Apokalis 12:9 - Yaouré

⁹ -A -nan nɛn Bali -le 'pasianɔn o -pin laji, ɛn o 'ta 'tɔ o pɛɛnɔn man 'trɛda. -Mlɛn nɛn e blamin see paa 'li bɛ, -a 'bɔ nɛn. Waa laabo Bali 'nanmanzan, ɛn waa laabo "nyian Satan. -Yɛɛ 'wɩ 'wlidɩ "drɛdɩ "paa 'trɛda blamin lɔ.

Apokalis 12:9 ပူးပေါင်းရင်းမြစ်များ

Matie 13:39

Min zɩɛ -a 'nanmanzan nɛn e lu 'wlɛ 'wlidɩ wɛɛn bɛ, Satan nɛn. 'Saa 'tɛ tʋ bɛ, yi nɛn Bali 'trɛdanɔn -le tin "baa bɛ -nyrɛn. Ɛn 'saa -tɛnɔn bɛ, Bali -le 'pasianɔn nɛn laji bɛ o nɛn.

Matie 24:24

Kɔɔ minnun nɛn o 'wlu -sɛan 'nan 'wɛɛ cɩ Crizi -a bɛ, o -taa "kɔnlɛ 'trɛda. Ɛn minnun nɛn o 'wlu wɩnun ve, te waa ve 'nan Bali 'lewei vɩnɔn nɛn waa bɛ, o -taa "kɔnlɛ "nyian. O -taa 'lɛbo "fɔ wɩ -dandan 'lee -cɛ -srɔn "wɩ -dandan drɛlɛ. Waa dra 'nan -te 'o 'pɛ 'sɔ 'a bɛ -e 'o minnun nɛn Bali o 'si "va 'yee vɛ -a bɛ, o 'si -si tɩglɩ da.

Matie 25:41

"Bɛ -sru maan ve minnun nɛn 'an 'pɛ bʋ da bɛ -wlɛ 'nan: ‹'Ka -pli 'ka -sru "kɔɔbli! Bali wei a 'e pladɩ 'ka man. 'Ka 'kʋ 'tɛ nɛn ya'a 'driman dɩɛ, -a va. Bali -a man drɛ Satan 'lee 'yee 'pasianɔn 'le vɛ -a.

Matie 4:1

"Bɛ -sru, ɛn Bali lei -kʋ Zozi 'a "bui "da, -e Satan 'e man -tan -le "wɛan.

Matie 4:10

Tɔɔn Zozi "e -yrɛ 'nan: «Satan, 'i -pli 'i -sru! E ya 'e 'crɛn -tɛdɩ 'nan: ‹Bali nɛn Minsan -a bɛ, -a 'bɔ nɛn min 'e bɔ, ɛn -a -tʋwli "cɛ "nɛn min 'e 'su!› »

Matie 4:5

"Bɛ -sru Satan -kʋ Zozi 'a Zeruzalɛm, ɛn e -kʋ -a -tɔlɛ Bali -pan 'kɔn 'win -ji lou.

Matie 4:8

"Bɛ -sru, ɛn Satan -kʋ Zozi 'a "nyian pɔn loulou "tʋ -win -ji. -A -nan nɛn e mingɔnnɛn trɛnun pɛɛnɔn nɛn 'trɛda bɛ -a kɔɔn -yrɛ 'o 'vale 'wee fɛnyian -a.

Zozi Crizi -le 'wɩ 'nɔnnɔn nɛn Luk -a crɛn -tɛ 10:18

Ɛn Zozi "e 'nan -wlɛ 'nan: «Maan -tɔa zɩ. An Satan yɩ 'sinan laji, te e "ta -sɔɔnman "le laa -paan 'zʋ.

Zozi Crizi -le 'wɩ 'nɔnnɔn nɛn Luk -a crɛn -tɛ 13:16

'Pian ka 'ka "vale 'an baa 'si Abraam kluda lɩ 'gʋɛ -a man Saba yi da dɩ. Kɔɔ Satan -a yrɩ -a -nan lɛ -fuda 'sɔra nɛn 'gʋ.»

Zozi Crizi -le 'wɩ 'nɔnnɔn nɛn Luk -a crɛn -tɛ 22:3

Satan -fɔ Zudazi nɛn waa laabo "nyian Karioti bɛ -a -sru. Zozi -srunɔn 'fuda "fli 'bɔ 'va min -tʋ nɛn.

