Apokalis 15:4 - Yaouré

⁴ -Tɩɛ 'ka 'klanman 'i 'lɔ dɩ? Ɛn -tɩɛ 'ka 'i 'tɔ -dan 've dɩ? -A san "ka "fo "dɩ. Kɔɔ yiɛ cɩ 'saun 'i -tʋwli. 'Lɛglɔn pɛɛnɔn 'ji 'nɔn 'o "po -sɔɔnmlan 'i 'wlu -e 'wei bɔ. Kɔɔ o -taa -a -tɔlɛ 'nan 'wɩnun nɛn o cɩ tɩglɩ bɛ, -nyrɛn yia dra.»

Apokalis 15:4 ပူးပေါင်းရင်းမြစ်များ

Rɔmɛn 15:9

Ɛn e -ta 'nan, -e minnun nɛn o 'ka Zuif 'nɔn 'a dɩɛ, 'o Bali 'tɔ -dan vɩ -yee o nyrinda 'sidɩ man. 'Wɩ 'bɔ zɩɛ e ya 'e 'crɛn -tɛdɩ 'e 'cɛn Bali -le 'fluba 'ji. Kɔɔ e ya 'e 'crɛn -tɛdɩ 'nan: «'Wɩ nɛn yia drɛ bɛ -yee "wɛan mɛin 'tɔ ve 'lɛglɔn 'tʋdʋ pɛɛnɔn 'ji, ɛn mɛin 'tɔ -fɔa "dre "a.»

1 Piɛri 1:16

Kɔɔ e ya 'e 'crɛn -tɛdɩ Bali -le 'fluba 'ji 'nan: «Bali "e 'nan, 'an 'bɔ Bali an ya 'saun, -yee "wɛan 'ka 'kɔn 'saun!»

Apokalis 11:15

"Bɛ -sru ɛn Bali -le 'pasiazan 'sɔravlizan 'yee 'bei fɛɛn. -A -nan nɛn weinun 'wɩdɩ 'sia laji 'kpa 'plɛblɛ. Waa 'vɩ 'nan: «Mingɔnnɛn trɛ pɛɛnɔn nɛn 'trɛda bɛ o drɛ "mɛn 'kʋ 'san Bali -le vɛ -a, ɛn o drɛ -a -pɩ Zozi Crizi -le vɛ -a. E mingɔnnɛn -ble "da 'li 'trilii.»

Apokalis 14:7

Yaa 'vɩ wei 'plɛblɛ 'ji 'nan: «'Ka yiɛ 'e 'nan Bali man, ɛn 'ka Bali 'bɔ 'tɔ drɛ -dan! Tʋ nɛn e 'trɛdanɔn 'le tin "baa bɛ e 'bɔ. Bali nɛn e 'trɛ 'lee la 'lee jemie 'lee 'yi pɛɛnɔn drɛ bɛ, 'ka "po sɔɔn "wlu -e 'ka bɔ.»

Apokalis 16:5

Ɛn Bali -le 'pasiazan nɛn -te e 'wɩ 'vɩ 'yi lɛ yaa dra bɛ, maan wei 'man. Yaa 'vɩ 'nan: «Bali, yiɛ cɩ Bali -a, ɛn i ya -nan 'li 'e 'cɛn, ɛn yiɛ cɩ 'saun. 'Yie 'wɩ "nɛn -kɔɔndɩ minnun lɛ bɛ, e ya 'e 'nɔan da.

Apokalis 16:7

Ɛn an wei -tʋ 'man, e 'si Bali -pan "davɛ va zia. Wei zɩɛ e 'nan: «'Kʋ "tɩ Bali, yiɛ cɩ 'kʋ 'san -a, ɛn yiɛ cɩ 'plɛblɛ pɛɛnɔn 'san -a, ɛn 'yie tin -tɛdɩ min da bɛ, 'wɩ 'kpa, e ya 'e 'nɔan da.»

Apokalis 19:2

-Yee tin -tɛdɩ min da a 'e 'nɔan da, ɛn e ya 'wɩ tɩglɩ da. E 'wɩ "nɛn kɔɔn Babilɔn 'fla -dan nɛn e drɛ -kɔnnɛn pɛɛnɔn -wɛɛzan 'a bɛ -yrɛ. Lɩmɔn zɩɛ -yɛɛ 'trɛda srɛ 'yee 'wɩnun nɛn yaa dra bɛ -a. Bali -le 'nyranman 'panɔn nɛn e o tɛɛ bɛ, -a 'tɔ 'ji nɛn Bali 'wɩ "nɛn kɔɔn -yrɛ.»

Apokalis 19:8

O sɔ 'fuvu 'yrɩyrɩ nɛn "tri 'ka "ji "dɩɛ -a -nɔn -yrɛ 'nan -e 'e 'wʋ 'e da.» Sɔ 'fuvu zɩɛ, -yɛɛ cɩ 'wɩ tɩglɩnun nɛn Bali -le minnun -a drɛ bɛ, -a -kɔɔn "manvɛ -a.

Apokalis 3:7

«'Wɩ 'gʋɛ 'i crɛn -tɛ -e 'i 'pa 'sia Bali -le 'pasiazan nɛn Filadɛfi -leglizi -ji bɛ -yrɛ. 'I crɛn -tɛ 'nan: 'An 'bɔ 'gʋɛ, an ya 'saun, ɛn an ya tɩglɩ. 'An 'lɔ nɛn David -le -lagle cɩ, -a -ci nɛn 'nan mɛɛn Bali -le mingɔnnɛn trɛ "paala. -Te maan 'lɛ 'sʋ bɛ, min pee 'ka 'kɔlaman -a 'lɛ wʋdɩ -a dɩ. Ɛn -te maan -fɔ -ji bɛ, min pee 'ka 'kɔlaman -a 'lɛ 'sʋdɩ -a dɩ. 'An 'bɔ "e 'nan:

Apokalis 4:8

Fɛnun zɩɛ o -pɛ "jɛ "a 'shɛɛdʋ, 'shɛɛdʋ 'o pɛɛnɔn. Yiɛ "kaga "a o -pɛ "jɛ "ta lou, ɛn -a -mie a o -pɛ "jɛ 'wlu. Wa'a 'flian "dre -fɔdɩ -a dɩ. Bodrun funnin te o "dre -fɔa, waa -fɔa 'nan: «Minsan Bali a 'saun 'saun 'saun. -Yɛɛ cɩ 'plɛblɛ pɛɛnɔn 'san -a. E ya -nan tʋ pɛɛnɔn man, e ya -nan 'li 'e 'cɛn, ɛn e -taa.»

Apokalis 6:10

Min leinun zɩɛ, o -paandɩ 'sia 'kpa 'plɛblɛ. O -paanman 'nan: «'Kʋ 'san, i ya 'saun, ɛn i ya tɩglɩ. Tʋ "cɛn "nɛn i cɩ -a -pɛnnan, -e 'i 'wɩ "nɛn -kɔɔn 'trɛdanɔn lɛ, 'wɩ nɛn waa drɛ 'kʋɛ bɛ -a man?»