2 Timote 3:10 - Yaouré

¹⁰ 'Yie vɛ bɛ, i 'ta 'wʋla Bali -le 'wɩ "paadɩ tɩglɩ da "le 'mɛn 'wɩ 'zʋ. Ɛn zɩ 'mɛn 'ta wʋ -pɛ cɩ bɛ, 'lee 'wɩnun nɛn -a -cin cɩ 'an 'ji 'nan 'an dra bɛ, yia -tɔa ɛn -a da nɛn i cɩ -a drɛnan. 'Mɛn yi -tɛradɩ Zozi da, 'lee 'mɛn man -srandɩ 'wɩ 'ji bɛ, 'lee 'mɛn Bali yɩdɩ "yi "bɛ, 'lee 'mɛn min yɩdɩ "yi "bɛ, yia -tɔa ɛn -a da nɛn i cɩ -a drɛnan. 'Wɩnun nɛn o 'bɔ 'an man 'e pɛɛnɔn te 'an -pɔan "sɔa -ji bɛ, yia -tɔa ɛn -a da nɛn i cɩ -a drɛnan.

2 Timote 3:10 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 1:3

-Yee "wɛan, zɩ an cɛɛn 'wɩ pɛɛnɔn zɩɛ -a pou -wɛɛdɩ man 'e klɔji bɛ, 'an 'bɔ, "an 'yɩ "nyian 'kpa, ɛn 'an "yie crɛn -tɛ 'e "nɛn 'e "nɛn.

Drɛwɩ (Actes) 11:23

Zɩ e 'bɔla 'nan nun bɛ, Bali -le "yi "nɛn yaa drɛ -wlɛ "bɛ yaa -nan 'yɩ, ɛn yaa ci nran. -A -nan nɛn Barnaba o "koe "tɔ 'o da 'nan, te 'o 'si Minsan -sru "fo "dɩ.

Drɛwɩ (Actes) 2:42

Ɛn tʋ pɛɛnɔn man 'wɩnun nɛn Zozi 'le 'pasianɔn -a "paaman o ji bɛ, waa maan te o 'ta wʋla "da 'o 'ci 'fɩdaa 'a. O ci a -tʋwli, o "paa 'o cin va te 'o cin man wɩ dra. O pɛɛnɔn fɛ -tʋwli "ble 'e cin va Minsan -cin -trɔadɩ o ji -a, ɛn o Bali trʋ "baa 'e cin va.

Drɛwɩ (Actes) 20:18

Zɩ min cejenun zɩɛ o -ta bɛ, ɛn e 'nan -wlɛ 'nan: «Te an 'bɔla 'e tɛdɛ 'ka 'va, 'nyranman nɛn maan 'pa Azi 'lɛglɔn 'ji -trilii -e 'e 'bɔ cɛɛgʋɛ, kaa -tɔa.

Drɛwɩ (Actes) 26:4

'Wɩ pɛɛnɔn nɛn maan drɛdɩ 'sia 'an "wɛnnɛn da, 'an 'ya trɛda 'lee Zeruzalɛm bɛ, Zuif 'nɔn pɛɛnɔn -a -tɔa.

Rɔmɛn 16:17

'An "bʋɩ Zozinɔn, an toba -fɔa 'cɛɛ 'nan, 'ka drɛ "yi minnun nɛn o Zozinɔn "cɛan 'e cin man 'wee 'wɩ "paadɩ -wlidɩ "a bɛ o va. -Wee 'wɩ "paadɩ a 'e 'pee 'wɩ nɛn kaa 'man 'va bɛ -a man. Te 'ka 'sia -wee vɛ da dɩ!

2 Korɛnti 1:17

'Wɩ zɩɛ -a -cin nɛn paan 'an 'ji 'nan 'an dra, 'pian ma'an drɛlɛ dɩ. Te 'ka 'ci "nrɔn 'nan 'an wei a "flivli "dɩ! Ɛn te 'ka 'ci "nrɔn 'nan an 'wɩ dra "le min -mienun -le 'wɩ 'zʋ dɩ! Kɔɔ waa ve 'wɩ man -inyan, te e ya -cɛjɛ -a.