Zozi Crizi -le 'wɩ 'nɔnnɔn nɛn Luk -a crɛn -tɛ 22:31

-A -nan nɛn Zozi -a vɩdɩ 'sia Simɔn Piɛri lɛ 'nan: «Simɔn! Satan 'ka laabʋ 'nan, -e 'e 'ka "fee "le 'saa 'zʋ.

Zozi Crizi -le 'wɩ 'nɔnnɔn nɛn Luk -a crɛn -tɛ 8:12

Min -mienun -le vɛ bɛ, 'wɩ nɛn e 'bɔ 'saa 'wlɛ nɛn e -sran -si man bɛ -a man bɛ, -yɛɛ bɔa "nyian -wee "man. O Bali -le 'wɩ 'nɔnnɔn maan, 'nun tɔɔn -e Satan 'e 'ta -a 'si o ji. Kɔɔ e 'ka "vale 'o 'ta wʋla "da -e 'o 'si 'wɩ 'ji dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 12:31

'Bɛ nɛn 'gʋɛ, 'trɛdanɔn 'le tin 'badɩ bɛ e 'bɔ. Satan nɛn e 'trɛ 'gʋɛ -a "paala bɛ -a -pin tʋ 'bɔ.

Zozi Crizi -le 'wɩ 'nɔnnɔn nɛn Zan -a crɛn -tɛ 14:30

'Mɛn tʋ 'ka "nyian "kaga -e 'an 'wɩ tin 'ba 'cɛɛ dɩ, kɔɔ Satan nɛn e 'trɛ 'gʋɛ -a "paala bɛ, e ya -tanan. -Yee 'plɛblɛ 'ka 'an da dɩ,

Zozi Crizi -le 'wɩ 'nɔnnɔn nɛn Zan -a crɛn -tɛ 16:11

Bali -le tin 'badɩ nɛn 'nan Satan nɛn e 'trɛ 'gʋɛ -a "paala bɛ tin -tɛ "da.

Zozi Crizi -le 'wɩ 'nɔnnɔn nɛn Zan -a crɛn -tɛ 8:44

Satan nɛn e 'wɩ 'wlidɩ "paa min lɔ bɛ, -yɛɛ cɩ 'ka "tɩ "a, ɛn 'ka "tɩ 'ci 'sɔ wɩnun nɛn kaa dra. -A pou sianan 'li 'trilii -e 'e bɔ cɛɛgʋɛ, min -tɛzan nɛn. Ya'a 'ta wʋla 'wɩ tɩglɩ da 'mlɔnmlɔn dɩ, kɔɔ ya'a 'tɔa 'wɩ tɩglɩ -sru "dɩ. 'Wlu 'sɛndɩ -cin nɛn "ji, kɔɔ 'wluzan nɛn, ɛn -a va nɛn 'wlu wɩ pɛɛnɔn "sia.

Drɛwɩ (Actes) 26:18

-e 'i o yiɛ 'lɛ 'sʋ, 'dʋ -e 'o 'si klun va, -e 'o 'ta 'tɛ 'san da, -e 'o 'si Satan -le 'plɛblɛ 'wlu, -e 'o 'ta Bali va. -Te o yi -tɛra 'an da -e Bali 'e -wee 'wɩ 'wlidɩ 'fui, -e 'o -nyrannan "yɩ minnun nɛn o cɩ Bali -le vɛ -a bɛ o va.›

Drɛwɩ (Actes) 5:3

Tɔɔn ɛn Piɛri "e -yrɛ 'nan: «Anania, -mɛ "le "wɛan nɛn 'i 'fli 'tʋɩ ɛn Satan wla 'i 'ji, ɛn i 'wlu 'sɛn Bali lei 'saun lɛ, ɛn i 'yie -yɔ man "lala -mie 'pla 'yie vɛ -a?

Rɔmɛn 16:18

Kɔɔ minnun zɩɛ Crizi nɛn -kaa san -a bɛ, -a 'bɔ "cɛɛ wa'a "sua dɩ. 'Pian 'o 'bɔ 'ci 'sɔ wɩnun nɛn waa -wɛɛman. O wei a 'o 'le 'nɔnnɔn, ɛn Zozinɔn nɛn o 'ka 'o nyinnandɩ "da 'nan min -kɔlaman 'o 'sidɩ -a -si tɩglɩ da dɩɛ, o o see "paaman 'o wei -a.

