Apokalis 20:12 - Yaouré

¹² 'Nun tɔɔn ɛn minnun nɛn o -kaa bɛ an o yɩdɩ 'sia. -E 'e 'sia 'nɛn "wɛnnɛn man, -e 'e bɔ min ceje da bɛ, an o pɛɛnɔn 'yɩ 'o 'tɔdɩ lou Bali -le mingɔnnɛn pɛin 'bɔ 'lɛ. Ɛn 'flubanun nɛn o drɛ wɩnun a 'e 'crɛn -tɛdɩ -ji bɛ, Bali -a 'lɛ sʋʋ. "Bɛ -sru ɛn Bali 'fluba pee 'lɛ 'sʋ, min 'beli 'fluba bɛ -nyrɛn. Minnun zɩɛ o drɛ wɩnun nɛn 'e 'crɛn -tɛdɩ 'fluba 'ji bɛ, -a da nɛn Bali tin -tɛ o da.

Apokalis 20:12 ပူးပေါင်းရင်းမြစ်များ

Matie 11:22

-Yee "wɛan maan ve 'cɛɛ 'nan, yi nɛn Bali minnun -le tin "baa bɛ, 'cee yra yɩdɩ 'plɛblɛ "mlian Tir 'nɔn 'lee Sidɔn 'nɔn 'le vɛ da.

Matie 16:27

'Wɩ pɛɛnɔn zɩɛ maan -cin -tɔ 'ka 'ji, kɔɔ tʋ nɛn an -ta pee wo bɛ, 'an 'bɔ Blamin -pɩ, an -taa 'an "tɩ "le 'tɛ 'san da 'kʋ 'vale 'mɛn 'pasianɔn nɛn laji bɛ waa. Tʋ zɩɛ -a man nɛn min -tʋ 'e drɛ wɩ man -kopa ye.

Zozi Crizi -le 'wɩ 'nɔnnɔn nɛn Luk -a crɛn -tɛ 10:20

Ɛn te 'ka 'ci 'e "nran 'nan, cɛɛ cɩ -yʋ -wlidɩnun da dɩ! 'Pian 'ka 'ci 'e "nran 'nan, 'ka 'tɔ a 'e 'crɛn -tɛdɩ Bali va!»

Drɛwɩ (Actes) 24:15

Bali "e 'nan, minnun nɛn o 'wɩ tɩglɩ dra ɛn o kaa bɛ, 'lee minnun nɛn o 'wɩ 'wlidɩ "dra ɛn o -ka bɛ, o wuanla -kanɔn 'va. An yi -tɛala 'wɩ zɩɛ -a da, ɛn o 'bɔ "o "yi -tɛala "da "nyian.

Rɔmɛn 2:6

Yi zɩɛ -a da nɛn 'wɩ nɛn min -tʋ -a drɛ bɛ Bali -a man -pan wo -a san lɛ.

1 Korɛnti 4:5

-Yee "wɛan te 'ka tin -tɛ min da, te -a tʋ 'ka tian bɔlɛ dɩ. 'Pian 'ka Minsan -tadɩ man -pɛn! Tʋ zɩɛ -a man nɛn, e 'wɩnun nɛn 'e yɔɔdɩ klun va bɛ -a ta bɔala. Ɛn "nyian bɛ, 'wɩnun nɛn min ji 'e yɔɔdɩ bɛ, yaa ta bɔala. Maan ve 'cɛɛ 'nan, yi zɩɛ -a da bɛ Bali min 'tɔ "yi "ve 'nyranman nɛn min 'bɔ -a 'pa bɛ -a man.

2 Korɛnti 5:10

Kɔɔ yi -tʋ bɔa "bɛ, -kaa tʋdʋ pɛɛnɔn bɔala 'ji Crizi cɛin -da. Yi zɩɛ -a da nɛn 'nyranman nɛn min -tʋ -a 'pa bɛ, yaa -sru "ve. Tʋ nɛn e ya 'trɛda 'gʋɛ, -te 'wɩ "yi "nɛn yaa drɛ bɛ, yaa man -kopa ye, ɛn -te 'wɩ 'wlidɩ "nɛn yaa drɛ bɛ, yaa man -kopa ye.

Filipʋ 4:3

Ɛn 'i 'bɔ "nyian, i ya 'an 'pa "vazan tɩglɩ 'a. Maan laabo 'i 'lɔ 'nan, 'i 'pa lɩmɔnnun zɩɛ o va. Kɔɔ kʋɛ 'nyranman 'pa waa Bali -le 'wɩ 'nɔnnɔn vɩdɩ -a. Ɛn o 'nyranman 'pa "nyian o 'vale Kleman 'lee 'kʋe 'nyranman 'panɔn -mienun -a. Bali o pɛɛnɔn 'tɔ crɛn -tɛ 'yee 'fluba 'ji. 'Yee 'fluba zɩɛ minnun nɛn 'belidɩ nɛn ya'a 'nyaan dɩɛ e ya -wlɔ "bɛ -a -ji nɛn o 'tɔ cɩ.

Apokalis 11:18

'Lɛglɔn pɛɛnɔn 'ji 'nɔn 'ka 'i wei manlɛ "yi "dɩ, -yee "wɛan 'yie nyran -blɩ tʋ 'bɔ o va. Ɛn "nyian bɛ, minnun pɛɛnɔn nɛn o kaa bɛ, -wee tin 'badɩ 'bɔ. 'I 'sunɔn nɛn 'i 'lewei vɩnɔn 'a bɛ, 'lee 'yie minnun bɛ, 'lee minnun nɛn o 'yra -tɛa 'i man bɛ, o -ko 'pa tʋ 'bɔ. -Te e ya 'i -sruzan "wɛnnɛn 'a oo, ɛn -te e ya 'i -sruzan -dan a oo, o -ko 'pa tʋ 'bɔ. Ɛn "nyian bɛ, minnun nɛn o 'trɛda srɛ 'trilii bɛ, o -nan -nyan tʋ 'bɔ.»

