Zɩ e 'fluba 'bɔ 'si bɛ, 'nun tɔɔn ɛn fɛnun sinjɛn bɛ 'lee min ceje -yɔ -tʋ 'wlɛ sinjɛn bɛ, 'o "po sɔɔn "wlu. "Dre "fɔ "davɛ nɛn e ya "le -gɔɛdi -le 'wɩ 'zʋ bɛ, e ya o pɛɛnɔn 'lɔ. Ɛn -siga 'kulenɛn nɛn e ya 'e fadɩ -laziglɔ -a bɛ, e ya "nyian o pɛɛnɔn 'lɔ. -Laziglɔ zɩɛ minnun nɛn o cɩ Bali -le vɛ -a bɛ, -wee Bali trʋ 'badɩ nɛn.

Apokalis 5:9

-A -nan nɛn o "dre "trɛ -fɔdɩ 'sia. Waa -fɔa 'nan: «-A -nɔan da nɛn i 'fluba 'sia, 'nan -e 'i -a -yrɩvɛnun "cɛɛn "man. Kɔɔ yiɛ drɛ 'sraga bʋvɛ -a 'lɛglɔn -tʋdʋ pɛɛnɔn nɛn 'trɛda 'gʋɛ -a -ji minnun man, 'lee minnun nɛn o wei -tʋdʋ pɛɛnɔn -fɔa 'trɛda 'gʋɛ o man. 'I nyɛn nɛn e -sran bɛ, -a 'bɔ 'a nɛn i o ta pan 'wʋ Bali lɛ.

Apokalis 6:1

"Bɛ -sru ɛn an Bali -le 'bla 'yɩ, te e ya 'fluba -yrɩvɛ 'sɔravli "bɛ -a tɛdɛ 'cɛnnan. Zɩ yaa cɛɛn bɛ, -a -nan nɛn fɛnun sinjɛn bɛ, -a tɛdɛ paan 'kpa 'plɛblɛ "le laa -paan 'bɛ wɩɩ. Yaa 'vɩ fɛ -tʋ lɛ 'nan: «'I 'ta!»

Apokalis 7:12

Waa 'vɩ 'nan: «'Wɩ tɩglɩ nɛn. 'Kʋ "tɩ Bali bɛ, kʋi 'tɔ "yi "ve, ɛn kʋi 'tɔ -dan ve, ɛn kʋ 'yie 'wɩ 'tɔdɩ ve, ɛn kʋi muo -fɔa, ɛn kʋi 'tɔ bɔa, ɛn kʋa ve 'nan 'plɛblɛ 'lee -kɔladɩ a 'yie vɛ -a 'li 'trilii. Amɛn!»