2 Timote 2:16 - Yaouré

¹⁶ 'Pian -sanun -fɔdɩ nɛn ya'a 'wɩ 'paa "va "min lɛ dɩɛ, ɛn e 'tɔ "paa Bali -le 'wɩ man bɛ, te 'i 'fli wʋ "va "dɩ! Kɔɔ minnun nɛn o -sanun zɩɛ -a -fɔa "bɛ, o -ko 'o 'fli 'sidɩ -a Bali man -kɔɔbli.

2 Timote 2:16 ပူးပေါင်းရင်းမြစ်များ

1 Korɛnti 15:33

'Ka drɛ "yi, 'wɩ zɩɛ te 'ka 'fli 'tʋɩ -e 'e 'ka 'man yɩdɩ. Kɔɔ bee -wlidɩ "blɩdɩ bɛ, -yɛɛ -maan min 'wɩ 'wlidɩ "dra.

1 Korɛnti 5:6

E 'ka 'wɩ "yi "a "fo -e 'ka -dandan 'tan 'wɩ zɩɛ -a -ji dɩ. Kaa -tɔa 'ka 'bɔ 'a 'nan: «Sɩ 'wlɛ -tʋwli min 'shɛ pɛɛnɔn "tranman!»

1 Timote 1:9

Ɛn -a -cin 'e 'kɔn -kaa 'ji 'nan, minnun nɛn o cɩ tɩglɩ bɛ -wee "wɛan "cɛɛ -pei -tɔ wɩnun a dɩ, 'pian minnun nɛn o 'ka 'kpa dɩɛ, -wee "wɛan nɛn. 'Wɩnun nɛn waa dra bɛ -nyrɛn: O yiɛ 'ka 'naan Bali man dɩ, ɛn o 'wɩ 'wlidɩ 'tɔ 'tʋdʋ pɛɛnɔn dra. O 'tɔ srɔman Bali man, ɛn fɛnun nɛn Bali -le vɛ -a bɛ, o "we "man -wlidɩ. Min -tɛnɔn nɛn waa, 'o "tɩ 'lee 'o "bʋ -tɛa.

1 Timote 4:7

'Pian 'wɩnun nɛn e 'ka Bali -le 'wɩ 'a dɩ ɛn e ya "le lɩblanun -le polu "tun 'zʋ bɛ, te 'yiɛ 'si -nɔn min lɛ "fo "dɩ! 'I man -wɛɛ 'nan 'i drɛ wɩ 'e 'sɔ Bali lɛ.

1 Timote 6:20

Timote, 'wɩ pɛɛnɔn nɛn waa paa 'i 'ji bɛ, 'i yiɛ 'trɔa "da. Minnun nɛn waa ve 'o 'fli man 'nan, 'o 'wɩnun -tɔa te 'bɛ a 'e -trɛ bɛ, te 'ka -kɔn waa -tʋwli "dɩ! Ɛn te 'i 'fli wʋ -wee -sa -fɔdɩnun va dɩ!

2 Timote 2:14

'Wɩnun zɩɛ -nyrɛn 'i 'cin -trɔa Zozinɔn 'ji! Ɛn 'i vɩ -wlɛ Bali 'lɛ 'nan, -sanun -fɔdɩ nɛn e ya 'wɩ 'blɩdɩ -a Bali -le 'wɩ -mie da bɛ, 'wɛɛ 'tʋɩ! Kɔɔ ya'a 'wɩ paa "va "minnun nɛn waa maan "bɛ -wlɛ "dɩ, 'pian e o -nan -nyaan.

2 Timote 2:21

Maan ve 'yiɛ 'nan, -pɔnun zɩɛ -wɛɛ cɩ "le minnun nɛn maan 'vɩ 'labɛ -wee 'wɩ 'zʋ. 'Pian min nɛn e cɛɛn o man bɛ, -a san -kɔan "le 'nan -pɔ nɛn waa bɔala 'ji min "fli yaa cin yɩnan bɛ -yee 'wɩ 'zʋ. E -kɔan 'e 'pladɩ 'e 'tazan -le vɛ -a, ɛn -a 'pa 'nyranman -kɔan 'e 'tazan lɛ, ɛn 'wɩ "yi 'tɔ 'tʋdʋ pɛɛnɔn nɛn yaa dra.

