Apokalis 18:24 - Yaouré

²⁴ Babilɔn 'fla -dan, yiɛ Bali 'lewei vɩnɔn tɛɛ, ɛn yiɛ Bali -le minnun tɛɛ. Ɛn "nyian bɛ minnun pɛɛnɔn nɛn minnun o tɛɛ bɛ, yiɛ -maan ɛn e drɛ. 'Wɩ zɩɛ -yee "wɛan nɛn Bali 'wɩ "nɛn kɔɔn 'yiɛ.»

Apokalis 18:24 ပူးပေါင်းရင်းမြစ်များ

Matie 23:27

'Fluba 'ci vɩnɔn 'lee Farizɛn 'nɔn, ka 'wɩ dra min yiɛ 'lɛ! 'Wɩ -taa "bɔlɛ 'ka man! Kɔɔ ka ya "le min -yrɛnun nɛn o trɔɛ 'wʋ "man "bɛ -wee 'wɩ 'zʋ. O man bei "a fɛnyian, 'pian te o ci a 'e fadɩ min 'wlɛ 'lee fɛ fʋlɩdɩ pɛɛnɔn 'a.

Matie 23:35

'Wɩnun zɩɛ -a drɛdɩ 'bɛ -maan -e minnun nɛn wa'a 'wɩ 'wlidɩ "drɛlɛ dɩ, ɛn 'ka tranun o tɛɛ bɛ, o -ka wɩ 'e 'pa 'ka da zia. Abɛl nɛn min tɩglɩ 'a bɛ, -a da nɛn 'ka tranun -a 'sia -trilii, ɛn e 'bɔ Barashi -pɩ Zakari nɛn kaa -tɛ Bali -pan 'kɔn 'lee Bali -pan "davɛ yei "bɛ -a da.

Drɛwɩ (Actes) 7:52

Bali 'lewei vɩzan "cɛn "da nɛn 'ka tranun 'ka 'tɛ 'palɛ dɩ? Bali 'lewei vɩnɔn nɛn waa 'vɩ 'nan Bali -le min tɩglɩ -taa "talɛ bɛ, 'ka tranun o tɛɛ, ɛn 'cɛɛ min tɩglɩ zɩɛ 'bɛ 'nɔn "nyian minnun lɛ, ɛn waa -tɛ.

1 Tesalonik 2:15

Zuif 'nɔn zɩɛ, -wɛɛ Minsan Zozi 'tɛ, ɛn -wɛɛ Bali 'lewei vɩnɔn tɛɛ. Ɛn -wɛɛ 'tɛ 'pa 'kʋ da "nyian. Bali 'ka 'o drɛ wɩ ye "yi "fo "dɩ. Ɛn -wɛɛ "naan min -tʋdʋ pɛɛnɔn man.

Apokalis 11:7

-Te o cɛɛn 'wɩ nɛn e -taa "drɛlɛ bɛ -a vɩdɩ man minnun lɛ bɛ, -wi -tʋ bɔala -klu nɛn -a 'leda "ka "dɩɛ -a ji, -e 'e 'kuli -tɔ o man. E o "flinɔn "kle -e 'e o -tɛɛ.

Apokalis 16:6

Kɔɔ o 'yie minnun tɛɛ ɛn wei 'le 'wei vɩnɔn tɛɛ, -yee "wɛan o tɛɛ nɛn yia 'wʋ bɛ, yia drɛ 'e nɔan da.»

Apokalis 17:6

An lɩ zɩɛ -a 'yɩ Bali -le minnun nɛn e o tɛɛ bɛ o nyɛn mlinnan, 'lee Zozi -srunɔn nɛn e o tɛɛ bɛ o nyɛn mlinnan. Ɛn yaa -tɛdɩ 'sia "le -wɛn -le 'wɩ 'zʋ. 'Wɩ zɩɛ yaan 'lɛbo "fɔ 'e ciɩla "da.

Apokalis 19:2

-Yee tin -tɛdɩ min da a 'e 'nɔan da, ɛn e ya 'wɩ tɩglɩ da. E 'wɩ "nɛn kɔɔn Babilɔn 'fla -dan nɛn e drɛ -kɔnnɛn pɛɛnɔn -wɛɛzan 'a bɛ -yrɛ. Lɩmɔn zɩɛ -yɛɛ 'trɛda srɛ 'yee 'wɩnun nɛn yaa dra bɛ -a. Bali -le 'nyranman 'panɔn nɛn e o tɛɛ bɛ, -a 'tɔ 'ji nɛn Bali 'wɩ "nɛn kɔɔn -yrɛ.»