Apokalis 22:12 - Yaouré

¹² Ɛn Zozi "e 'nan: «'Ka drɛ "yi! 'An 'lʋdɩ 'bɔ 'kogo. 'Ka 'kopa a 'an 'lɔ. Zɩ min -tʋ drɛ wɩ cɩ bɛ, -a da nɛn maan -ko "paa.

Apokalis 22:12 ပူးပေါင်းရင်းမြစ်များ

Matie 16:27

'Wɩ pɛɛnɔn zɩɛ maan -cin -tɔ 'ka 'ji, kɔɔ tʋ nɛn an -ta pee wo bɛ, 'an 'bɔ Blamin -pɩ, an -taa 'an "tɩ "le 'tɛ 'san da 'kʋ 'vale 'mɛn 'pasianɔn nɛn laji bɛ waa. Tʋ zɩɛ -a man nɛn min -tʋ 'e drɛ wɩ man -kopa ye.

Rɔmɛn 14:12

'Wɩ zɩɛ -yɛɛ -kɔɔnman 'nan, -kaa -tʋdʋ pɛɛnɔn -taa 'wɩnun nɛn -kaa drɛ bɛ, -a -sru "vɩlɛ Bali lɛ.

1 Korɛnti 3:14

Min nɛn e 'kɔn zɩɛ -a -tɔ "da ɛn 'tɛ 'ka -kɔlalɛ -yee vɛ srɛdɩ -a dɩɛ, -a san 'yee -kopa ye.

1 Korɛnti 3:8

Min nɛn e fɛ 'wlɛ -fɔa 'trɛ 'ji 'lee min nɛn e 'yi -sɛan "da "bɛ, wa'a 'mlian 'o cin da dɩ. 'Pian 'nyranman nɛn min -tʋ -a 'pa bɛ, -a man -kopa nɛn Bali -a -nɔan -a san lɛ.

Apokalis 11:18

'Lɛglɔn pɛɛnɔn 'ji 'nɔn 'ka 'i wei manlɛ "yi "dɩ, -yee "wɛan 'yie nyran -blɩ tʋ 'bɔ o va. Ɛn "nyian bɛ, minnun pɛɛnɔn nɛn o kaa bɛ, -wee tin 'badɩ 'bɔ. 'I 'sunɔn nɛn 'i 'lewei vɩnɔn 'a bɛ, 'lee 'yie minnun bɛ, 'lee minnun nɛn o 'yra -tɛa 'i man bɛ, o -ko 'pa tʋ 'bɔ. -Te e ya 'i -sruzan "wɛnnɛn 'a oo, ɛn -te e ya 'i -sruzan -dan a oo, o -ko 'pa tʋ 'bɔ. Ɛn "nyian bɛ, minnun nɛn o 'trɛda srɛ 'trilii bɛ, o -nan -nyan tʋ 'bɔ.»

Apokalis 2:23

An Zezabɛl -le 'nɛnnun -tɛɛman. Kɔɔ zɩ min -tʋ 'wɩ drɛ bɛ, -a "nɛn "fɛ nɛn maan -nɔan -a san lɛ. Maan dra zɩɛ -e -leglizi 'nɔn pɛɛnɔn 'o -tɔ 'nan, an min ci wɩ -tɔa 'e pɛɛnɔn.

Apokalis 20:12

'Nun tɔɔn ɛn minnun nɛn o -kaa bɛ an o yɩdɩ 'sia. -E 'e 'sia 'nɛn "wɛnnɛn man, -e 'e bɔ min ceje da bɛ, an o pɛɛnɔn 'yɩ 'o 'tɔdɩ lou Bali -le mingɔnnɛn pɛin 'bɔ 'lɛ. Ɛn 'flubanun nɛn o drɛ wɩnun a 'e 'crɛn -tɛdɩ -ji bɛ, Bali -a 'lɛ sʋʋ. "Bɛ -sru ɛn Bali 'fluba pee 'lɛ 'sʋ, min 'beli 'fluba bɛ -nyrɛn. Minnun zɩɛ o drɛ wɩnun nɛn 'e 'crɛn -tɛdɩ 'fluba 'ji bɛ, -a da nɛn Bali tin -tɛ o da.

Apokalis 22:20

Zozi 'bɔ nɛn yaa 'vɩ 'nan 'wɩ pɛɛnɔn nɛn 'fluba 'gʋɛ -a -ji bɛ, e ya 'wɩ 'kpa 'a bɛ, e 'nan: «'Wɩ tɩglɩ, 'an 'lʋdɩ 'bɔ 'kogo.» Amɛn! Minsan Zozi, 'i 'ta!

Apokalis 22:7

Ɛn Zozi "e 'nan: «'Ka drɛ "yi! 'An 'lʋdɩ 'bɔ 'kogo. 'Wɩnun nɛn o -taa "drɛlɛ ɛn o ya 'o 'crɛn -tɛdɩ 'fluba 'gʋɛ -a -ji bɛ, min oo min nɛn e -tɔ "da "bɛ, Bali -le -fɛa a -a san man.»

Apokalis 3:11

-A -nan 'ka "nyian mɔan dɩ, te an "ta "lo. 'Wɩnun nɛn kaa -tɔa 'va bɛ, 'ka yiɛ -trɔa "da. 'Ka drɛ zɩɛ -e 'ka -kopa 'e -fʋ 'ka 'lɔ, "tɔgɔ 'e drɛ min pee -le vɛ -a.