2 Timote 4:11 - Yaouré

¹¹ Luk 'bɛ cɩ 'an 'va 'gʋ 'e -tʋwli. -Yee "wɛan 'ka 'vale Mark -a 'ka 'ta. -A -nan wɩ a 'an man 'kpa 'mɛn 'nyranman 'gʋɛ -a -ji.

2 Timote 4:11 ပူးပေါင်းရင်းမြစ်များ

Matie 19:30

Minnun nɛn o -trɔa 'si 'lɛ bɛ, o "kaga -taa "fɔlɛa "da, ɛn minnun nɛn o -fɔla "da "bɛ, o "kaga -taa "drɛlɛ -si 'lɛnɔn 'a.»

Matie 20:16

Ɛn Zozi 'a 'le 'sran -wlɛ 'nan: «Minnun nɛn o -fɔla "da "bɛ, zɩ o -taa "drɛlɛ -si 'lɛnɔn 'a zɩɛ, ɛn minnun nɛn o -trɔa -si 'lɛ bɛ, zɩ o -taa "fɔlɛa "da zɩɛ.»

Zozi Crizi -le 'wɩ 'nɔnnɔn nɛn Luk -a crɛn -tɛ 13:30

Minnun nɛn o -fɔla "da "bɛ, o "kaga -taa "drɛlɛ -si 'lɛnɔn 'a. Ɛn minnun nɛn o -trɔa -si 'lɛ bɛ, o "kaga -taa "drɛlɛ min -fɔla "danɔn 'a.»

Drɛwɩ (Actes) 12:12

Zɩ 'wɩ zɩɛ -a -cin -trɔa Piɛri ji bɛ, ɛn e -kʋ Zan nɛn waa laabo Mark bɛ -a "bʋ Mari -le "kɔnnɛn. Min -mienun a 'o cin yɩdɩ -nan nun Bali trʋ 'banan.

Drɛwɩ (Actes) 12:25

Zɩ Barnaba 'lee Saul cɛɛn 'wɩ nɛn o -kʋ "man Zeruzalɛm bɛ -a drɛdɩ man bɛ, ɛn o 'li 'o da Antiɔs. -Wɛɛ ta 'o 'vale Zan nɛn waa laabo Mark bɛ waa.

Drɛwɩ (Actes) 15:37

Barnaba a "vale 'nan Zan nɛn waa laabo Mark bɛ 'e 'kʋla 'o -sru.

Drɛwɩ (Actes) 15:39

Pɔl 'lee Barnaba wei 'ka drɛlɛ -tʋwli "fo "dɩ, -a -nan nɛn o cɛɛn 'e cin man. Barnaba Mark -fɔ 'e -sru, ɛn o -fɔ -klʋ -dan ji, o -kʋ Sipri 'trɛda.

Drɛwɩ (Actes) 16:10

Zɩ Pɔl 'wɩ zɩɛ -a -nan 'yɩ "le nyrinvla -zʋ bɛ, ɛn kʋa man wɛɛ 'nan 'kʋ 'kʋ Masedɔa 'lɛglɔn 'ji, kɔɔ kʋa -tɔa 'nan Bali 'kʋ laabʋ 'nan -e 'kʋ 'yee 'wɩ 'nɔnnɔn vɩ -nan nun.

Kolɔs 4:10

Ariza nɛn 'kʋ 'vale -a kʋ ya -pʋ 'kuin 'gʋɛ, e 'nan 'e 'ka 'tɔ bo. Ɛn "nyian Mark nɛn Barnaba "blu -le 'nɛn 'a bɛ, e 'nan 'e 'ka 'tɔ bo. An -yee 'wɩ crɛn -tɛ 'fluba -tʋ -ji bɛ, 'ka 'ci "nrɔn 'wɩ zɩɛ -a da. E "ta "lo "bɛ, 'ka 'kun 'ka 'pɛ "fli "a.

Kolɔs 4:14

-Kaa bee Luk nɛn -dɔdrɔ -a bɛ, 'o 'vale Dema -a o 'nan 'o 'ka 'tɔ bo.

2 Timote 1:15

Timote, yia -tɔa 'nan, minnun pɛɛnɔn nɛn o -nyɛanla Azi 'lɛglɔn 'ji bɛ, o 'si 'an -sru. Fijɛl 'lee Emojɛl bɛ, "o 'si 'wʋ "nyian 'an -sru.

2 Timote 2:21

Maan ve 'yiɛ 'nan, -pɔnun zɩɛ -wɛɛ cɩ "le minnun nɛn maan 'vɩ 'labɛ -wee 'wɩ 'zʋ. 'Pian min nɛn e cɛɛn o man bɛ, -a san -kɔan "le 'nan -pɔ nɛn waa bɔala 'ji min "fli yaa cin yɩnan bɛ -yee 'wɩ 'zʋ. E -kɔan 'e 'pladɩ 'e 'tazan -le vɛ -a, ɛn -a 'pa 'nyranman -kɔan 'e 'tazan lɛ, ɛn 'wɩ "yi 'tɔ 'tʋdʋ pɛɛnɔn nɛn yaa dra.

Filemɔn 1:24

Mark 'lee Ariza 'lee Dema 'lee Luk nɛn, o "paa 'an 'va Bali -le 'nyranman 'panan bɛ, o 'nan, 'wei 'tɔ bo.

1 Piɛri 5:13

-Leglizi 'nɔn nɛn Babilɔn 'fla bɛ, o 'ka 'tɔ bo. Bali 'o 'si "va 'yee vɛ -a "le 'cee 'wɩ 'zʋ. Ɛn 'mɛn 'nɛn Mark 'ka 'tɔ bo "nyian.