Apokalis 16:5 - Yaouré

⁵ Ɛn Bali -le 'pasiazan nɛn -te e 'wɩ 'vɩ 'yi lɛ yaa dra bɛ, maan wei 'man. Yaa 'vɩ 'nan: «Bali, yiɛ cɩ Bali -a, ɛn i ya -nan 'li 'e 'cɛn, ɛn yiɛ cɩ 'saun. 'Yie 'wɩ "nɛn -kɔɔndɩ minnun lɛ bɛ, e ya 'e 'nɔan da.

Apokalis 16:5 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 17:25

'An "tɩ, i ya tɩglɩ. 'Trɛdanɔn 'ka 'i 'tɔa dɩ, 'pian 'an 'bɔ 'mɛin -tɔa. Ɛn 'an -srunɔn "o "tɔ "nyian 'nan yiɛ 'an 'pa 'sia.

Rɔmɛn 2:5

'Pian i ya "trɔɛn "yuyu 'tannan, ɛn i 'ka "vale 'i "sia 'wɩ 'wlidɩ "drɛdɩ man dɩ. 'Wɩ nɛn i cɩ "man zɩɛ, Bali -le nyran -blɩdɩ -dan nɛn i cɩ -a planan 'i 'fli man. E bɔa 'i man yi nɛn Bali 'yee nyran -blɩdɩ ci -kɔɔnman 'e 'nɔan da bɛ -a da.

Rɔmɛn 3:5

'Wɩnun nɛn blamin -a ve bɛ, -a da nɛn 'an 'ci nrɔn ɛn an "ta 'wɩ 'gʋɛ -a ve. Min -mienun -a ve 'nan: «'Wɩ 'wlidɩ "drɛdɩ bɛ, e ya 'wɩ "yi "a. Kɔɔ "te -kaa 'wɩ 'wlidɩ "dra dɩɛ, "te -kaa Bali -le tɩglɩ 'ci ye dɩ. -Yee "wɛan Bali -le nyran -blɩdɩ min va bɛ, e 'ka 'e 'nɔan da dɩ.» Minnun nɛn o 'wɩ zɩɛ -a ve bɛ -wee tin a 'nɔnnɔn?

Apokalis 1:4

'An 'bɔ Zan, mɛɛn 'fluba 'gʋɛ -a crɛn -tɛ 'ka -leglizi 'sɔravli "nɛn Azi 'lɛglɔn 'ji bɛ, 'cɛɛ. Bali a -nan tʋ pɛɛnɔn man, e ya -nan 'li 'e 'cɛn, ɛn e -taa. 'E 'yee "yi 'lee 'yee -fʋdɩ -trɔɔ -nɔn 'cɛɛ. Ɛn "nyian bɛ, lei 'sɔravli "nɛn Bali -le mingɔnnɛn pɛin 'lɛ bɛ, Bali lei 'saun nɛn. 'O 'wee "yi 'lee 'wee -fʋdɩ -trɔɔ -nɔn 'cɛɛ.

Apokalis 1:8

Minsan Bali "e 'nan, 'yɛɛ cɩ 'wɩ pɛɛnɔn pou sianan "a, ɛn 'yɛɛ cɩ 'wɩ pɛɛnɔn 'le 'srannan "a. 'E ya -nan tʋ pɛɛnɔn man, 'e ya -nan 'li 'e 'cɛn, ɛn 'e -taa. 'Yɛɛ cɩ 'plɛblɛ pɛɛnɔn 'san Bali -a.

Apokalis 11:17

Waa 'vɩ 'nan: «'Kʋ "tɩ Bali, kʋi muo -fɔa. Yiɛ cɩ 'kʋ 'san -a, ɛn 'plɛblɛ pɛɛnɔn a 'yie vɛ -a. I ya -nan 'li 'e 'cɛn, ɛn i ya -nan cɛɛgʋ yi -a. I 'yie 'plɛblɛ -dan ci kɔɔn, ɛn 'bɛ nɛn 'gʋɛ i ya mingɔnnɛn -a fɛ pɛɛnɔn da.

Apokalis 16:4

"Bɛ -sru -a yaagazan 'kʋ, ɛn e 'yee vɛ -wun sɔɔn 'yi banun 'lee 'yi kunun va. -A -nan nɛn o pɛɛnɔn lila nyɛn -a.

Apokalis 16:7

Ɛn an wei -tʋ 'man, e 'si Bali -pan "davɛ va zia. Wei zɩɛ e 'nan: «'Kʋ "tɩ Bali, yiɛ cɩ 'kʋ 'san -a, ɛn yiɛ cɩ 'plɛblɛ pɛɛnɔn 'san -a, ɛn 'yie tin -tɛdɩ min da bɛ, 'wɩ 'kpa, e ya 'e 'nɔan da.»

Apokalis 19:2

-Yee tin -tɛdɩ min da a 'e 'nɔan da, ɛn e ya 'wɩ tɩglɩ da. E 'wɩ "nɛn kɔɔn Babilɔn 'fla -dan nɛn e drɛ -kɔnnɛn pɛɛnɔn -wɛɛzan 'a bɛ -yrɛ. Lɩmɔn zɩɛ -yɛɛ 'trɛda srɛ 'yee 'wɩnun nɛn yaa dra bɛ -a. Bali -le 'nyranman 'panɔn nɛn e o tɛɛ bɛ, -a 'tɔ 'ji nɛn Bali 'wɩ "nɛn kɔɔn -yrɛ.»

Apokalis 4:8

Fɛnun zɩɛ o -pɛ "jɛ "a 'shɛɛdʋ, 'shɛɛdʋ 'o pɛɛnɔn. Yiɛ "kaga "a o -pɛ "jɛ "ta lou, ɛn -a -mie a o -pɛ "jɛ 'wlu. Wa'a 'flian "dre -fɔdɩ -a dɩ. Bodrun funnin te o "dre -fɔa, waa -fɔa 'nan: «Minsan Bali a 'saun 'saun 'saun. -Yɛɛ cɩ 'plɛblɛ pɛɛnɔn 'san -a. E ya -nan tʋ pɛɛnɔn man, e ya -nan 'li 'e 'cɛn, ɛn e -taa.»

Apokalis 6:10

Min leinun zɩɛ, o -paandɩ 'sia 'kpa 'plɛblɛ. O -paanman 'nan: «'Kʋ 'san, i ya 'saun, ɛn i ya tɩglɩ. Tʋ "cɛn "nɛn i cɩ -a -pɛnnan, -e 'i 'wɩ "nɛn -kɔɔn 'trɛdanɔn lɛ, 'wɩ nɛn waa drɛ 'kʋɛ bɛ -a man?»