Rɔmɛn 16:20

Maan ve 'cɛɛ 'nan, -a -nan 'ka "nyian mɔan dɩ, -e Bali nɛn e -fʋdɩ -trɔɔ -nɔan "min lɛ bɛ, 'e drɛ -e 'ka Satan 'klɩ 'li "fo "le vɛ -a. -Kaa san Zozi Crizi -le "yi 'e 'kɔn 'ka pɛɛnɔn 'va!

2 Korɛnti 11:14

'Wɩ zɩɛ te 'e 'ka 'kan dɩ! Kɔɔ Satan 'bɔ bɛ, 'e 'fli ta yɔɔman 'nan e ya Bali -le 'pasiazan -a.

2 Korɛnti 11:3

'Wɩ nɛn -mlɛn -a drɛ 'li Ɛv lɛ bɛ, 'ka 'ci "nrɔn "da! E Ɛv man 'yɩ 'yee see "paa weinun -a. "Klan a 'an 'ji 'nan, te 'cee vɛ 'e drɛ zɩ dɩ! Kɔɔ an ya "vale 'nan 'ka 'fʋ Zozi Crizi -tʋwli -sru, ɛn 'ka 'fʋ -a -sru 'ka 'ci 'fɩdaa 'a.

2 Korɛnti 12:7

'Wɩ nɛn Bali -a -nan kɔɔn 'mɛn zɩɛ, e ya -nyrɛnnɛn wɩ -a. -Yee "wɛan "tɔgɔ 'an -dandan 'tan -a vɩdɩ -a bɛ, Bali 'an 'mɛan drɛ. E ya "le 'nan lei nɛn 'an 'kɔlɛ 'ji. Satan -le 'pasiazan -tʋ nɛn 'an man te 'e 'tɛ -kɔɔnman 'mɛn "tɔgɔ 'an -dandan 'tan -a vɩdɩ -a.

2 Korɛnti 2:11

Maan drɛ zɩɛ 'nan -e Satan 'e vɩlɛ 'e -kaa man yɩ dɩ. Kɔɔ -kaa -tɔa 'nan 'wɩ zɩɛ Satan -a "vale 'e dra.

2 Korɛnti 4:4

Wa'a yi tɛala Zozi da dɩ, kɔɔ Satan nɛn e cɩ minnun zɩɛ -wee bali -a bɛ, e -wee 'wɩ 'ci mandɩ 'lɛ 'wʋ. Yaa drɛ zɩɛ 'nan -e 'o vɩlɛ 'o Zozi 'le 'wɩ 'nɔnnɔn 'ci man dɩ. -Yee "wɛan Zozi Crizi nɛn e Bali -kɔɔnman minnun lɛ bɛ wa'a -yee 'tɛ 'san ye dɩ.

Efɛz 4:14

Yaa drɛ zɩɛ 'nan, -e -kaa vɩlɛ -kaa kɔn "nyian "le nannannun -le 'wɩ 'zʋ dɩ. Kɔɔ nannannun lɛ nɛn minnun see "paa wɩnun ve -pɛ "yi 'lee -pɛ bʋ -a, -e 'o -sɔɔnla o -sru. Min see "paanɔn zɩɛ o ya -wlidɩ, ɛn -dawli 'tɔ 'tʋdʋ pɛɛnɔn a o ji, -e 'o min 'si -si tɩglɩ da.

2 Tesalonik 2:3

Te 'ka 'wɩ "man -e min -tʋ 'e 'ka see "paa 'wɩ zɩɛ -a da dɩ! Fɛ nɛn maan ve zɩɛ -yɛɛ cɩ 'nan, tʋ nɛn min "kaga Bali wei -fɔala 'o "trɔɛn -sru "bɛ, e bɔa 'vaa -e Zozi 'ta yi 'e bɔ. Ɛn min nɛn e 'wɩ 'wlidɩ "paa 'nyranman -a ɛn Bali -a 'pla 'tɛ 'le vɛ -a bɛ, e -taa 'vaa -e yi zɩɛ 'e bɔ.

