2 Timote 2:25 - Yaouré

²⁵ Ɛn "nyian minnun nɛn o -sa -fɔa "va "bɛ, e 'wɩ "paala -wlɛ -pɔan "trɔɔ -a, te -a 'bli a "da 'nan, Bali "paa o va -e 'o 'si 'wɩ zɩɛ -a -sru, -e 'o Bali -le 'wɩ tɩglɩ 'tɔ.

2 Timote 2:25 ပူးပေါင်းရင်းမြစ်များ

Matie 11:29

'Ka 'wɩ "man -e 'an drɛ 'ka 'tazan -a! 'Ka -sɔɔnla 'an -sru -e 'ka 'wɩ -tranla 'an 'va! Ma'an 'tɛ 'paa 'ka da dɩ, ɛn "nyian bɛ, an 'ka 'tʋdʋ pɛɛnɔn "siala min -a. 'An 'va zia bɛ, 'ka 'ci yra "tra.

Matie 21:32

Zan -ta -si tɩglɩ -kɔɔnlɛ 'cɛɛ, ɛn ka'a yi -tɛlɛa 'wɩ nɛn yaa 'vɩ bɛ -a da dɩ. 'Pian 'sukɔlɛ 'sinɔn 'lee -kɔnnɛn -wɛɛnɔn yi -tɛra "da. 'Wɩ zɩɛ kaa -nan 'yɩ, 'pian ka'a 'wɩlɛ "man -e 'ka yi -tɛra 'wɩ nɛn Zan -a 'vɩ bɛ -a da, -e 'ka 'si 'wɩ 'wlidɩ "drɛdɩ man dɩ.»

Mark 1:15

«Tʋ nɛn Bali -a kɔɔn bɛ, e 'bɔ. Bali -le mingɔnnɛn -blɩdɩ 'bɔ 'kogo. 'Ka 'si 'wɩ 'wlidɩ "drɛdɩ man, -e 'ka 'fli -nɔn Bali lɛ! 'Ka yi -tɛra Bali -le 'wɩ 'nɔnnɔn da!»

Zozi Crizi -le 'wɩ 'nɔnnɔn nɛn Zan -a crɛn -tɛ 5:34

An 'bɔ 'le vɛ bɛ, ma'an wɛɛman 'nan min nɛn 'e drɛ 'mɛn 'wɩ 'nan yɩzan -a dɩ, 'pian 'an Zan -le 'wɩ ve cɛɛ 'nan -e 'ka yi -tɛra "da, -e Bali 'e 'ka 'si 'wɩ 'ji.

Drɛwɩ (Actes) 11:18

Zɩ o 'wɩ zɩɛ -a 'man bɛ, ɛn o ci -ta "tra, ɛn o Bali 'tɔ bɔdɩ 'sia -a vɩdɩ -a 'nan: «"Ka 'yiɔ, Bali -a drɛ ɛn minnun nɛn o 'ka Zuif 'nɔn 'a dɩɛ, o 'si 'o drɛ wɩ -wlidɩ "man, ɛn o 'belidɩ tɩglɩ 'yɩ!»

Drɛwɩ (Actes) 2:38

Ɛn Piɛri 'e 'nan wlɛ 'nan: «'Ka 'si 'wɩ 'wlidɩ "drɛdɩ man, -e 'ka 'fli -nɔn Bali lɛ, -e o 'ka -tʋdʋ pɛɛnɔn -batize drɛ Zozi 'tɔ da, -e Bali 'e 'cee 'wɩ 'wlidɩ fui, -e 'e 'yee lei 'saun 'nɔn 'cɛɛ.

Drɛwɩ (Actes) 20:21

Maan 'vɩ Zuif 'nɔn 'lee minnun nɛn o 'ka Zuif 'nɔn 'a dɩɛ -wlɛ, 'nan 'o 'si 'wɩ 'wlidɩ "drɛdɩ man -e 'o -sɔɔnla Bali -sru -e 'o yi -tɛra -cee Minsan Zozi Crizi da.

Drɛwɩ (Actes) 5:21

Ɛn o wɩɩ "man. Bodrun puunɔn o -kʋ Bali -pan 'kuin, ɛn o 'wɩ "paadɩ 'sia minnun ji. Tʋ 'bɔ zɩɛ -a wlu bɛ, Bali -pannɔn 'tazan 'lee 'e "srɔnnɔn tin 'banɔn cin 'yɩ 'o 'vale Zuif min cejenun -a. Ɛn o minnun 'pa 'sia -pʋ 'kuin 'nan 'o 'ta Zozi 'le 'pasianɔn 'a.

Drɛwɩ (Actes) 5:31

Bali -a -nyran 'e 'pɛ "yi "da, ɛn yaa drɛ min 'sizan 'wɩ 'ji -a. Ɛn yaa drɛ min tazan -a. Yaa drɛ zɩɛ 'nan -e Izraɛl 'nɔn o 'si 'o drɛ wɩ -wlidɩ "man -e Bali 'e -wee 'wɩ 'wlidɩ 'fui.

