2 Timote 1:10 - Yaouré

¹⁰ 'Bɛ nɛn 'gʋɛ, "yi zɩɛ Bali -a -ci kɔɔn -cɛɛ -kaa 'sizan 'wɩ 'ji Zozi Crizi -tadɩ -a 'trɛda. Zozi Crizi 'bɔ 'bɛ -ka -le 'plɛblɛ 'lɛ 'ka, ɛn 'belidɩ nɛn ya'a 'nyaan dɩɛ, -yɛɛ ta 'bɔla minnun lɛ 'yee 'wɩ 'nɔnnɔn 'a.

2 Timote 1:10 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 11:36

Kɔɔ -te 'tɛ 'san a 'e -sɛndɩ 'i fɛ pɛɛnɔn 'nan, ɛn 'i fɛ -tʋ -nan 'ka 'fʋlɛ klun va dɩɛ, 'i man -kɔan 'wein "fo "le zɩ -kannɛn 'i 'man dra 'wein bɛ, -yee 'wɩ 'zʋ.»

Zozi Crizi -le 'wɩ 'nɔnnɔn nɛn Luk -a crɛn -tɛ 13:7

-A -nan nɛn yaa 'vɩ min nɛn 'e yiɛ -tɔa rɛzɛn fei 'bɔ va bɛ -yrɛ 'nan: ‹Lɛ yaaga nɛn 'gʋ, te 'an -taa fijie yiba 'gʋɛ, -a 'blʋ -wɛɛlɛ "man, te ma'an ye dɩ. -Yee "wɛan 'i yiba 'cɛn! Kɔɔ e ya -nan 'e "tun.›

Zozi Crizi -le 'wɩ 'nɔnnɔn nɛn Luk -a crɛn -tɛ 2:11

'Wɩ zɩɛ -nyrɛn 'nan, min nɛn e "ta -daa 'ka 'silɛ 'wɩ 'ji bɛ, waa -ya cɛɛgʋ David fla. Crizi nɛn Minsan -a bɛ -nyrɛn!

Zozi Crizi -le 'wɩ 'nɔnnɔn nɛn Zan -a crɛn -tɛ 1:9

Min nɛn waa laabo wei bɛ, -yɛɛ cɩ 'tɛ 'san tɩglɩ 'a, ɛn -yɛɛ 'ta 'trɛdanɔn pɛɛnɔn 'man drɛlɛ 'wein.

Zozi Crizi -le 'wɩ 'nɔnnɔn nɛn Zan -a crɛn -tɛ 14:6

Zozi "e -yrɛ 'nan: «Mɛɛn cɩ -si -a, ɛn mɛɛn cɩ 'wɩ tɩglɩ 'a, ɛn mɛɛn cɩ 'belidɩ -a. Min 'ka 'kɔlaman -e 'e 'kʋ 'an "tɩ 'va, te ya'a 'ciɩlɛa 'an 'va dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 20:31

'Pian 'wɩnun nɛn 'gʋɛ, wɛɛ 'crɛn -tɛ 'nan -e 'ka yi -tɛra "da 'nan min nɛn Bali -a 'si "va, ɛn e ya Bali -pɩ -a bɛ Zozi nɛn. -Te ka yi -tɛra Zozi da bɛ, 'belidɩ nɛn ya'a 'nyaan dɩɛ, e dra 'cee vɛ -a.

Zozi Crizi -le 'wɩ 'nɔnnɔn nɛn Zan -a crɛn -tɛ 4:42

Ɛn waa 'vɩ 'siɛn lɩ zɩɛ -yrɛ 'nan: «Wa'a vɩlɛ 'nan 'wɩ nɛn yia 'vɩ bɛ, -a 'saza 'le "wɛan nɛn kʋ yi -tɛra "da "dɩ. 'Pian 'wɩ nɛn kʋa 'man "da 'kʋ 'bɔ 'a bɛ, -yee "wɛan nɛn kʋ yi -tɛra "da, ɛn kʋa -tɔ "mɛn 'nan -yɛɛ cɩ 'trɛdanɔn pɛɛnɔn 'sizan 'wɩ 'ji -a.»

Zozi Crizi -le 'wɩ 'nɔnnɔn nɛn Zan -a crɛn -tɛ 5:40

'Pian ka 'ka "vale 'ka -taa 'an -sru, -e 'belidɩ 'kpa 'e drɛ 'cee vɛ -a dɩ.