Efɛz 4:14

Yaa drɛ zɩɛ 'nan, -e -kaa vɩlɛ -kaa kɔn "nyian "le nannannun -le 'wɩ 'zʋ dɩ. Kɔɔ nannannun lɛ nɛn minnun see "paa wɩnun ve -pɛ "yi 'lee -pɛ bʋ -a, -e 'o -sɔɔnla o -sru. Min see "paanɔn zɩɛ o ya -wlidɩ, ɛn -dawli 'tɔ 'tʋdʋ pɛɛnɔn a o ji, -e 'o min 'si -si tɩglɩ da.

Filipʋ 2:20

Timote nɛn maan "paa -sia 'ka 'va, kɔɔ min pee 'ka 'gʋ te 'ka 'nan wɩ a "man tɩglɩ "le zɩ 'ka 'nan wɩ cɩ 'an man bɛ -yee 'wɩ 'zʋ dɩ.

Filipʋ 2:22

Kaa -tɔa 'ka 'bɔ 'a 'nan, Timote a min nɛn min yi -tɛala "da "bɛ -a. E 'wɩ dra "le 'nan 'nɛn nɛn 'e "tɩ wei maan "bɛ -yee 'wɩ 'zʋ. 'E 'fli -nɔn Zozi Crizi -le 'wɩ 'nɔnnɔn vɩdɩ -ji "le 'mɛn 'wɩ 'zʋ.

1 Tesalonik 1:5

Kɔɔ zɩ kʋ 'lʋ Zozi Crizi -le 'wɩ 'nɔnnɔn vɩlɛ 'cɛɛ bɛ, kʋ'a vɩlɛ 'kʋ 'le 'saza "tun "dɩ. 'Pian Bali lei 'saun 'yee 'plɛblɛ 'ci kɔɔn, ɛn e 'kʋ "koe "tɔ 'kʋ da 'wɩ zɩɛ -a vɩdɩ -a. 'Wɩ pɛɛnɔn zɩɛ kaa -tɔa 'ka 'bɔ 'a, kɔɔ 'nyranman nɛn kʋa 'pa 'cɛɛ bɛ, kaa -nan 'yɩ.

1 Timote 1:3

'Wɩ nɛn maan 'vɩ 'yiɛ te an "ta Masedɔa si "siala bɛ, -a -cin 'e 'fɔla 'i 'ji. Maan 'vɩ 'yiɛ 'nan, 'i 'fʋ Efɛz nun, 'nan -e 'i 'wɩ 'pla min -mienun lɛ. O ya 'ka yei, te o 'wɩ nɛn 'wlu 'a bɛ -a "paaman minnun -ji.

1 Timote 4:6

-Te 'wɩnun zɩɛ -a 'bɔ nɛn i cɩ -a "paanan Zozinɔn 'ji bɛ, te i ya Zozi Crizi -le 'nyranman 'pazan 'kpa -a. Ɛn yaa -kɔɔnman 'nan Bali wei 'lee 'wɩ "paadɩ tɩglɩ nɛn i kɔala "man "bɛ, -wɛɛ cɩ "le 'yie -blɩfɛ -le 'wɩ 'zʋ.

1 Timote 6:11

'Pian 'i 'bɔ Bali -le 'nyranman 'pazan bɛ, te 'wɩnun zɩɛ 'o -pli 'i man "fo "dɩ. 'I -wɛɛ 'nan, 'i 'wɩ nɛn 'e 'sʋdɩ "ji "bɛ -a dra. 'I -wɛɛ 'nan, 'i 'fo 'i lɛadɩ Bali man. 'I -wɛɛ 'nan, 'i yi -tɛala Bali da. 'I -wɛɛ 'nan, 'i Bali ye "yi, ɛn 'i min ye "yi. 'I -wɛɛ 'nan, 'i -pɔan 'e 'sɔ 'wɩ 'ji. Ɛn 'i -wɛɛ 'nan, 'i -kɔan "min -trɔɔ -a.