Drɛwɩ (Actes) 8:22

-Yee "wɛan 'i 'si 'wɩ 'wlidɩ "drɛdɩ man -e 'i 'fli -nɔn Bali lɛ. 'I Minsan trʋ 'ba, 'dʋ -e 'e -kɔla 'wɩ 'wlidɩ "nɛn 'i 'wulo -ji bɛ -a fuidɩ -a.

Galatɩ 6:1

'An "bʋɩ Zozinɔn, -te ka 'bɔ 'ka "bʋɩ Zozizan 'tʋ man, te e ya 'wɩ 'wlidɩ "drɛnan bɛ, kaa nɛn Bali lei 'saun 'bɛ 'ka "paala bɛ, 'ka 'pa "va -e 'e -sɔɔnla -si tɩglɩ da! 'Pian 'ka drɛ -trɔɔ! Ɛn 'ka yiɛ 'tɔ 'ka 'fli -va, "tɔgɔ 'ka 'bɔ nɛn 'ka drɛ 'wɩ 'wlidɩ "drɛnɔn 'a.

1 Timote 2:4

Bali -a "va 'nan minnun pɛɛnɔn 'o 'si 'wɩ 'ji, ɛn 'o 'yee 'wɩ tɩglɩ 'tɔ.

1 Timote 6:11

'Pian 'i 'bɔ Bali -le 'nyranman 'pazan bɛ, te 'wɩnun zɩɛ 'o -pli 'i man "fo "dɩ. 'I -wɛɛ 'nan, 'i 'wɩ nɛn 'e 'sʋdɩ "ji "bɛ -a dra. 'I -wɛɛ 'nan, 'i 'fo 'i lɛadɩ Bali man. 'I -wɛɛ 'nan, 'i yi -tɛala Bali da. 'I -wɛɛ 'nan, 'i Bali ye "yi, ɛn 'i min ye "yi. 'I -wɛɛ 'nan, 'i -pɔan 'e 'sɔ 'wɩ 'ji. Ɛn 'i -wɛɛ 'nan, 'i -kɔan "min -trɔɔ -a.

2 Timote 3:7

Ɛn o ya "vale 'nan 'o bɔa 'wɩ pɛɛnɔn 'tɔdɩ man, 'pian 'wɩ nɛn e cɩ Bali -le 'wɩ tɩglɩ 'a bɛ, wa'a -ci maan dɩ.

'Fluba nɛn Pɔl -a crɛn -tɛ Tit lɛ 1:1

'An 'bɔ Pɔl 'bɛ 'fluba 'gʋɛ -a crɛn -tɛ. Bali 'suzan nɛn 'maan, ɛn an ya Zozi Crizi -le 'pasiazan -a. Bali 'an 'pla 'nan 'an 'pa minnun nɛn 'e o 'si "va 'nan 'o 'kɔn 'yee vɛ -a bɛ o va. 'An 'pa o va -e 'o yi -tɛra 'e da, te wee bɔa 'e tɩglɩ da.

'Fluba nɛn Pɔl -a crɛn -tɛ Tit lɛ 3:2

Te 'o min 'tɔ 'tɛ dɩ! Te 'o 'wɩ 'blɩdɩ yɩ "yi "dɩ! 'Pian tʋ pɛɛnɔn man bɛ, 'o 'kɔn -trɔɔ, ɛn min -tʋdʋ pɛɛnɔn yɩdɩ "yi 'e 'kɔn o ji!

Zaji 1:17

Maan ve 'cɛɛ 'nan, 'wɩ "yi 'lee 'wɩ tɩglɩ pɛɛnɔn "sia Bali va lou. -Yɛɛ laji fɛnun pɛɛnɔn nɛn o "bia bɛ o drɛ. Fɛnun pɛɛnɔn zɩɛ 'o 'man limlan, 'pian Bali 'ka 'limlan 'li "fo "dɩ.

1 Piɛri 3:15

'Pian Crizi nɛn 'ka 'san -a bɛ, -a -tʋwli "da nɛn 'ka 'ci "nrɔndɩ pɛɛnɔn 'pla! -Te minnun -a laabʋ 'ka 'lɔ 'nan: «-Mɛ "le "wɛan 'ka yiɛ yra Zozi lɛ» bɛ, tʋ pɛɛnɔn man 'ka 'man 'e 'kɔn 'e wʋʋdɩ, -e 'ka 'ci vɩ -wlɛ.

1 Zan 5:16

-Te min 'e "bʋɩ Zozizan -tʋ 'yɩ, te e ya 'wɩ 'wlidɩ "drɛnan bɛ, 'e Bali trʋ 'ba -yee 'wɩ man. 'Wɩ 'wlidɩ "nɛn min zɩɛ ya'a drɛ bɛ -te ya'a 'belidɩ sia min lɔ dɩɛ, Bali 'belidɩ -nɔan -yrɛ. 'Pian 'wɩ 'wlidɩ "tʋ a bɛ, e 'belidɩ "sia min lɔ. -Te min -a drɛ bɛ, te 'ka Bali trʋ 'ba -a san lɛ "fo "dɩ!