Drɛwɩ (Actes) 13:23

David zɩɛ, -a kluda nɛn, Bali 'bɔ Zozi 'bɔla min 'sizan 'wɩ 'ji -a, "le zɩ yaa 'vɩ 'e 'cɛn bɛ -yee 'wɩ 'zʋ.

Drɛwɩ (Actes) 5:31

Bali -a -nyran 'e 'pɛ "yi "da, ɛn yaa drɛ min 'sizan 'wɩ 'ji -a. Ɛn yaa drɛ min tazan -a. Yaa drɛ zɩɛ 'nan -e Izraɛl 'nɔn o 'si 'o drɛ wɩ -wlidɩ "man -e Bali 'e -wee 'wɩ 'wlidɩ 'fui.

Rɔmɛn 16:26

-Yee "wɛan 'bɛ nɛn 'gʋɛ min -tʋdʋ pɛɛnɔn -kɔlaman -a -ci mandɩ -a. 'Wɩ zɩɛ Bali 'lewei vɩnɔn -a crɛn -tɛ 'li 'e 'cɛn. Ɛn Bali 'bɔ nɛn e ya -nan 'li 'e 'cɛn bɛ, yaa 'vɩ 'nan, minnun 'o 'wɩ zɩɛ -a 'sinan 'pa 'trɛda minnun pɛɛnɔn lɛ, 'nan -e 'o yi -tɛra 'e da -e 'o 'ta wʋla 'e 'wei da.

Rɔmɛn 2:7

'Belidɩ nɛn ya'a 'nyaan dɩɛ, yaa -nɔan "minnun nɛn o "koe 'ka 'nyanlɛ Bali ci 'sɔ wɩ drɛdɩ -a dɩɛ -wlɛ. Kɔɔ tʋ pɛɛnɔn man bɛ, waa -wɛɛman 'nan Bali 'e 'tɔ -dan 'nɔn 'wlɛ, ɛn waa -wɛɛman 'nan 'belidɩ nɛn ya'a 'nyaan dɩɛ 'e drɛ 'wee vɛ -a.

Rɔmɛn 3:31

'Wɩ nɛn maan 'vɩ zɩɛ, -a -ci nɛn 'nan, an Bali -le -pei klu -sran ji yi -tɛradɩ Zozi da -a? -Cɛjɛ, 'bɛ "cɛɛ dɩ. 'Pian 'wɩ 'bɔ nɛn Bali -le -pei -a 'vɩ tɩglɩ bɛ, -a -ci nɛn maan "sia.

Rɔmɛn 6:6

-Kaa -tɔ 'nan, min nɛn -kaa cɩ -a "nɛn 'e tɛdɛ bɛ, -yɛɛ ka 'o 'vale Crizi -a! -Yee "wɛan -cee 'wɩ 'wlidɩ "drɛ 'kɔlɛ nɛn -kaa da 'gʋɛ -a -nan a 'e 'nyandɩ. E drɛ zɩɛ 'nan -e 'wɩ 'wlidɩ "le 'plɛblɛ 'e vɩlɛ 'e 'kɔn "nyian -kaa da dɩ.

1 Korɛnti 15:26

'Nanmanzan nyranman nɛn -a -nan -taa "nyanlɛ bɛ waa laabo -ka.

1 Korɛnti 4:5

-Yee "wɛan te 'ka tin -tɛ min da, te -a tʋ 'ka tian bɔlɛ dɩ. 'Pian 'ka Minsan -tadɩ man -pɛn! Tʋ zɩɛ -a man nɛn, e 'wɩnun nɛn 'e yɔɔdɩ klun va bɛ -a ta bɔala. Ɛn "nyian bɛ, 'wɩnun nɛn min ji 'e yɔɔdɩ bɛ, yaa ta bɔala. Maan ve 'cɛɛ 'nan, yi zɩɛ -a da bɛ Bali min 'tɔ "yi "ve 'nyranman nɛn min 'bɔ -a 'pa bɛ -a man.

