Apokalis 18:2 - Yaouré

² E paan 'kpa 'plɛblɛ -a vɩdɩ -a 'nan: «Babilɔn -nan -nyan. Babilɔn 'fla -dan bɛ, -a -nan -nyan. E drɛ -yʋ -wlidɩnun fla -a. -Yʋ -wlidɩ 'tɔ 'tʋdʋ pɛɛnɔn -nyɛanla 'nan nun. "Loman 'tɔ 'tʋdʋ pɛɛnɔn nɛn o 'ka 'saun Bali 'lɛ dɩ, ɛn minnun 'ka o ye "yi "dɩɛ, o ya -nan nun. [-Wi -tʋdʋ pɛɛnɔn nɛn o 'ka 'saun Bali 'lɛ dɩ, ɛn minnun 'ka o ye "yi "dɩɛ, o ya -nan nun.]

Apokalis 18:2 ပူးပေါင်းရင်းမြစ်များ

Apokalis 1:15

Ɛn -a cɛin "fli "nɛn 'e 'wlu bɛ, o "bia "le -bulalɛ nɛn waa 'wʋ 'tɛ 'a ɛn e 'man bɛ -yee 'wɩ 'zʋ. Ɛn -a wei -klunman "le 'yi -dan 'bɛ cɩ -sɛnnan -klo -ji.

Apokalis 10:3

-A -nan nɛn e paan wei 'plɛblɛ 'kpa -ji "le zɩ -jra -paanman bɛ -yee 'wɩ 'zʋ. Zɩ e cɛɛn -paandɩ man bɛ, ɛn laa -paan wɩɩ 'sɔravli.

Apokalis 11:8

O -kadɩ -fɔla 'fla -dan zɩɛ -a -guada. 'Fla 'bɔ zɩɛ -a da nɛn minnun Minsan pɛin yiba "plan da. 'Fla zɩɛ e ya "le 'o laabʋ Sodɔm, ɛn e ya "le 'o laabʋ "nyian Ezipti.

Apokalis 14:15

-A -nan nɛn Bali -le 'pasianɔn nɛn laji bɛ -a -tʋ 'bɔla Bali -pan 'kɔn 'bɔ 'ji, ɛn e paan 'kpa 'plɛblɛ min nɛn 'e -nyrandɩ "lolu -koei "da bɛ -yrɛ. Yaa 'vɩ 'nan: «'I 'yie 'saa 'tɛvɛ 'si -e 'i 'saa 'tɛdɩ 'sia! 'Saa 'tɛ tʋ 'bɔ, kɔɔ 'saa pɛɛnɔn tran 'trɛda.»

Apokalis 14:8

Bali -le 'pasiazan "flizan sɔɔnla -a tɛdɛ -sru "nyian, te yaa ve 'nan: «Babilɔn -nan -nyan. Babilɔn -dan nɛn e -tɔ 'lɛglɔn pɛɛnɔn 'jinɔn man -sa -a 'nan 'o 'si Bali -sru "bɛ, -a -nan -nyan.»

Apokalis 16:13

Ɛn an fɛ -wlidɩ yaaga 'yɩ. O ya "le 'nan yolunun -le 'wɩ 'zʋ. -A -tʋ 'bɔla -mlɛngan -dan 'le, ɛn -a -tʋ 'bɔla -wi nɛn waa min yiba drɛ bɛ -a 'le, ɛn -a -tʋ 'bɔla min nɛn e 'wlu -sɛan te yaa ve 'nan 'e ya Bali 'lewei vɩnan bɛ -a 'le.

Apokalis 16:19

Babilɔn 'fla -dan bɛ, e cɛɛn 'e cin man yaaga. Ɛn 'fla pɛɛnɔn nɛn 'trɛda bɛ, o -nan -nyan. Bali 'yee nyran -blɩdɩ -ci kɔɔn Babilɔn lɛ 'plɛblɛ, kɔɔ 'wɩ 'wlidɩnun nɛn yaa drɛ bɛ, -a -cin 'ka 'sanlɛ "ji "dɩ.

Apokalis 17:18

Ɛn lɩmɔn nɛn yia 'yɩ bɛ, Babilɔn 'fla -dan 'bɔ nɛn. -Yɛɛ 'trɛda mingɔnnɛnnun pɛɛnɔn "paala.»

Apokalis 17:5

'Wɩ 'tʋ nɛn -a -ci a 'e yɔɔdɩ bɛ, e ya 'e 'crɛn -tɛdɩ lɩ zɩɛ -a nyrɛnbɔn da. E ya 'e 'crɛn -tɛdɩ 'nan: Mɛɛn cɩ Babilɔn -dan a. Mɛɛn cɩ -kɔnnɛn -wɛɛnɔn pɛɛnɔn "bʋ "a. Ɛn mɛɛn cɩ 'wɩ 'wlidɩ 'tɔ 'tʋdʋ pɛɛnɔn "bʋ "a.

Apokalis 18:10

'Wɩ nɛn e -taa "bɔlɛ 'fla zɩɛ -a man bɛ, e o -tɛa "klan -a, -yee "wɛan wa'a -kɔlaman -e 'o -pli "man "kogo dɩ. 'Pian o -fo -kɔɔbli te o -paanman. Waa ve 'nan: «Babilɔn 'fla -dan, 'wɩ 'bɔ 'i man, 'wɩ 'bɔ 'i man. Tʋ "wɛnnɛn "cɛ 'wlu nɛn Bali cɛɛn 'wɩ "nɛn -kɔɔndɩ man 'yiɛ.»

Apokalis 18:21

-A -nan nɛn Bali -le 'pasiazan -tʋ nɛn e ya 'plɛblɛ 'kpa bɛ, e -kɔlɛbu -dan 'kpa 'sia ɛn yaa tuʋ jemie -va, ɛn yaa 'vɩ 'nan: «Zɩ Babilɔn 'fla -dan bɛ o -taa -a tuʋlɛ zɩɛ, te wa'a "nyian -a ye 'li "fo "dɩ.

Apokalis 5:2

-A -nan nɛn Bali -le 'pasianɔn nɛn laji bɛ, maan 'plɛblɛ 'tʋ 'yɩ, te e -paanman wei 'plɛblɛ 'ji. Yaa laabʋ 'nan: «-Tɩɛ cɩ "le 'e 'fluba 'gʋɛ -a baanun "flu -e 'e 'lɛ 'sʋ?»