2 Timote 2:24 - Yaouré

²⁴ Ɛn Minsan 'suzan bɛ, ya'a 'wɩ 'ble dɩ. 'Pian e -kɔan "trɔɔ min pɛɛnɔn 'va, -a -pɛ "sɔa Bali -le 'wɩ "paadɩ -a, ɛn -a -pɔan "sɔa 'wɩ 'ji.

2 Timote 2:24 ပူးပေါင်းရင်းမြစ်များ

Matie 12:19

Ya'a ve -sa -a dɩ, ɛn ya'a -paanman -a vɩdɩ -a dɩ. Ɛn "nyian bɛ, ya'a ve -guada -trilii dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 6:52

-A -nan nɛn Zuif 'nɔn 'sa -fɔdɩ 'sia 'o cin yei, te waa ve 'nan: «Yaa dra 'kɔ -e 'e 'kɔlɛ 'nɔn min lɛ -blɩfɛ -a?»

Drɛwɩ (Actes) 15:2

Pɔl 'lee Barnaba 'ka 'wɩ zɩɛ -a manlɛ "yi "fo "dɩ, ɛn -sa 'plɛblɛ 'fɔla o yei 'wɩ zɩɛ -a da. -A -nan nɛn minnun -a 'pla "da 'nan, Pɔl 'lee Barnaba 'lee Zozinɔn -mienun 'o 'kʋ 'wɩ zɩɛ -a tin 'ba Zeruzalɛm 'o 'vale Zozi 'le 'pasianɔn 'lee -a -nan -leglizi min cejenun -a.

Drɛwɩ (Actes) 23:9

Minnun -le -paandɩ a ciɩlanan "da, -a -nan nɛn Farizɛn 'nɔn va 'fluba 'ci vɩnɔn wluan lou, ɛn o -sa -fɔdɩ 'sia 'plɛblɛ, te waa ve 'nan: «Kʋ'a 'wɩ 'wlidɩ -tʋwli 'ye min 'gʋɛ -a man dɩ. -Te Bali lei 'bɛ 'wɩ "paaman "ji? Ɛn -te 'bɛ "cɛɛ dɩ Bali -le 'pasiazan 'bɛ 'wɩ "paaman "ji? -Ka'a tɔa dɩ.»

Drɛwɩ (Actes) 7:26

"Bɛ -sru, tʋ cɛɛn te Moizi Izraɛl 'nɔn "fli "ye te o ya 'wɩ 'blɩnan, ɛn e ya "vale e o yei "paamlan. E 'nan -wlɛ 'nan: ‹'An beenun, ka ya "bʋɩnun -a. -Mɛ "le "wɛan nɛn ka 'tɛ "paa 'ka cin da te -a -ci "ka "dɩ?›

2 Korɛnti 10:1

'An 'bɔ Pɔl, e ya "le 'an 'wɩ 'tʋ -ci 'si 'cɛɛ. Minnun 'wɩ "paa 'an da 'nan, -te 'an 'ka yra 'yɩ bɛ, an 'ka 'va wɩ ve -trɔɔ. 'Pian -te an 'ka 'ka "srɔn "kogo dɩɛ, an 'ka 'va wɩ tin "baa 'e 'plɛblɛ da. Kaa -tɔa 'nan Crizi a -trɔɔ, ɛn e ya min 'kpa -a. An ya "vale 'an 'wɩ dra "le -yee 'wɩ 'zʋ. -Yee "wɛan an 'ka trʋ "baa 'kpa tɩglɩ 'nan,

2 Korɛnti 10:4

Fɛ nɛn maan 'vɩ zɩɛ -yɛɛ cɩ 'nan, 'kʋe -kuli -tan fɛnun nɛn kʋ -kuli -taan "a bɛ, o 'ka fɛnun nɛn blamin -a "sia -e 'e 'kʋ -kuli man bɛ -a dɩ. 'Pian 'kʋe -kuli -tan fɛnun bɛ, Bali 'plɛblɛ 'nɔn -wlɛ -e 'kʋ Bali 'nanmannɔn 'le 'plɛblɛ 'klɩ. Blamin -le ci "nrɔndɩ nɛn e ya -wlidɩ "bɛ, kʋa yi -kaa.

2 Korɛnti 6:4

'Pian 'kʋe 'wɩ pɛɛnɔn drɛdɩ -ji bɛ, 'kʋ 'fli -kɔɔnman 'nan kʋ ya Bali -le 'nyranman 'panɔn 'kpa -a. -Te 'kʋ yra 'yɩ minnun lɔ, ɛn o 'wɩ 'bɔ 'kʋ man, ɛn o 'tɛ 'pa 'kʋ da bɛ, kʋa kɔɔn 'kʋ -pɔan 'sɔdɩ -a 'nan kʋ ya Bali -le 'nyranman 'panɔn 'kpa -a.

