Apokalis 18:3 - Yaouré

³ 'Lɛglɔn pɛɛnɔn 'ji minnun Babilɔn 'fla 'le -wɛn mlin 'e 'ciɩla "da. -Yɛɛ cɩ 'nan e o pɛɛnɔn wɛɛ 'kɔnnɛn -a. Ɛn "nyian bɛ 'trɛda mingɔnnɛnnun -fɔ -a -sru, ɛn o 'wɩ 'wlidɩ "tʋwli zɩɛ -a drɛ. Ɛn 'flɛ 'tannɔn nɛn 'trɛda bɛ, o drɛ fɛnɔn 'a, Babilɔn 'fla yɩfɛ a "kaga "le "wɛan.»

Apokalis 18:3 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 7:25

Ɛn -mɛ "le "wɛan nɛn ka -kʋ "mɛn? Min nɛn e sɔ fɛnyian 'wʋ 'e da bɛ, -a -nanjɛnnan "cɛɛ ka -kʋ dɩ. Kɔɔ kaa -tɔa 'nan minnun nɛn o sɔ fɛnyian wo 'o da, te 'o 'ci 'sɔ wɩnun dra "lala -a bɛ, o -nyɛanla mingɔnnɛn -le 'kuin.

1 Timote 5:11

'Pian -te lɩmɔnnun zɩɛ o ya nɔnbɛnun -a bɛ, te 'i 'o 'tɔ 'sia "fo "dɩ. Kɔɔ tʋ -mie bɔa "bɛ, -kɔnnɛn -cin a o ji -le "wɛan, o "sia Crizi -sru, -e 'o -kɔnnɛn 'pa.

Apokalis 14:8

Bali -le 'pasiazan "flizan sɔɔnla -a tɛdɛ -sru "nyian, te yaa ve 'nan: «Babilɔn -nan -nyan. Babilɔn -dan nɛn e -tɔ 'lɛglɔn pɛɛnɔn 'jinɔn man -sa -a 'nan 'o 'si Bali -sru "bɛ, -a -nan -nyan.»

Apokalis 17:2

Mingɔnnɛnnun pɛɛnɔn nɛn 'trɛda bɛ, o -fɔ -a -sru. -Yee -kɔnnɛn -wɛɛdɩ 'bɔ zɩɛ e 'trɛda minnun pɛɛnɔn 'sianan, ɛn 'o 'fli -nɔn -yrɛ.»

Apokalis 18:19

O 'trɛ 'wi 'o da, te o -wua 'wɩ 'nanmandɩ -a. Waa ve 'nan: «Babilɔn 'fla -dan, 'wɩ 'bɔ 'i man, 'wɩ 'bɔ 'i man. Minnun pɛɛnɔn nɛn 'wee -klʋ -dandannun a 'yi yiɛ da bɛ o drɛ fɛnɔn 'a, 'i yɩfɛ a "kaga "le "wɛan. Tʋ "wɛnnɛn "cɛ 'wlu nɛn Bali cɛɛn 'wɩ "nɛn -kɔɔndɩ man 'yiɛ.

Apokalis 18:23

Wa'a "nyian -kannɛn 'san ye -nan 'li "fo "dɩ, ɛn lɩ 'pa "fɛdinun 'ka "nyian -kɔan -nan 'li "fo "dɩ. Fɛ -le "wɛan nɛn 'wɩ zɩɛ e 'bɔ 'i man bɛ, -nyrɛn 'nan: 'Yie 'flɛ 'tannɔn 'tɔ bɛ wɩɩ 'trɛ 'gʋɛ -a da. 'Yie -dravia wɩnun drɛdɩ -a nɛn i 'trɛda minnun pɛɛnɔn see paa.

Apokalis 18:7

'Fla zɩɛ, zɩ 'e 'tɔ 'wɩdɩ 'yɩ "yi ɛn e fɛ yɩdɩ 'yɩ "yi "bɛ, -a da nɛn o 'tɛ "paa "da, ɛn -a da nɛn waa ta dra -trɔdrɔ. Yaa 'vɩ 'e 'fli man 'nan, e ya mingɔnnɛn -blɩnan, ɛn -kɔnnɛn 'ka 'kalɛ 'e da dɩ, ɛn 'e 'ta 'ka 'li 'dra -trɔdrɔ "fo "dɩ.

Apokalis 18:9

'Trɛda mingɔnnɛnnun nɛn o -fɔ -a -sru, ɛn -yee 'wɩ 'wlidɩ zɩɛ "o drɛ, ɛn "o fɛ yɩdɩ 'yɩ "yi "bɛ, 'wɩ -taa 'nanlɛ o man. Tʋ nɛn o 'fla zɩɛ -a -yee 'tɛ 'blɩnan bɛ, -a -nan nɛn 'wɩ 'nandɩ "siala o man.