Apokalis 11:13 - Yaouré

¹³ Tʋ 'bɔ 'lein zɩɛ -a wlu bɛ, 'trɛ 'nyɔɔndɩ 'sia 'kpa tɩglɩ. 'Fla zɩɛ -te waa cɛɛn 'e cin man -fu bɛ, -a 'fʋɩ 'tʋ -nan -nyan "fo. Min -kpi 'sɔravli (7.000) 'bɛ kaa 'wɩ zɩɛ -a -ji. Min -mienun nɛn o -fʋ bɛ, nyɛn o cɛɛn 'wlidɩ, -a -nan nɛn o wɩɩ "man "mɛn 'nan Bali nɛn laji lou "bɛ, -yɛɛ cɩ o da.

Apokalis 11:13 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 9:24

-A -nan nɛn min nɛn -a yiɛ 'lɛ 'sʋ bɛ, Farizɛn 'nɔn -a 'pa "flizan laabʋ "nyian, ɛn o 'nan -yrɛ 'nan: «'I Bali 'tɔ drɛ -dan 'wɩ tɩglɩ vɩdɩ -a! Kʋa -tɔa 'nan min bɛ 'wɩ 'wlidɩ "drɛzan nɛn.»

Drɛwɩ (Actes) 1:15

Yi -tʋ da, minnun nɛn o yi -tɛala Zozi da bɛ, 'o cin 'yɩ. O ya min -yaa tʋ -yɔ -tʋ (120). Piɛri wluan lou, ɛn e 'nan -wlɛ 'nan:

Apokalis 11:11

Zɩ yi yaaga 'e 'ta le 'e -bu zɩɛ e ciɩ bɛ, lei nɛn e 'belidɩ -nɔan "min lɛ bɛ, Bali -a 'pa -sia 'yee 'wɩ vɩnɔn "fli 'bɔ lɛ. E wlala o ji ɛn o wluan lou 'o 'cɛin -da. -A -nan nɛn minnun nɛn o ya 'wɩ zɩɛ -a -nan yɩnan bɛ, nyɛn -dan o cɛɛn.

Apokalis 11:19

-A -nan nɛn Bali -pan 'kɔn nɛn laji bɛ, Bali -a 'lɛ 'sʋ. Ɛn an Bali -le 'cezu nɛn -yee -pei -tɔ wɩnun cɩ -ji bɛ -a 'yɩ. Ɛn laa 'e 'wlei -wlei -fɔdɩ 'sia, te laa -paan -klunman, te 'trɛ 'nyɔɔnman, te lalo -sɛanla 'kpa 'plɛblɛ.

Apokalis 14:7

Yaa 'vɩ wei 'plɛblɛ 'ji 'nan: «'Ka yiɛ 'e 'nan Bali man, ɛn 'ka Bali 'bɔ 'tɔ drɛ -dan! Tʋ nɛn e 'trɛdanɔn 'le tin "baa bɛ e 'bɔ. Bali nɛn e 'trɛ 'lee la 'lee jemie 'lee 'yi pɛɛnɔn drɛ bɛ, 'ka "po sɔɔn "wlu -e 'ka bɔ.»

Apokalis 15:4

-Tɩɛ 'ka 'klanman 'i 'lɔ dɩ? Ɛn -tɩɛ 'ka 'i 'tɔ -dan 've dɩ? -A san "ka "fo "dɩ. Kɔɔ yiɛ cɩ 'saun 'i -tʋwli. 'Lɛglɔn pɛɛnɔn 'ji 'nɔn 'o "po -sɔɔnmlan 'i 'wlu -e 'wei bɔ. Kɔɔ o -taa -a -tɔlɛ 'nan 'wɩnun nɛn o cɩ tɩglɩ bɛ, -nyrɛn yia dra.»

Apokalis 19:7

-Kaa ci 'e "nran! -Kaa -paan ci "nran "dre "fɔdɩ -a! -Kaa Bali 'tɔ bɔ! Kɔɔ Bali -le 'bla 'le lɩ 'pa tʋ 'bɔ, ɛn -a nan 'bɔ 'e man wʋʋ 'va.

Apokalis 3:4

Maan -tɔa 'nan, Zozinɔn -mienun a Sardo bɛ, wa'a 'o 'fli "tri "tɔlɛ Bali 'lɛ dɩ. -Yee "wɛan nɛn Bali -taa sɔ 'fuvu wʋlɛ o da, -e 'kʋ 'ta wʋla waa. -A -nɔan da nɛn -e Bali 'e 'wɩ zɩɛ -a drɛ -wlɛ.

Apokalis 6:12

Zɩ Bali -le 'bla 'fluba -yrɩvɛ 'shɛɛdʋzan cɛɛn bɛ, 'an yiɛ 'tɔ ɛn an 'trɛ nyɔɔndɩ -dan 'yɩ. Yidɛ yra drɛ tiidii "le -cɛ bʋ sɔ -le 'wɩ 'zʋ, ɛn mlɛn drɛ 'tɛndɛn "le nyɛn -le 'wɩ 'zʋ.

Apokalis 8:5

"Bɛ -sru ɛn Bali -le 'pasiazan zɩɛ e fɛ nɛn o -laziglɔ 'tɛ 'ble -ji bɛ -a 'si, ɛn e 'tɛ nɛn Bali -pan "davɛ da bɛ -a -sɛn -ji. -A -nan nɛn yaa tuʋ 'trɛda. Zɩ yaa tuʋ bɛ, ɛn laa -paan 'wɩdɩ 'sia, te laa 'e 'wlei -wlei -fɔa, te 'trɛ 'nyɔɔnman.