Galatɩ 5:22

'Pian -te Bali lei 'saun 'bɛ min "paala bɛ, zɩ -a "nɛn bɔala 'gʋ: -A san min ye "yi, ɛn -a san ci "nranman, ɛn -a san man yra flɩɩ, ɛn -a san 'e 'man -sɛanla 'wɩ 'ji, ɛn -a san a min 'kpa 'a, ɛn -a san ci a "yi, ɛn min yi -tɛala -a san da.

Efɛz 4:2

Te 'ka 'fli 'sia -dandan 'ka cin man dɩ! 'Ka 'kɔn min -trɔɔ -a! Ɛn 'ka 'man -sran 'wɩ 'ji 'ka cin va! Ɛn 'ka 'kʋla 'ka cin va yɩdɩ "yi "a!

Filipʋ 2:14

'Cee 'wɩ pɛɛnɔn drɛdɩ -ji bɛ, te 'ka wunwun "vɩ dɩ, ɛn te 'ka 'sa -fɔ dɩ!

Filipʋ 2:3

Maan ve 'cɛɛ 'nan, te 'ka 'wɩ 'tʋ drɛ te e ya bɔɛ "blɩdɩ pɛ -ji dɩ. Ɛn "nyian te e ya 'ka 'bɔ 'fli -kɔɔndɩ "tun "a dɩ. 'Pian 'ka 'fli drɛ "wɛnnɔn, -e 'ka min peenun 'sia 'e 'mlin 'ka da.

Kolɔs 3:13

Te 'ka "bʋɩ -tʋ plu 'ka man dɩ! -Te 'ka "bʋɩ -tʋ 'wɩ drɛ 'cɛɛ bɛ, 'ka man wɩ 'cɛ. Minsan 'ka 'man wɩ 'cɛ -yee "wɛan 'ka min man wɩ 'cɛ.

1 Tesalonik 2:7

Kʋ -kɔlaman paan -e 'kʋ drɛ 'ka 'win -ji -trɔ -a, kʋ ya Crizi -le 'pasianɔn 'a -le "wɛan. 'Pian kʋ -fʋ 'ka 'va 'trɔɔ "le zɩ 'nɛn "bʋ 'e yiɛ -tɔa 'yee 'nɛn 'va bɛ -yee 'wɩ 'zʋ.

1 Timote 6:11

'Pian 'i 'bɔ Bali -le 'nyranman 'pazan bɛ, te 'wɩnun zɩɛ 'o -pli 'i man "fo "dɩ. 'I -wɛɛ 'nan, 'i 'wɩ nɛn 'e 'sʋdɩ "ji "bɛ -a dra. 'I -wɛɛ 'nan, 'i 'fo 'i lɛadɩ Bali man. 'I -wɛɛ 'nan, 'i yi -tɛala Bali da. 'I -wɛɛ 'nan, 'i Bali ye "yi, ɛn 'i min ye "yi. 'I -wɛɛ 'nan, 'i -pɔan 'e 'sɔ 'wɩ 'ji. Ɛn 'i -wɛɛ 'nan, 'i -kɔan "min -trɔɔ -a.

'Fluba nɛn Pɔl -a crɛn -tɛ Tit lɛ 1:1

'An 'bɔ Pɔl 'bɛ 'fluba 'gʋɛ -a crɛn -tɛ. Bali 'suzan nɛn 'maan, ɛn an ya Zozi Crizi -le 'pasiazan -a. Bali 'an 'pla 'nan 'an 'pa minnun nɛn 'e o 'si "va 'nan 'o 'kɔn 'yee vɛ -a bɛ o va. 'An 'pa o va -e 'o yi -tɛra 'e da, te wee bɔa 'e tɩglɩ da.

'Fluba nɛn Pɔl -a crɛn -tɛ Tit lɛ 1:7

'Wɩ 'kpa! E ya 'nan min nɛn 'e yiɛ -tɔa -leglizi -va bɛ, te 'tɔ 'tʋ 'e 'kɔn 'e 'padɩ "man "dɩ, kɔɔ Bali -le 'nɛnnun -pɛba a 'e wʋdɩ -yrɔ. Ɛn te 'e 'kɔn min nɛn e ya "vale 'wɩ pɛɛnɔn e 'cɛn 'yee 'wɩ da bɛ -a dɩ. Ɛn te 'bli 'e 'fɔ -a san ji tada dɩ. Ɛn te -a san 'e -wɛn mlindɩ -trɔa 'e 'win -ji dɩ. Ɛn te -a san 'e 'wɩ 'blɩdɩ yɩ "yi "dɩ. Ɛn te -a san "lala yɩ "yi "dɩ.

