Apokalis 18:6 - Yaouré

⁶ 'Wɩnun nɛn yaa drɛ minnun lɛ bɛ, 'mɛn 'pasianɔn "o "dra "nyian -yee "lɛ. Waa 'lɛji bɔala 'e 'pa -a "fli. 'Kulenɛn nɛn e 'wɩ 'wlidɩ 'fa 'a ɛn yaa -nɔn minnun lɛ bɛ, waa faa 'e 'pa -a "fli -e 'o -nɔn -yee "lɛ.

Apokalis 18:6 ပူးပေါင်းရင်းမြစ်များ

2 Timote 4:14

Alɛzandre nɛn feli bʋzan -a bɛ, e 'wɩ 'wlidɩ drɛ 'mɛn "kaga. Maan -tɔa 'nan 'wɩnun nɛn yaa drɛ 'mɛn bɛ, Minsan -a -pan wo -yrɛ.

Apokalis 13:10

Min nɛn Bali -a 'pla 'nan 'e 'pʋ 'kɔn 'blɩ bɛ, e -pʋ 'kɔn 'ble. Ɛn min nɛn Bali -a 'pla 'nan 'e 'ka -kuli 'tan sɛn "nɛn "bɛ, waa -tɛa -kuli 'tan sɛn -a. -Yee "wɛan nɛn e ya "le Bali -le minnun -pɔan 'e 'sɔ. Te -wee yi -tɛradɩ Bali da 'le 'e 'tɔ dɩ!

Apokalis 14:10

Bali nyran -ble minnun zɩɛ o va 'plɛblɛ. O -taa 'o yra yɩlɛ -wlidɩ 'tɛ 'va. -Kɔlɛ nɛn e 'lɛ "sia bɛ e -kɔan "va. Bali -le 'pasianɔn 'saun nɛn laji bɛ 'lee Bali -le 'bla yiɛ man nɛn 'wɩ zɩɛ e dra.

Apokalis 16:19

Babilɔn 'fla -dan bɛ, e cɛɛn 'e cin man yaaga. Ɛn 'fla pɛɛnɔn nɛn 'trɛda bɛ, o -nan -nyan. Bali 'yee nyran -blɩdɩ -ci kɔɔn Babilɔn lɛ 'plɛblɛ, kɔɔ 'wɩ 'wlidɩnun nɛn yaa drɛ bɛ, -a -cin 'ka 'sanlɛ "ji "dɩ.

Apokalis 17:2

Mingɔnnɛnnun pɛɛnɔn nɛn 'trɛda bɛ, o -fɔ -a -sru. -Yee -kɔnnɛn -wɛɛdɩ 'bɔ zɩɛ e 'trɛda minnun pɛɛnɔn 'sianan, ɛn 'o 'fli -nɔn -yrɛ.»

Apokalis 17:4

Ɛn sɔ 'tɛndɛn nɛn -a 'flɛ a bɛ -a 'bɔ nɛn lɩ zɩ -a da. Min -dandannun da sɔ nɛn. -Siga 'lee fɛnun nɛn -a 'flɛ a bɛ, e lɩ zɩɛ -a man 'si 'e pɛɛnɔn. Ɛn -siga 'kulenɛn a -yrɔ. 'Wɩ 'wlidɩnun nɛn yaa drɛ -kɔnnɛn -wɛɛdɩ -a bɛ e ya 'e fadɩ 'kulenɛn zɩɛ -a.

Apokalis 18:20

'Pian kaa nɛn ka cɩ laji bɛ, 'lee kaa nɛn ka cɩ Bali -le minnun -a bɛ, 'lee kaa nɛn ka cɩ Zozi -le 'pasianɔn 'a bɛ, 'lee kaa nɛn ka cɩ Bali 'lewei vɩnɔn 'a bɛ, 'ka 'ci 'e "nran! Kɔɔ Bali 'wɩ "nɛn kɔɔn Babilɔn 'fla -dan lɛ, 'wɩ nɛn yaa drɛ 'cɛɛ bɛ -yee "wɛan.»