2 Timote 2:18 - Yaouré

¹⁸ 'O 'fli 'si Bali -le 'wɩ tɩglɩ man -kɔɔbli -a vɩdɩ -a 'nan tʋ nɛn Bali minnun wuanla -kanɔn 'va bɛ e ciɩ 'va. Ɛn 'wɩ zɩɛ e min -mienun -le yi -tɛradɩ Zozi da 'le 'tɔ.

2 Timote 2:18 ပူးပေါင်းရင်းမြစ်များ

Matie 15:13

Ɛn Zozi -a 'vɩ 'e -srunɔn lɛ 'nan: «Fɛ pɛɛnɔn nɛn 'an "tɩ "nɛn laji bɛ, -yɛɛ "cɛɛ 'wlɛ 'fɔ 'trɛ 'ji dɩɛ, o -taa -a "sʋʋlɛa.

Matie 22:29

Ɛn Zozi "e 'nan -wlɛ 'nan: «Ka'a tian 'wɩ 'tʋ -ci manlɛ "fo "dɩ. 'Wɩ nɛn 'e 'crɛn -tɛdɩ Bali -le 'fluba 'ji bɛ, ka'a -ci maan dɩ, ɛn Bali -le 'plɛblɛ bɛ, ka'a tɔa dɩ.

Zozi Crizi -le 'wɩ 'nɔnnɔn nɛn Luk -a crɛn -tɛ 8:13

Min -mienun -le vɛ bɛ, 'wɩ nɛn e 'bɔ 'saa 'wlɛ nɛn e -sran puo da bɛ -a man bɛ, -yɛɛ bɔa "nyian -wee "man. O Bali -le 'wɩ 'nɔnnɔn maan, 'nun tɔɔn o "we "man ci "nrandɩ -a. 'Pian wa'a tʋe -e -a "sɛin 'e 'kʋ -kɔɔbli dɩ. O yi -tɛala "da tʋ "wɛnnɛn 'a, 'pian -te 'wɩ 'tɔndɔn bɔdɩ 'sia o man bɛ, tɔɔn -e 'o 'si Bali -sru.

Drɛwɩ (Actes) 5:39

'Pian -te Bali wei da nɛn o 'ta 'wʋla bɛ, "te ka'a 'kɔlaman o fuiladɩ -a "man "dɩ. 'Ka drɛ "yi, "tɔgɔ 'ka 'kuli -tan Bali man.» Tɔɔn ɛn tin 'banɔn -a 'sia Gamaliɛl -le vɛ da.

1 Korɛnti 11:19

Kɔɔ maan -tɔa 'nan, -te 'cɛndɩ 'e cin man a 'ka yei "bɛ, e -kɔlaman e dra. E ya zɩɛ 'nan -e minnun nɛn o yi -tɛala Minsan da 'kpa bɛ 'o o -kɔnnɛn "yɩ.

1 Korɛnti 15:12

-Kaa "paaman minnun ji 'nan, Bali Crizi wluan -kanɔn 'va. -Te 'bɛ a zɩɛ, -mɛ "le "wɛan nɛn min -mienun a 'ka yei, te waa ve 'nan, minnun nɛn o kaa bɛ, wa'a 'wuanla -kanɔn 'va dɩ.

Kolɔs 3:1

-A -cin 'e 'kɔn 'ka 'ji 'nan, Bali 'ka wluan -kanɔn 'va 'ka 'vale Crizi -a. Ɛn Crizi a 'e -nyrandɩ Bali -pɛ "yi "da. -Yee "wɛan nɛn fɛnun nɛn Bali va bɛ -a 'bɔ nɛn 'ka -wɛɛ,

1 Timote 1:19

'Yie yi -tɛradɩ Zozi da bɛ 'i "trɔɛn "trɔa ji, ɛn te 'i 'wɩ drɛ te 'i 'wulo -ji "nrɔndɩ tin -tɛa 'i da dɩ! Min -mienun bɛ 'wɩ "yi "nɛn o -wulo -ji "nrɔndɩ -a ve -wlɛ 'nan 'o drɛ bɛ, wa'a 'ta wʋlɛa 'bɛ da dɩ. 'Wɩ zɩɛ -yɛɛ -maan ɛn -wee yi -tɛradɩ Zozi da 'e 'le 'tɔ.

1 Timote 6:10

Fɛ nɛn maan ve zɩɛ -yɛɛ cɩ 'nan, "lala yɩdɩ "yi "bɛ, -yɛɛ cɩ 'wɩ 'wlidɩ 'tɔ 'tʋdʋ pɛɛnɔn pei -trɔanan "a. "Lala yɩdɩ "yi "le "wɛan, min -mienun 'si Bali -sru 'va, ɛn o ya 'o yra yɩnan 'wɩ 'wlidɩ 'tɔ 'tʋdʋ pɛɛnɔn 'lɔ.

1 Timote 6:21

Zozinɔn -mienun o -pɛ 'si yi -tɛradɩ Zozi da -sru, ɛn o sɔɔnla -si zɩɛ -a da. Bali -le "yi 'e 'kɔn 'ka 'va.

2 Timote 2:14

'Wɩnun zɩɛ -nyrɛn 'i 'cin -trɔa Zozinɔn 'ji! Ɛn 'i vɩ -wlɛ Bali 'lɛ 'nan, -sanun -fɔdɩ nɛn e ya 'wɩ 'blɩdɩ -a Bali -le 'wɩ -mie da bɛ, 'wɛɛ 'tʋɩ! Kɔɔ ya'a 'wɩ paa "va "minnun nɛn waa maan "bɛ -wlɛ "dɩ, 'pian e o -nan -nyaan.

'Fluba nɛn Pɔl -a crɛn -tɛ Tit lɛ 1:11

-Yee "wɛan 'i o 'lɛbo 'pla "da! Kɔɔ 'wɩ nɛn e 'ka 'wɩ tɩglɩ 'a dɩɛ, -a 'bɔ nɛn waa "paaman minnun ji, -e 'o "lala yɩ -dawli a. -Wee "wɛan 'kɔn -mie 'lɛ "nɛn 'nɔn pɛɛnɔn 'si 'si tɩglɩ da.

Ebre 3:10

-Wee 'wɩ drɛdɩ 'an 'ci srɛ, ɛn maan 'vɩ 'an 'fli lɛ 'nan: ‹Tʋ pɛɛnɔn man bɛ -wee -wulo -ji "nrɔndɩ o "sia 'an man -kɔɔbli. -Si nɛn an cɩ -a -kɔɔnnan -wlɛ "bɛ, o 'ka 'bɛ 'va dɩ.›

Zaji 5:19

'An "bʋɩ Zozinɔn, -te min -tʋ a 'ka yei, ɛn e 'si 'wɩ tɩglɩ man -kɔɔbli bɛ, 'ka drɛ -e 'e sɔɔnla "nyian 'wɩ tɩglɩ zɩɛ -a -sru.

1 Zan 2:19

Crizi 'nanmannɔn zɩɛ o ya "nɛn 'kʋ 'va, 'pian kʋ 'ka waa -tʋwli "dɩ, -yee "wɛan nɛn o 'bɔla 'kʋ 'va. "Te 'e 'kɔn 'nan kʋ ya waa -tʋwli "bɛ, "te o -fʋ 'kʋ 'va. 'Pian o 'bɔla 'kʋ 'va, 'dʋ -e 'e -kɔɔn 'wein, 'nan kʋ 'ka waa -tʋwli "dɩ.