1 Timote 2:14

Adan "cɛɛ -mlɛn -a see paa dɩ, 'pian lɩmɔn nɛn Ɛv -a bɛ, -a 'bɔ nɛn -mlɛn -a see paa, ɛn -pei nɛn Bali -a -tɔ -wlɛ "bɛ, yaa srɛ.

2 Timote 3:13

'Pian minnun -wlidɩ zɩɛ 'wlunɔn nɛn waa. 'Wee 'wɩ 'wlidɩ "ko 'mlinladɩ -a "da. O min see "paaman, 'pian te fɛ -tʋ 'bɛ o 'bɔ "le "see paa.

Ebre 2:14

'Nɛnnun zɩɛ o o -ya blamin -a. Ɛn -kaa -tɔa 'nan, yi -tʋ bɔa "bɛ -e blamin 'e 'ka Satan -le 'plɛblɛ a blamin da -le "wɛan. 'Wɩ zɩɛ -yee "wɛan nɛn o Zozi 'ya blamin -a, ɛn e -ka yiba "plan da, 'nan -e 'e Satan -le 'plɛblɛ 'lɛ 'ka.

1 Piɛri 5:8

'Ka 'fuʋ, ɛn 'ka 'fli 'kun! 'Ka 'nanmanzan nɛn Satan -a bɛ, e ya "le -jra nɛn e ya -paannan bɛ -yee 'wɩ 'zʋ. E -cia fɛ pɛɛnɔn 'nan min -wɛɛdɩ -a, -e 'e 'blɩ.

1 Zan 5:19

-Kaa -tɔa 'nan Bali -le 'nɛnnun nɛn -kaa a, ɛn 'trɛdanɔn pɛɛnɔn a Satan -lɔ.

'Fluba nɛn Zud -a crɛn -tɛ 1:9

Bali -le 'pasianɔn nɛn laji bɛ, o tazan -dan nɛn waa laabo Mishɛl bɛ, ya'a 'wɩ zɩɛ -a drɛlɛ dɩ. Tʋ nɛn 'o 'vale Satan -a o Moizi pa ta wɩ 'vɩ bɛ, ya'a 'tɔ srɔlɛ Satan man dɩ. Yaa 'vɩ 'pian -yrɛ 'nan: «Minsan 'e 'wɩ "nɛn -kɔɔn 'yiɛ!»

Apokalis 12:12

'Wɩ zɩɛ -yee "wɛan bɛ, laji fɛnun 'lee 'ka pɛɛnɔn nɛn ka -nyɛanla 'nan nun bɛ, 'ka 'ci 'e "nran! 'Pian 'trɛ 'lee jemie -le vɛ bɛ, 'wɩ -taa "bɔlɛ "wee "man, kɔɔ Satan 'e yra 'pa o da. 'Bli a 'e 'fɔdɩ "ji -dan, kɔɔ yaa -tɔa 'nan 'yee tʋ 'ka "nyian -fʋlɛ "kaga "dɩ.»

Apokalis 12:3

Zɩ e -paandɩ 'sia bɛ, ɛn 'lɛbo "fɔ wɩ pee drɛ laji. 'Wɩ zɩɛ -nyrɛn 'gʋ: -Mlɛngan nɛn, e ya -dan, ɛn e ya 'tɛndɛn. -A -wulo a "da 'sɔravli, ɛn -a 'bei a "da "fu, ɛn -siga kle "a 'e wʋdɩ -a -wulo 'sɔravli 'bɔ man.

Apokalis 12:7

-Kuli 'sʋ laji. Bali -le 'pasiazan nɛn waa laabo Mishɛl bɛ, o 'vale 'yee 'pasianɔn 'a, o -kuli -tɔ -mlɛngan man. Ɛn -mlɛngan 'lee 'yee 'pasianɔn -a -tan 'o 'vale waa.

Apokalis 12:8

'Pian zɩ -mlɛngan -pɛ 'ka 'sɔlɛ -kuli -a dɩɛ, ɛn 'o 'vale 'yee 'pasianɔn 'a o -nyrannan 'ka yɩlɛ "nyian laji dɩ.

Apokalis 13:14

'Lɛbo "fɔ wɩnun nɛn -wi tɛdɛ -a -si -nɔn -yrɛ 'nan 'e drɛ bɛ, -a 'bɔ 'a nɛn e kɔla 'trɛdanɔn 'ci srɛdɩ -a. Yaa 'vɩ -wlɛ 'nan, -wi nɛn waa tuo sɛn -a ɛn ya'a 'kalɛ dɩɛ, 'o -a min yiba "nyaan.