Apokalis 13:8

-Yee "wɛan nɛn 'trɛdanɔn pɛɛnɔn 'o "po sɔɔn "wlu ɛn waa 'bɔ. 'Pian Bali -le minnun 'ka "o "drɛlɛ dɩ. Kɔɔ Bali o 'tɔ 'crɛn -tɛ min 'beli 'fluba 'ji 'vaa ɛn Bali 'trɛ drɛ. 'Fluba zɩɛ Bali -le 'bla nɛn waa 'nɔn 'sraga -a bɛ, e ya -yee vɛ -a.

Apokalis 17:8

-Wi nɛn i 'sia -a yɩnan 'gʋɛ, 'li te e ya, 'pian 'bɛ nɛn 'gʋɛ e "ka "nyian dɩ. Yi -tʋ bɔa "bɛ, -wi zɩɛ e bɔala -klu nɛn -a 'leda "ka "dɩɛ -a ji, -e Bali 'e -nan -nyan "fo. Tʋ zɩɛ -a man bɛ, minnun nɛn Bali 'ka o 'tɔ 'crɛn -tɛlɛ 'yee min 'beli 'fluba 'ji 'vaa ɛn e 'trɛ drɛ dɩɛ, -wi zɩɛ -a yɩdɩ o 'lɛbo -fɔa. Kɔɔ -wi zɩɛ, 'li te e ya, 'pian 'bɛ nɛn 'gʋɛ e "ka "nyian dɩ.

Apokalis 19:5

Ɛn wei -tʋ 'si Bali -le mingɔnnɛn pɛin zɩɛ -a va zia. Wei zɩɛ yaa 'vɩ 'nan: «'Ka pɛɛnɔn nɛn ka cɩ Bali -le 'nyranman 'panɔn 'a bɛ, 'lee 'ka pɛɛnɔn nɛn 'ka yiɛ "naan Bali man bɛ, -e 'e 'sia 'nɛn "wɛnnɛn man -e 'e bɔ min ceje da bɛ, 'ka -cee Bali 'tɔ "yi "vɩ!»

Apokalis 2:23

An Zezabɛl -le 'nɛnnun -tɛɛman. Kɔɔ zɩ min -tʋ 'wɩ drɛ bɛ, -a "nɛn "fɛ nɛn maan -nɔan -a san lɛ. Maan dra zɩɛ -e -leglizi 'nɔn pɛɛnɔn 'o -tɔ 'nan, an min ci wɩ -tɔa 'e pɛɛnɔn.

Apokalis 20:11

"Bɛ -sru ɛn an mingɔnnɛn pɛin 'fuvu -dan 'yɩ, te Bali a 'e -nyrandɩ "da. Ɛn Bali 'bɔ 'lɛ bɛ an 'trɛ 'lee labli 'yɩ te o -ko 'sandɩ -a. Wa'a "nyian o yɩlɛ 'li "fo "dɩ.

Apokalis 20:13

Minnun nɛn o kaa jemie -va bɛ, jemie o bɔɔla bei. Minnun nɛn o kaa, ɛn o ya -ka 'lɔ bɛ, -ka o bɔɔla 'ji. Ɛn minnun nɛn o kaa, o ya -yremo fla bɛ, -yremo fla o bɔɔla 'ji. 'Wɩnun nɛn o pɛɛnɔn 'tʋdʋ -a drɛ bɛ, -a da nɛn Bali tin -tɛ o da.

Apokalis 20:15

Min oo min nɛn -a 'tɔ 'ka yɩlɛ 'e 'crɛn -tɛdɩ Bali -le min 'beli 'fluba zɩɛ -a -ji dɩɛ, 'tɛ zɩɛ -a va nɛn waa tuʋ.

Apokalis 21:27

'Pian fɛ nɛn e ya 'e "tri "tɔdɩ Bali 'lɛ bɛ, ya'a 'ko 'nan nun "fo "dɩ. Ɛn min nɛn e 'wɩ 'wlidɩ "dra bɛ, ya'a 'ko 'nan nun "fo "dɩ. Ɛn min nɛn e 'wlu -sɛan "bɛ, ya'a 'ko 'nan nun "fo "dɩ. Minnun nɛn 'o 'tɔ a 'e 'crɛn -tɛdɩ Bali -le min 'beli 'fluba 'ji bɛ -wɛɛ -ko -nan nun. Min 'beli 'fluba zɩɛ, Bali -le 'bla 'le vɛ nɛn.

Apokalis 22:12

Ɛn Zozi "e 'nan: «'Ka drɛ "yi! 'An 'lʋdɩ 'bɔ 'kogo. 'Ka 'kopa a 'an 'lɔ. Zɩ min -tʋ drɛ wɩ cɩ bɛ, -a da nɛn maan -ko "paa.

Apokalis 3:5

Min nɛn e 'ta 'wʋla 'wɩnun zɩɛ -a da ɛn -a -wulo 'bɔla "va "bɛ, sɔ 'fuvu zɩɛ -a 'bɔ nɛn e -taa -a wʋlɛ. Ɛn "nyian bɛ, min zɩɛ -a 'tɔ nɛn 'e 'crɛn -tɛdɩ Bali -le min 'beli 'fluba 'ji bɛ, ma'an fuiman "fo "dɩ. 'Pian maan ve 'an "tɩ 'lee 'yee 'pasianɔn nɛn laji bɛ -wlɛ 'nan, 'mɛn min nɛn.