2 Korɛnti 5:4

Fɛ nɛn maan ve zɩɛ -yɛɛ cɩ 'nan, -te kʋ ya tian segle pannɛn 'gʋɛ -a 'wlu bɛ, 'kʋ "koe -nyaan ɛn kʋ -trunman. 'Pian e 'ka 'nan kʋ ya -kadɩ -wɛɛnan -e 'kʋ 'si segle pannɛn 'gʋɛ -a wlu dɩ. E 'ka zɩ dɩ, 'pian kʋ ya "vale 'kʋ 'kɔlɛ 'trɛ bɛ -nyrɛn 'e 'kɔn 'kʋ da, 'nan -e 'kʋ 'kɔlɛ nɛn -kadɩ a 'e pladɩ "man 'gʋɛ 'e lila 'kɔlɛ nɛn 'belidɩ a -yrɔ "bɛ -a.

Galatɩ 5:4

Kaa nɛn kaa -wɛɛman 'nan, 'ta wʋladɩ Moizi -le -pei da man nɛn Bali 'e 'ka "sia min tɩglɩ 'a bɛ, 'ka 'fli "cɛan Crizi man, ɛn "nyian Bali -le "yi "nɛn, yaa -nɔn 'cɛɛ bɛ, ka cɛɛn "man.

Efɛz 1:18

Ɛn maan trʋ 'ba "nyian 'nan, 'e 'ka yiɛ 'lɛ 'sʋ, -e 'ka 'wɩ nɛn 'ka 'bli a -yrɛ ɛn -yee "wɛan Bali 'ka laabʋ bɛ, -a -tɔ. Ɛn "nyian fɛnun "kaga "nɛn Bali -a 'vɩ 'nan, 'e -nɔan 'yee minnun lɛ te -a -kɔɔn "manvɛ "ka "dɩɛ, -e 'ka -tɔ.

Efɛz 1:9

Ɛn "nyian bɛ, -a 'ci 'sɔ wɩ nɛn 'e yɔɔdɩ blamin man bɛ, yaa ta 'bɔla -cɛɛ. -A -cin a Bali ji 'e 'cɛn 'nan, 'e -ciala Crizi -va -e 'yee 'ci 'sɔ wɩ zɩɛ -a drɛ.

2 Tesalonik 2:8

-a -nan nɛn Bali 'nanmanzan zɩɛ, -a ta bɔala. Yi zɩɛ -a da nɛn Minsan Zozi -a -tɛa 'e 'le fulɔ -a. 'Wɩ 'kpa Minsan Zozi 'le -tadɩ -a -nan -nyaan.

2 Timote 1:1

'An 'bɔ Pɔl bɛ, Bali 'bɔ 'ci 'sɔ 'a nɛn an drɛ Zozi Crizi -le 'pasiazan -a. Ɛn 'an 'bɔ nɛn Bali 'an 'pla 'nan 'belidɩ nɛn ya'a 'nyaan dɩɛ, 'an 'nan wɩ vɩ minnun lɛ. 'Belidɩ zɩɛ Bali -a 'vɩ 'e 'cɛn 'nan e ya -cee vɛ -a Zozi Crizi -le "wɛan.

2 Timote 1:8

-Yee "wɛan te 'yra 'e 'i 'tɛ 'wɩ nɛn -kaa san Zozi Crizi -a drɛ bɛ -a -nan wɩ vɩdɩ -a dɩ! Ɛn "nyian, 'an 'bɔ nɛn an ya -pʋ 'kuin -yee 'nyranman 'padɩ man bɛ, te 'yra 'e 'i 'tɛ 'mɛn 'wɩ vɩdɩ -a dɩ! 'Pian 'i 'man 'e 'kɔn 'e wʋʋdɩ, -e 'i yra yɩ "le 'mɛn 'wɩ 'zʋ Zozi 'le 'wɩ 'nɔnnɔn vɩdɩ man. Bali -le 'plɛblɛ 'bɛ -tɔa 'i 'wlu.