'Fluba nɛn Pɔl -a crɛn -tɛ Tit lɛ 1:9

Ɛn "nyian -a san 'e 'kɔn 'e kɔaladɩ Bali -le 'wɩ tɩglɩ nɛn waa paa "ji "bɛ -a man. -Te e ya min zɩɛ -a bɛ, -a -nan nɛn e -kɔlaman min -mienun "koe "tɔdɩ -a 'o da 'wɩ "paadɩ tɩglɩ zɩɛ -a. Ɛn minnun nɛn o 'ka "vale 'o maan "yi "dɩɛ, e -kɔlaman -a -ci 'sidɩ -a -wlɛ 'nan 'wee tin 'ka 'nɔnnɔn dɩ.

'Fluba nɛn Pɔl -a crɛn -tɛ Tit lɛ 3:2

Te 'o min 'tɔ 'tɛ dɩ! Te 'o 'wɩ 'blɩdɩ yɩ "yi "dɩ! 'Pian tʋ pɛɛnɔn man bɛ, 'o 'kɔn -trɔɔ, ɛn min -tʋdʋ pɛɛnɔn yɩdɩ "yi 'e 'kɔn o ji!

Zaji 1:1

'An 'bɔ Zaji nɛn an Bali 'lee Minsan Zozi Crizi "sua bɛ, mɛɛn 'fluba 'gʋɛ -a crɛn -tɛ. Maan crɛn -tɛ Bali -le minnun pɛɛnɔn nɛn 'o fuiladɩ "man 'trɛda bɛ, -wlɛ. An 'ka 'tɔ bo.

Zaji 3:17

'Pian 'wɩ 'tɔdɩ nɛn e "sia Bali va bɛ, e ya 'wɩ 'tɔdɩ tɩglɩ 'a. E min dra min -trɔɔ -a, ɛn e min dra min ci "yizan 'a. Min zɩɛ e min wei maan, min nyrinda -sɛan "da, ɛn e "yi "dra min lɛ. Ya'a min bo "va "dɩ, ɛn ya'a 'wɩ 'dra -dawli a dɩ.

Zaji 4:2

Ka ya "vale fɛ -tʋ 'e drɛ 'cee vɛ -a, 'pian -te ka'a ye dɩɛ, te ka 'nandɩ 'sia min man "le 'ka -tɛ. Ɛn ka ya "vale 'nan 'ka bɔɛzan -tʋ -lɔ fɛ 'e drɛ 'cee vɛ -a, 'pian -te ka'a 'kɔlaman -a yɩdɩ -a dɩɛ, te -kulinun 'lee 'wɩ 'blɩdɩnun wla 'ka yei. Fɛ nɛn ka cɩ "va "bɛ ka'a ye dɩ, ka'a laabo Bali lɔ dɩ -le "wɛan.

1 Piɛri 3:8

Maan 'le -sɛanla 'ka pɛɛnɔn lɛ 'nan, 'ka 'wulo -ji "nrɔn 'wɩ -tʋwli "da! 'Ka cin nyrinda 'si! 'Ka cin yɩ "yi "le "bʋɩ 'lee "blu -le 'wɩ 'zʋ! 'Ka "yi "drɛ 'ka cin lɛ! 'Ka cin bɔ!

'Fluba nɛn Zud -a crɛn -tɛ 1:3

'An beenun, -a -cin a 'an 'ji 'e tɛdɛ 'kpa tɩglɩ 'nan, 'an 'fluba 'crɛn -tɛa 'cɛɛ, -kaa 'si nɛn Bali -a 'wʋ 'wɩ 'ji bɛ -a da. 'Pian maan 'yɩ 'nan, e ya "le 'an 'wɩ 'pla 'cɛɛ. 'Wɩ zɩɛ -nyrɛn 'nan: Bali -le 'wɩ 'nɔnnɔn nɛn -kaa yi -tɛra "da "bɛ, 'ka 'tɔ "da 'plɛblɛ! Bali -a -nɔn minnun nɛn o cɩ -yee vɛ -a bɛ -wlɛ, ɛn ya'a 'limlan 'li "fo "dɩ.