2 Timote 3:13

'Pian minnun -wlidɩ zɩɛ 'wlunɔn nɛn waa. 'Wee 'wɩ 'wlidɩ "ko 'mlinladɩ -a "da. O min see "paaman, 'pian te fɛ -tʋ 'bɛ o 'bɔ "le "see paa.

'Fluba nɛn Pɔl -a crɛn -tɛ Tit lɛ 1:11

-Yee "wɛan 'i o 'lɛbo 'pla "da! Kɔɔ 'wɩ nɛn e 'ka 'wɩ tɩglɩ 'a dɩɛ, -a 'bɔ nɛn waa "paaman minnun ji, -e 'o "lala yɩ -dawli a. -Wee "wɛan 'kɔn -mie 'lɛ "nɛn 'nɔn pɛɛnɔn 'si 'si tɩglɩ da.

'Fluba nɛn Pɔl -a crɛn -tɛ Tit lɛ 1:14

'I drɛ zɩ -e 'o "trɔɛn 'si Zuif 'nɔn 'le polunun lɛ. Ɛn -e 'o vɩlɛ 'o 'ta wʋla minnun nɛn o 'ka "nyian Bali -le -si tɩglɩ da dɩɛ -wee 'srɔɛn wɩnun da dɩ.

'Fluba nɛn Pɔl -a crɛn -tɛ Tit lɛ 3:9

'Pian -sa -fɔdɩ nɛn ya'a 'wɩ 'paa "va "min lɛ dɩɛ 'i "paala "man! Ɛn Zuif 'nɔn tranun kluda wɩ 'lee Moizi -le -pei -tɔ wɩnun bɛ, te 'i 'wɩ 'blɩ "da "dɩ, ɛn te 'i -sa -fɔ "da "dɩ! 'I "paala "man, kɔɔ e ya 'wɩ "tun "a.

Ebre 12:15

'Ka yiɛ 'tɔ 'ka cin va -e 'ka 'va min -tʋ 'e vɩlɛ 'e 'si Bali -le "yi "bɛ -a -sru "dɩ! Ɛn "nyian bɛ, 'ka yiɛ 'tɔ 'ka cin va -e 'ka 'va min -tʋ 'e vɩlɛ 'e nyran 'sia 'e bɔɛzan -tʋ man dɩ! "Tɔgɔ min zɩɛ 'e 'wɩ 'fɔla 'ka yei -e 'wɩ 'bɔ 'e 'ka pɛɛnɔn 'sa.

2 Piɛri 2:18

Ɛn minnun 'bɔ zɩɛ, 'wɩ -dandan nɛn waa ve minnun lɛ te -a -ci "ka "dɩ. 'O 'bɔ 'ci 'sɔ wɩnun -wlidɩ "bɛ, -a 'bɔ nɛn waa "paaman minnun ji, 'nan -e 'o o see "paa, -e 'o 'wɩ 'wlidɩ "drɛ. Zɩ waa dra zɩɛ -e 'o minnun nɛn o -si tɩglɩ 'sia 'e -trɛ bɛ o man yɩ.

2 Piɛri 2:2

'Wɩnun nɛn waa dra, te e ya -wlidɩ "bɛ, -a -sru "nɛn min "kaga -taa -sɔɔnlɛa. 'Wɩ zɩɛ -yee "wɛan bɛ, minnun -taa 'wɩlɛ -wlidɩ Bali -le -si tɩglɩ bɛ -a man.

Apokalis 13:14

'Lɛbo "fɔ wɩnun nɛn -wi tɛdɛ -a -si -nɔn -yrɛ 'nan 'e drɛ bɛ, -a 'bɔ 'a nɛn e kɔla 'trɛdanɔn 'ci srɛdɩ -a. Yaa 'vɩ -wlɛ 'nan, -wi nɛn waa tuo sɛn -a ɛn ya'a 'kalɛ dɩɛ, 'o -a min yiba "nyaan.

Apokalis 13:3

-Wi 'bɔ zɩɛ -a -wulo -tʋ tuo 'plɛblɛ, 'pian -a mlɔn "a 'e 'nyandɩ, -a "pa 'ji "tun "nɛn -nan. 'Wɩ zɩɛ e 'trɛdanɔn pɛɛnɔn 'lɛbo "fɔ, -yee "wɛan o sɔɔnla -a -sru.