3 Zan 1:2 - Yaouré

² 'An bee, an Bali trʋ "baa 'nan, 'wɩ pɛɛnɔn 'e drɛ 'yiɛ "yi, 'nan 'i 'kɔn 'i 'belidɩ 'i kɔlɛbo 'ji. Maan -tɔa 'nan, Bali 'lɛ bɛ 'i lei a 'e 'belidɩ.

3 Zan 1:2 ပူးပေါင်းရင်းမြစ်များ

Matie 9:12

Zozi 'wɩ zɩɛ -a 'man, ɛn e 'nan Farizɛn 'nɔn lɛ 'nan: «Minnun nɛn -cɛ 'ka o man dɩɛ, wa'a -dɔdrɔ -sru -wɛɛman dɩ. 'Pian minnun nɛn -cɛ cɩ o man bɛ, -wɛɛ -dɔdrɔ -sru -wɛɛman.

Filipʋ 2:27

'Wɩ 'kpa nɛn! -A man yaa 'kpa tɩglɩ, -a -kadɩ -fɔla tʋ, 'pian Bali -a nyrinda 'si. Wa'a vɩlɛ 'nan -a 'saza nɛn Bali -a nyrinda 'si dɩ. 'An nyrinda -sɛn "nyian Bali da, 'dʋ -e 'an 'man 'e vɩlɛ 'e 'fʋ 'yuo dɩ -le "wɛan.

Filipʋ 2:4

Te 'ka 'va min -tʋ 'e 'e 'bɔ 'fli -le 'wɩ "yi -wɛɛ "dɩ, 'pian min peenun -le 'wɩ "yi "nɛn 'e -wɛɛ.

2 Tesalonik 1:3

'Kʋ "bʋɩ Zozinɔn, e ya "le 'kʋ Bali muo "fɔ tʋ pɛɛnɔn man 'cee "wɛan. Kɔɔ 'cee yi -tɛradɩ Zozi da ta a 'sʋnan, ɛn 'ka cin yɩdɩ "yi "a 'panan "da.

2 Tesalonik 2:13

'Kʋ "bʋɩ Zozinɔn, kʋa -tɔa 'nan Minsan 'ka ye "yi. Ɛn tʋ nɛn Bali 'ka tian 'trɛ drɛlɛ dɩɛ, e 'ka 'si "va 'nan -e 'e 'ka 'si 'wɩ 'ji. -Yee "wɛan e ya "le 'kʋ Bali muo "fɔ tʋ pɛɛnɔn man 'cee "wɛan. 'Wɩ 'kpa, Bali -taa 'ka 'silɛ 'wɩ 'ji, kɔɔ 'yee lei 'saun 'ka drɛ Bali -le vɛ -a "fo, ɛn ka yi -tɛra 'wɩ tɩglɩ da.

Zaji 5:12

'An "bʋɩ Zozinɔn, te 'ka 'wɩ 'tʋ -ji -pɛ wluan dɩ! Te 'ka 'pɛ wluan labli man dɩ, ɛn te 'ka 'pɛ wluan 'trɛ man dɩ, ɛn te 'ka 'pɛ wluan "nyian fɛ pee man dɩ! 'Pian 'wɩ tɩglɩ nɛn 'ka vɩ! -Te 'wɩ a 'wɩ 'kpa -a bɛ, 'ka vɩ -inyan! Ɛn -te 'wɩ a 'wlu 'a bɛ, 'ka vɩ -cɛjɛ! "Tɔgɔ yi nɛn Bali tin -tɛa 'trɛdanɔn da bɛ, 'e vɩlɛ 'e 'ka 'tʋɩ 'e "tun "dɩ.

1 Piɛri 4:8

'Wɩ -dan nɛn e "mlian 'wɩ pɛɛnɔn da bɛ -nyrɛn 'nan, 'ka cin yɩ "yi, te -a 'leda 'e 'kɔn dɩ! Kɔɔ fɛnan nɛn yɩdɩ "yi "cɩ bɛ, 'wɩ 'wlidɩ -nyaan "nan.

2 Piɛri 3:18

'Wɩ nɛn e cɩ "le 'ka drɛ bɛ, -nyrɛn 'nan: -Kaa san Zozi Crizi nɛn -kaa 'sizan 'wɩ 'ji -a, ɛn ka sɔɔnla -a -sru "bɛ, 'ka 'kʋ -a 'e 'lɛ, -e 'e 'yee "yi "nɔn 'cɛɛ. Ɛn -a -tɔ nɛn kaa 'wʋ bɛ, 'e 'pa "da. 'Tɔ -dan 'e 'kɔn -yee vɛ -a cɛɛgʋ, ɛn 'e 'kɔn -yee vɛ -a 'li 'trilii. Amɛn!

3 Zan 1:1

'An 'bɔ 'gʋɛ, an ya -leglizi min ceje -tʋ -a, mɛɛn 'fluba 'gʋɛ -a crɛn -tɛ. Maan crɛn -tɛ 'an bee Gai nɛn maan ye "yi 'kpa bɛ -yrɛ.

Apokalis 2:9

'Ka Zozinɔn nɛn Simiri bɛ, 'ka yra nɛn ka cɩ -a yɩnan bɛ, maan -tɔa. Ɛn 'yalɛ nɛn e 'ka 'tɛ bɛ, maan -tɔa. 'Pian maan -cin -tɔa 'ka 'ji 'nan ka ya fɛnɔn 'a. Zuif 'nɔn nɛn waa ve 'o 'fli man 'nan 'o ya Bali -le minnun -a bɛ, 'wɩnun nɛn waa ve 'ka man -wlidɩ "bɛ, maan -tɔa. 'Pian maan -cin -tɔa 'ka 'ji 'nan, o 'ka Bali -le minnun -a dɩ. O ya Bali 'nanmanzan nɛn waa laabo Satan bɛ, -yee minnun -a.