2 Timote 2:22

Timote, 'wɩ 'tɔ 'tʋdʋ pɛɛnɔn nɛn e -kɔlaman e -wulo -ji "nrɔndɩ -wlidɩ -nɔan -gobo lɛ bɛ, te 'i -pli -a -tʋ man "fo "dɩ! 'I -wɛɛ 'nan 'i 'wɩ nɛn 'e 'sʋdɩ "ji "bɛ -a dra! 'I -wɛɛ 'nan 'i yi -tɛala Zozi da! 'I -wɛɛ 'nan 'i Bali ye "yi, ɛn 'i min ye "yi! Ɛn 'i -wɛɛ 'nan 'ka yei 'e 'kɔn -trɔɔ 'ka 'vale min -tʋdʋ pɛɛnɔn nɛn o Minsan laabo 'o 'ci 'fɩdaa 'a bɛ waa!

2 Timote 4:2

'I Bali -le 'wɩ vɩ minnun lɛ! 'Wɩ nɛn yia ve bɛ, -te waa maan "yi oo, 'i vɩ -wlɛ, -te wa'a 'maan "yi "dɩ oo, 'i vɩ -wlɛ! 'I -wee 'wɩ 'wlidɩ 'ci 'si -wlɛ! 'I vɩ -wlɛ 'nan 'o 'le 'tɔ, ɛn 'wɩ nɛn e cɩ "le min 'e drɛ bɛ -a 'bɔ nɛn 'i 'pla -wlɛ 'wɩ 'a. 'I man -sran 'wɩ pɛɛnɔn zɩɛ -a "paadɩ -a o ji.

2 Timote 4:3

Kɔɔ tʋ -tʋ -taa "bɔlɛ bɛ, te minnun 'ka 'we "man "nyian -e 'o "trɔɛn "tɔ Bali -le 'wɩ "paadɩ tɩglɩ lɛ dɩ. 'Pian 'o 'ci 'sɔ minnun "sia "va 'wɩ "paanɔn 'a, te o 'wɩ nɛn o cɩ "vale 'o maan "bɛ -a "paaman o ji.

2 Timote 4:7

Minsan -le -kuli bɛ, maan -tan fɛnyian, an cɛɛn flan 'blidɩ man. An yi -tɛra Zozi da -trilii, maan 'le 'sran.

'Fluba nɛn Pɔl -a crɛn -tɛ Tit lɛ 2:7

Tit, 'i 'bɔ nɛn 'i drɛ -wee 'wɩ -kɔɔn "manzan 'a 'wɩ "yi "drɛnan. Ɛn 'yie Bali -le 'wɩ "paadɩ bɛ 'e 'kɔn 'e 'nɔan da, te 'i -tɛ srɔan -a "fo "dɩ!

Ebre 13:9

-Yee "wɛan te 'ka 'fli 'tʋɩ -e 'ka sɔɔnla 'wɩ "paadɩ -trɛ -sru -e 'ka 'si -si tɩglɩ da dɩ! "Yi "nɛn Bali -a drɛ 'cɛɛ bɛ -a da nɛn 'ka 'ci "nrɔn -e 'ka 'kɔn 'ka 'tɔdɩ 'plɛblɛ Bali -sru 'ta wʋdɩ -ji. -Blɩfɛ -mienun drɛdɩ min 'srɔɛn 'a bɛ, e ya 'e "tun. -Yɛɛ "cɛɛ min -tɔa 'plɛblɛ Bali -sru 'ta wʋdɩ -ji dɩ.

2 Piɛri 3:11

-Yee "wɛan -pɛ nɛn e "sɔa Bali lɛ bɛ, -a man nɛn 'ka 'ta wʋ 'kpa tɩglɩ, kɔɔ zɩ fɛ pɛɛnɔn 'nan -taa "nyanlɛ bɛ -a -cin a 'ka 'ji.