2 Timote 3:8 - Yaouré

⁸ 'Wɩ nɛn Yanɛzi 'lee Yanble -a drɛ Moizi lɛ ɛn wa'a -yee 'wɩ 'silɛa 'wɩ 'a dɩɛ, -a -tʋwli "nɛn minnun zɩɛ o cɩ -a drɛnan. Wa'a 'o "trɔɛn 'tɔa 'wɩ tɩglɩ lɛ dɩ, o -wulo -ji "nrɔndɩ 'ka -si tɩglɩ da dɩ, ɛn -te min -wee yi -tɛradɩ Zozi da -nanjɛɛn bɛ, yaa -kɔnnɛn "ye 'nan e 'ka 'wɩ 'kpa -a dɩ.

2 Timote 3:8 ပူးပေါင်းရင်းမြစ်များ

Drɛwɩ (Actes) 15:24

Kʋa 'man 'nan, 'kʋ 'va min -mienun nɛn kʋ'a 'si -nɔnlɛ 'wlɛ "dɩɛ, o 'lʋ 'ka 'ci baalɛ -ji 'wee 'wɩ "paadɩ -a, ɛn o 'ka "koe 'si 'ka da.

Rɔmɛn 1:28

Wa'a 'wɩlɛ "man -e Bali nɛn 'e drɛ o tazan -a dɩ. -Yee "wɛan Bali o -nɔn 'wee klin "wɩ drɛdɩ lɛ. Ɛn 'wɩ nɛn e 'ka "le blamin 'e drɛ dɩɛ waa dra 'o cin va.

Rɔmɛn 16:18

Kɔɔ minnun zɩɛ Crizi nɛn -kaa san -a bɛ, -a 'bɔ "cɛɛ wa'a "sua dɩ. 'Pian 'o 'bɔ 'ci 'sɔ wɩnun nɛn waa -wɛɛman. O wei a 'o 'le 'nɔnnɔn, ɛn Zozinɔn nɛn o 'ka 'o nyinnandɩ "da 'nan min -kɔlaman 'o 'sidɩ -a -si tɩglɩ da dɩɛ, o o see "paaman 'o wei -a.

Efɛz 4:14

Yaa drɛ zɩɛ 'nan, -e -kaa vɩlɛ -kaa kɔn "nyian "le nannannun -le 'wɩ 'zʋ dɩ. Kɔɔ nannannun lɛ nɛn minnun see "paa wɩnun ve -pɛ "yi 'lee -pɛ bʋ -a, -e 'o -sɔɔnla o -sru. Min see "paanɔn zɩɛ o ya -wlidɩ, ɛn -dawli 'tɔ 'tʋdʋ pɛɛnɔn a o ji, -e 'o min 'si -si tɩglɩ da.

1 Timote 1:19

'Yie yi -tɛradɩ Zozi da bɛ 'i "trɔɛn "trɔa ji, ɛn te 'i 'wɩ drɛ te 'i 'wulo -ji "nrɔndɩ tin -tɛa 'i da dɩ! Min -mienun bɛ 'wɩ "yi "nɛn o -wulo -ji "nrɔndɩ -a ve -wlɛ 'nan 'o drɛ bɛ, wa'a 'ta wʋlɛa 'bɛ da dɩ. 'Wɩ zɩɛ -yɛɛ -maan ɛn -wee yi -tɛradɩ Zozi da 'e 'le 'tɔ.

1 Timote 4:2

Minnun nɛn o 'wɩ 'bɔ zɩɛ -a "paaman bɛ, 'wlunɔn nɛn waa, ɛn o ya 'o 'fli 'tɔ -wɛɛnan. -Wee -wulo -ji "nrɔndɩ va bɛ Satan -pɛ -flɛ yra 'nan.

1 Timote 6:5

Ɛn "nyian -yɛɛ -maan min yei 'ka -a ble dɩ. O 'wɩ dra "le minnun nɛn 'o 'wulo 'ka o da dɩɛ, -wee 'wɩ 'zʋ, ɛn wa'a 'wɩ tɩglɩ 'tɔa "fo "dɩ. -A -cin a o ji 'nan Bali -sru 'ta wʋdɩ bɛ "lala yɩnan nɛn.

