Apokalis 12:2 - Yaouré

² Lɩ zɩɛ -a -pɔn a 'e man, ɛn e -fɔ -srunan, -yee "wɛan e -paandɩ 'sia.

Apokalis 12:2 ပူးပေါင်းရင်းမြစ်များ

Matie 24:8

-A pɛɛnɔn zɩɛ e ya "le 'nan 'nɛn 'yadɩ -le ci -yaa pou sianan "wɛnnɛn 'zʋ.

Zozi Crizi -le 'wɩ 'nɔnnɔn nɛn Zan -a crɛn -tɛ 16:21

'Ka 'ci "nrɔn -pɔnzan da. -Te -yee 'nɛn 'ya tʋ 'bɔ bɛ, -a ta dra -trɔdrɔ, kɔɔ -yee yra yɩdɩ 'bɔ. 'Pian -te e 'nɛn 'bɔ 'ya bɛ, -e 'yee yra yɩdɩ -cin 'e 'san "ji. -A ci "nranman 'siɛn 'nan 'e min 'bɔla 'trɛda.

Galatɩ 4:19

'Mɛn 'nɛnnun, 'cee "wɛan an ya "nyian 'an yra yɩnan. An ya "le lɩmɔn nɛn e -fɔ -srunan bɛ -yee 'wɩ 'zʋ. An ya "vale 'ka drɛ Crizi -srunɔn tɩglɩ 'a.

Galatɩ 4:27

-Yee 'wɩ a 'e 'crɛn -tɛdɩ Bali -le 'fluba 'ji. E ya 'e 'crɛn -tɛdɩ 'nan: «Lɩmɔn nɛn 'yie 'nɛn "ka "dɩɛ, 'i 'ci -taa "nranlɛ. Yi'a 'nɛn 'yadɩ -le ci "yaa -tɔlɛ dɩ, 'pian i -taa ci "nran "dre "fɔlɛ. 'I 'sran 'si 'i -sru, 'pian 'i 'ci -taa "nranlɛ, kɔɔ 'yie 'nɛnnun -taa "kɔnlɛ "kaga e "mlian tʋ nɛn i ya 'i 'sran wlu bɛ -a da.»

Apokalis 12:4

Mlɛn crɛn pɛɛnɔn nɛn Bali o cɛɛn 'e cin man yaaga bɛ, -mlɛngan zɩɛ -a wei -a 'fʋɩ 'tʋ wɛɛn 'trɛda. -A -nan nɛn -mlɛngan pli lɩ zɩɛ -a man, 'nan -te e cɛɛn 'nɛn 'yadɩ man bɛ -e 'e 'nɛn 'bɔ 'blɩ.