2 Timote 2:8 - Yaouré

⁸ 'I 'ci "nrɔn Zozi Crizi da. E ya David kluda min a, ɛn -a 'bɔ nɛn Bali -a wluan -kanɔn 'va. Zozi -le 'wɩ 'nɔnnɔn nɛn maan ve minnun lɛ bɛ -nyrɛn zɩɛ.

2 Timote 2:8 ပူးပေါင်းရင်းမြစ်များ

Matie 1:1

Zozi Crizi a David kluda min -a, ɛn e ya "nyian Abraam kluda min -a. Zozi tranun 'tɔ nɛn 'gʋ.

Zozi Crizi -le 'wɩ 'nɔnnɔn nɛn Luk -a crɛn -tɛ 24:46

Yaa 'vɩ -wlɛ 'nan: «E ya 'e 'crɛn -tɛdɩ 'nan, min 'sizan 'wɩ 'ji Crizi 'e yra ye, -e 'e 'ka. 'Pian -a yi yaagazan da bɛ, -e 'e 'wluan -kanɔn 'va.

Drɛwɩ (Actes) 13:23

David zɩɛ, -a kluda nɛn, Bali 'bɔ Zozi 'bɔla min 'sizan 'wɩ 'ji -a, "le zɩ yaa 'vɩ 'e 'cɛn bɛ -yee 'wɩ 'zʋ.

Drɛwɩ (Actes) 2:24

'Pian Bali -a wluan -kanɔn 'va, yaa 'si 'ka -lɔ, -yɛɛ cɩ 'nan ya'a 'kɔlaman -e 'e 'fʋ -ka -le 'plɛblɛ 'wlu dɩ.

Drɛwɩ (Actes) 2:30

'Pian, e ya Bali 'lewei vɩzan -a "nɛn, ɛn yaa -tɔa 'e 'cɛn 'nan Bali -tɔ 'e wei -da -a vɩdɩ -a 'yrɛ 'nan: ‹'E kluda min -tʋ 'e 'lɛji mingɔnnɛn -ble.›

Rɔmɛn 16:25

-Kaa Bali 'tɔ bɔ! -Yɛɛ 'ka 'man -tɔa 'plɛblɛ 'cee yi -tɛradɩ Zozi da -a. Zozi Crizi -le 'wɩ 'nɔnnɔn nɛn maan ve minnun lɛ bɛ, -a 'bɔ 'a nɛn e 'ka 'man -tɔa 'plɛblɛ. 'Wɩ 'nɔnnɔn zɩɛ -yɛɛ Bali -le 'wɩ yɔɔdɩ nɛn e -fʋ 'e yɔɔdɩ minnun man -a -nan lɛ 'ka lɛ va dɩɛ, -a 'ta bɔala minnun lɛ.

Rɔmɛn 2:16

Yi -tʋ bɔa "bɛ, Bali -ciala Zozi Crizi -va -e 'e 'wɩ pɛɛnɔn nɛn 'e yɔɔdɩ min -ji bɛ, -yee tin 'ba. Zozi Crizi -le 'wɩ 'nɔnnɔn nɛn maan ve minnun lɛ bɛ, -yɛɛ 'vɩ zɩ.

1 Korɛnti 15:1

'An "bʋɩ Zozinɔn, Zozi Crizi 'le 'wɩ 'nɔnnɔn nɛn maan 'vɩ 'cɛɛ bɛ, -a 'bɔ nɛn maan -cin -tɔa 'ka 'ji. Ka wɩɩ "man, ɛn ka ya 'ka lɛadɩ "man tian cɛɛgʋ yi -a.

1 Korɛnti 15:4

Zɩ e -ka bɛ, ɛn waa 'wʋ. -A yi yaagazan da bɛ ɛn Bali -a wluan -kanɔn 'va. Bali -le 'fluba 'wɩ zɩɛ -a 'vɩ 'e 'cɛn 'nan e dra, ɛn e drɛ.

2 Tesalonik 2:14

'Ka 'sidɩ 'wɩ 'ji -le "wɛan nɛn Bali 'ka laabʋ 'wɩ 'nɔnnɔn nɛn kʋa 'vɩ 'cɛɛ bɛ -a. E 'ka laabʋ 'nan -e 'tɔ -dan nɛn -kaa san Zozi Crizi -lɔ bɛ, 'ka drɛ -a "nɛn "blɩnɔn 'a.

1 Timote 1:11

Bali nɛn -a 'tɔ a -dan, ɛn -a va nɛn -fɛa pɛɛnɔn "sia bɛ, -yɛɛ Zozi 'le 'wɩ 'nɔnnɔn 'pɛba 'wʋ 'an 'lɔ. 'Wɩnun nɛn an "sia -a vɩnan 'yiɛ 'gʋɛ -a da wɩ nɛn.

1 Timote 2:7

Bali 'an drɛ Zozi 'le 'pasiazan -a, 'nan -e 'an 'wɩ zɩɛ -a fuila "man minnun pɛɛnɔn 'va. 'Wɩ tɩglɩ nɛn maan ve, 'wlu "cɛɛ maan -sɛan "fo "dɩ. Yaa drɛ zɩɛ 'nan -e 'an yi -tɛradɩ Zozi da 'lee Bali 'bɔ 'le 'wɩ tɩglɩ bɛ, -a "paa minnun nɛn o 'ka Zuif 'nɔn 'a dɩɛ o ji.

2 Timote 1:8

-Yee "wɛan te 'yra 'e 'i 'tɛ 'wɩ nɛn -kaa san Zozi Crizi -a drɛ bɛ -a -nan wɩ vɩdɩ -a dɩ! Ɛn "nyian, 'an 'bɔ nɛn an ya -pʋ 'kuin -yee 'nyranman 'padɩ man bɛ, te 'yra 'e 'i 'tɛ 'mɛn 'wɩ vɩdɩ -a dɩ! 'Pian 'i 'man 'e 'kɔn 'e wʋʋdɩ, -e 'i yra yɩ "le 'mɛn 'wɩ 'zʋ Zozi 'le 'wɩ 'nɔnnɔn vɩdɩ man. Bali -le 'plɛblɛ 'bɛ -tɔa 'i 'wlu.

2 Timote 2:7

'Wɩ nɛn an "sia -a vɩnan 'yiɛ zɩɛ, 'i 'ci "nrɔn "da 'kpa. Minsan 'bɛ 'wɩ 'tɔdɩ -nɔan 'yiɛ, -e 'i 'wɩ pɛɛnɔn 'ci man.

Apokalis 5:5

-A -nan nɛn min ceje -tʋ "e 'mɛn 'nan: «Te 'i 'wuɔ dɩ! -Jra nɛn 'e "sia Zuda -le kunnin -wulo da bɛ, David kluda min bɛ -a 'bɔ nɛn. E fɛ pɛɛnɔn klɩ, ɛn 'bɛ nɛn 'gʋɛ 'e -kɔlaman 'fluba 'labɛ -a -yrɩvɛ pɛɛnɔn "cɛɛndɩ -a -e 'e yiɛ 'tɔ -ji.»