Apokalis 16:14

-Yʋ -wlidɩnun nɛn o 'lɛbo "fɔ wɩnun dra bɛ o 'bɔ nɛn. O yaaga zɩɛ o -kʋ 'trɛda mingɔnnɛnnun cin yɩlɛ 'nan -e 'o 'man wʋʋ -kuli -tandɩ da. -Kuli zɩɛ waa -taan Bali man, yi -dan nɛn 'plɛblɛ pɛɛnɔn 'san Bali -a 'pla bɛ -a da.

Apokalis 18:2

E paan 'kpa 'plɛblɛ -a vɩdɩ -a 'nan: «Babilɔn -nan -nyan. Babilɔn 'fla -dan bɛ, -a -nan -nyan. E drɛ -yʋ -wlidɩnun fla -a. -Yʋ -wlidɩ 'tɔ 'tʋdʋ pɛɛnɔn -nyɛanla 'nan nun. "Loman 'tɔ 'tʋdʋ pɛɛnɔn nɛn o 'ka 'saun Bali 'lɛ dɩ, ɛn minnun 'ka o ye "yi "dɩɛ, o ya -nan nun. [-Wi -tʋdʋ pɛɛnɔn nɛn o 'ka 'saun Bali 'lɛ dɩ, ɛn minnun 'ka o ye "yi "dɩɛ, o ya -nan nun.]

Apokalis 18:23

Wa'a "nyian -kannɛn 'san ye -nan 'li "fo "dɩ, ɛn lɩ 'pa "fɛdinun 'ka "nyian -kɔan -nan 'li "fo "dɩ. Fɛ -le "wɛan nɛn 'wɩ zɩɛ e 'bɔ 'i man bɛ, -nyrɛn 'nan: 'Yie 'flɛ 'tannɔn 'tɔ bɛ wɩɩ 'trɛ 'gʋɛ -a da. 'Yie -dravia wɩnun drɛdɩ -a nɛn i 'trɛda minnun pɛɛnɔn see paa.

Apokalis 19:20

-Wi zɩɛ waa 'kun 'o 'vale min nɛn e 'wlu -sɛan te yaa ve 'nan 'e ya Bali 'lewei vɩnan bɛ waa. 'Wluzan zɩɛ e 'lɛbo "fɔ wɩnun drɛ "le zɩ -wi 'bɔ 'a 'vɩ -yrɛ "bɛ -yee 'wɩ 'zʋ. Minnun nɛn -wi 'bɔ 'tɔ 'crɛn plɔ a o man ɛn 'o "po -sɔɔnmlan -wi zɩɛ -a min yiba 'wlu -e 'o bɔ bɛ, 'wɩ zɩɛ -a drɛdɩ -a nɛn e o man 'yɩ. O -wi 'lee 'wluzan zɩɛ o tuʋ 'tɛ -dan nɛn -a ta a "le 'yi 'le 'wɩ 'zʋ bɛ -a va te o yiɛ a "man. 'Tɛ zɩɛ e ya -wlidɩ ɛn -kɔlɛ nɛn e 'lɛ "sia bɛ e ya "va.

Apokalis 2:13

'Ka Zozinɔn nɛn Pɛrgami bɛ, ka -nyɛanla 'fla nɛn Bali 'nanmanzan Satan mingɔnnɛn -ble "da "bɛ -a da. 'Pian 'ka 'pɛ -sru 'ka tɔalɛ -e 'ka 'si 'an -sru "dɩ. Maan -tɔa zɩɛ. Antipa nɛn 'an -sruzan 'plɛblɛ 'a bɛ, minnun -a -tɛ 'ka 'va nun, 'pian ka'a yi -tɛradɩ 'an da 'le 'tɔlɛ dɩ.

Apokalis 2:24

Maan -tɔa 'nan, Zozinɔn -mienun a Tiatire bɛ, wa'a -sɔɔnlɛa 'wɩ "paadɩ -wlidɩ zɩɛ -a -sru "dɩ. Ɛn wa'a -wɛɛlɛ 'nan Satan -le 'wɩnun nɛn minnun -a "siala 'wɩ -dan a bɛ, 'o -tɔa "dɩ. 'Ka Zozinɔn zɩɛ, 'ka lɛ nɛn an cɩ 'wɩ 'gʋɛ -a vɩnan. An 'ka 'an 'tɔdɩ 'ka man -sa -a 'nan 'an 'wɩ 'pee "paa "da 'cɛɛ -e 'ka drɛ dɩ.