2 Timote 4:15

'I 'bɔ "nyian, 'i drɛ "va "yi, kɔɔ e ya 'e 'tɔdɩ lou 'kʋe 'wɩ "paadɩ man.

'Fluba nɛn Pɔl -a crɛn -tɛ Tit lɛ 1:10

Min "kaga "a ve 'o 'fli man 'nan o yi -tɛala Zozi da, te o 'ka "vale 'o 'ta wʋla 'wɩ tɩglɩ da dɩ. Minnun zɩɛ o "kaga "a Zuif 'nɔn 'a, ɛn o min ci baaman -ji 'wɩ "kaga "vɩdɩ -a, te 'wɩ 'bɔ 'ci "ka "dɩ.

'Fluba nɛn Pɔl -a crɛn -tɛ Tit lɛ 1:16

Waa ve 'o 'fli man 'nan o ya Bali -le vɛ -a. 'Pian 'wɩnun nɛn waa dra bɛ, yaa -kɔɔnman 'nan o 'ka Bali -le vɛ -a dɩ. Wa'a 'ta 'wʋla Bali wei da dɩ, ɛn o -pɛ 'ka 'sɔa 'wɩ "yi "tʋ drɛdɩ -a dɩ. Minnun zɩɛ Bali 'ka o ye "yi "fo "dɩ.

2 Piɛri 2:14

O yiɛ 'ka 'ciala lɩmɔn da dɩ, ɛn o "koe 'ka 'nyaan 'wɩ 'wlidɩ "drɛdɩ -a dɩ. Minnun nɛn o 'ka 'o 'tɔdɩ Bali wei da tɩglɩ dɩɛ, o o "sia -si tɩglɩ da. Fɛ yɩdɩ da nɛn -wee ci "nrɔndɩ pɛɛnɔn cɩ. Bali -le nyran -blɩdɩ a -wee vɛ -a.

1 Zan 2:18

'Mɛn 'nɛnnun, tʋ -nyranman -ji nɛn -kaa cɩ 'gʋ. Kaa 'man 'nan, Crizi 'nanmanzan -taa "talɛ. Ɛn 'bɛ nɛn 'gʋɛ, Crizi 'nanmannɔn 'bɔla "kaga 'va. 'Wɩ zɩɛ -yɛɛ -kɔɔnman 'nan tʋ -nyranman -ji nɛn -kaa cɩ.

1 Zan 4:1

'An beenun, te 'ka yi -tɛra minnun -tʋdʋ pɛɛnɔn nɛn waa ve 'nan Bali lei a 'o 'lɔ bɛ, o da dɩ. 'Pian 'ka o bʋʋ 'kpa -e 'ka -tɔ 'nan lei nɛn -wlɔ "bɛ, e "sia Bali va. -Yɛɛ cɩ 'nan, 'wlunɔn "kaga fuila "man 'trɛda, te o 'nan 'o ya Bali 'lewei vɩnɔn 'a.

Apokalis 2:20

'Wɩ pɛɛnɔn nɛn kaa drɛ "yi "bɛ, maan -tɔa, 'pian 'wɩ 'tʋ a 'an 'ji -e 'an 'pla 'cɛɛ. 'Wɩ zɩɛ -nyrɛn 'nan, lɩmɔn nɛn waa laabo Zezabɛl bɛ, ka'a -si tɔa -yrɔ "dɩ. Yaa ve 'e 'fli man 'nan Bali 'lewei vɩzan nɛn 'yaa. 'Pian -yee 'wɩ "paadɩ -a -maan minnun nɛn 'cee -leglizi -ji bɛ, o 'wɩ 'wlidɩ "drɛdɩ 'sia. O -yʋ -panwi -blɩdɩ 'sia, ɛn o nyinnandɩ 'sia lɩ 'lee 'kɔnnɛn -a te wa'a 'o cin 'palɛ dɩ.

Apokalis 2:6

'Wɩ nɛn kaa dra "nyian "yi "bɛ, -nyrɛn 'gʋ, 'wɩnun nɛn Nikolai -srunɔn -a dra bɛ, -a 'wɩ "naan 'ka man "le zɩ -a 'wɩ "naan 'an man bɛ -yee 'wɩ 'zʋ.