Apokalis 2:9

'Ka Zozinɔn nɛn Simiri bɛ, 'ka yra nɛn ka cɩ -a yɩnan bɛ, maan -tɔa. Ɛn 'yalɛ nɛn e 'ka 'tɛ bɛ, maan -tɔa. 'Pian maan -cin -tɔa 'ka 'ji 'nan ka ya fɛnɔn 'a. Zuif 'nɔn nɛn waa ve 'o 'fli man 'nan 'o ya Bali -le minnun -a bɛ, 'wɩnun nɛn waa ve 'ka man -wlidɩ "bɛ, maan -tɔa. 'Pian maan -cin -tɔa 'ka 'ji 'nan, o 'ka Bali -le minnun -a dɩ. O ya Bali 'nanmanzan nɛn waa laabo Satan bɛ, -yee minnun -a.

Apokalis 20:10

"Bɛ -sru ɛn Bali 'nanmanzan nɛn e minnun see paa bɛ, waa tuʋ 'tɛ -dan nɛn -a ta a "le 'yi 'le 'wɩ 'zʋ bɛ -a va. 'Tɛ zɩɛ e ya -wlidɩ ɛn -kɔlɛ nɛn e 'lɛ "sia bɛ e ya "va. 'Tɛ zɩɛ -a va nɛn -wi 'lee min nɛn e 'wlu -sɛan te yaa ve 'nan e ya Bali 'lewei vɩnan bɛ o o tuʋ. Fɛ zɩɛ -a -nan nɛn o -fo 'o yra yɩnan bodrun funnin 'lɛ 'fu 'lɛ man.

Apokalis 20:8

-e 'e 'kʋ 'trɛda fɛ pɛɛnɔn 'nan. E -ko 'trɛda 'lɛglɔnnun see "paalɛ 'nan 'o 'tɛ 'e cin da -e 'o 'kʋ -kuli man. 'Lɛglɔnnun zɩɛ o o laabo Go, ɛn o o laabo "nyian Mago. -A -ji minnun a "kaga "le jemie man nyrɛn -le 'wɩ 'zʋ.

Apokalis 3:9

'Wɩ nɛn an -taa -a drɛlɛ bɛ -nyrɛn 'gʋ. Zuif 'nɔn nɛn waa ve 'o 'fli man 'nan, 'o ya Bali -le minnun -a, te o 'ka 'a dɩɛ, 'wlunɔn nɛn waa. Kɔɔ Bali 'nanmanzan nɛn Satan -a bɛ, -a -srunɔn nɛn waa. Minnun zɩɛ an -taa "tɔlɛ o man -sa -a 'nan 'o "po -sɔɔn 'ka 'wlu, -e 'o -tɔ 'nan an 'ka ye "yi.

Apokalis 9:1

Bali -le 'pasiazan 'sooluzan 'yee 'bei fɛɛn, ɛn an mlɛn crɛn -tʋ 'yɩ 'sinan laji, e -tria. -Klu nɛn -a 'leda "ka "dɩɛ, Bali -a -lagle 'wlɛ 'nɔn mlɛn crɛn zɩɛ -yrɛ.

Apokalis 9:20

'Wɩ yɩdɩ -dan zɩɛ, ya'a minnun pɛɛnɔn -tɛɛlɛ dɩ. 'Pian minnun nɛn o yiɛ 'fʋ "man "bɛ, wa'a 'silɛ 'o drɛ wɩ -wlidɩnun man dɩ, ɛn wa'a 'silɛ -yʋnun -pandɩ man dɩ, ɛn wa'a 'silɛ fɛnun -pandɩ man dɩ. -Te e ya -siga a oo, ɛn -te e ya -bulalɛ a oo, ɛn -te e ya -kɔlɛ a oo, ɛn -te e ya yiba "a oo, wa'a 'silɛ -a -tʋ -pandɩ man "fo "dɩ. Fɛnun zɩɛ wa'a fɛnan ye dɩ, ɛn wa'a 'wɩ maan dɩ, ɛn wa'a 'ta 'wo dɩ.