2 Timote 4:1

Kʋ ya Bali 'lɛ, ɛn kʋ ya Zozi Crizi nɛn e -taa "minnun nɛn o yiɛ cɩ "man 'lee minnun nɛn o kaa bɛ -wee tin 'balɛ bɛ -a 'lɛ, ɛn "nyian Zozi 'bɔ -le -tadɩ, 'lee -yee mingɔnnɛn nɛn e -taa -a -blɩlɛ bɛ, -yee "wɛan mɛin trʋ "baa 'nan:

2 Timote 4:8

'Bɛ nɛn 'gʋɛ, fɛ nɛn e cɩ 'an 'man -pɛnnan bɛ, 'wɩ tɩglɩ nɛn maan drɛ bɛ -a man -kopa nɛn. Minsan nɛn e tin "baa 'e 'nɔan da bɛ, -yɛɛ -kopa zɩɛ -a -nɔan 'mɛn yi nɛn e -taa "man "bɛ -a da. Ya'a nɔan 'an 'tʋwli "cɛ "lɛ dɩ, 'pian minnun pɛɛnɔn nɛn -yee -tadɩ dra o -tɛa "bɛ, yaa -nɔan "nyian -wee "lɛ.

'Fluba nɛn Pɔl -a crɛn -tɛ Tit lɛ 2:11

'Wɩ pɛɛnɔn zɩɛ -a 'bɔ nɛn 'i 'cin -tɔ minnun ji, kɔɔ Bali 'yee "yi "nɛn e cɩ blamin pɛɛnɔn 'si 'wɩ 'ji vɛ -a bɛ -a ta 'bɔla.

'Fluba nɛn Pɔl -a crɛn -tɛ Tit lɛ 2:13

-Kaa drɛ zɩ, te -kaa ci "nran yi -dan bɛ -a man -pɛan. Yi zɩɛ -a da nɛn -kaa 'sizan 'wɩ 'ji Zozi Crizi nɛn -cee Bali -dan a bɛ, e -taa 'yee 'tɛ 'san -a.

'Fluba nɛn Pɔl -a crɛn -tɛ Tit lɛ 3:4

'Pian zɩ -kaa 'sizan 'wɩ 'ji Bali 'yee "yi 'lee 'yee min yɩdɩ "yi "ta 'bɔla bɛ,

Ebre 10:32

'Wɩnun nɛn o 'bɔ 'ka man te ka yi -tɛra Zozi da 'e tɛdɛ bɛ, 'ka 'ci "nrɔn "da. 'Wɩ "kaga 'bɔ 'ka man, ɛn ka yra 'yɩ "kaga, 'pian 'ka 'pɛ -sru 'ka tɔalɛ -e 'ka 'si Zozi -sru "dɩ.

2 Piɛri 1:1

'An 'bɔ Simɔn Piɛri bɛ, an ya Zozi Crizi 'suzan 'a, ɛn an ya -yee 'pasiazan -a. Mɛɛn 'fluba 'gʋɛ -a crɛn -tɛ, minnun pɛɛnɔn nɛn Bali -a drɛ ɛn o yi -tɛra Zozi da "le 'kʋe 'wɩ 'zʋ bɛ, -wlɛ. Zozi Crizi nɛn -cee Bali -a, ɛn e ya -kaa 'sizan 'wɩ 'ji -a bɛ, ya'a min bo "va "dɩ, -yee "wɛan 'wɩ zɩɛ e drɛ -kaa pɛɛnɔn 'le vɛ -a.

2 Piɛri 1:11

Tɔɔn Bali -taa -si 'lɛ 'sʋlɛ 'cɛɛ -gbaun -e 'ka -wla mingɔnnɛn trɛ nɛn -a 'leda "ka "dɩɛ -a da. Mingɔnnɛn trɛ zɩɛ, -kaa san Zozi Crizi nɛn -kaa 'sizan 'wɩ 'ji -a bɛ, -yee vɛ nɛn.

2 Piɛri 1:3

Fɛ pɛɛnɔn nɛn yaa -maan 'lɔɔ -e -cee 'ta wʋ -pɛ 'e 'sɔ Bali lɛ bɛ, Zozi -a -nɔn -cɛɛ, kɔɔ Bali -le 'plɛblɛ a -yrɔ. -Yee -dan nɛn yaa -ci kɔɔn -cɛɛ 'wɩ -dandan drɛdɩ -a bɛ, -a 'bɔ 'a nɛn e -kaa laabʋ.

2 Piɛri 2:20

Min nɛn e -kaa san Zozi Crizi nɛn -kaa 'sizan 'wɩ 'ji -a bɛ, -a -tɔ bɛ, te 'e 'pɛ 'si 'trɛda wɩnun -wlidɩ -sru. 'Pian -te -a san 'li 'e da "nyian 'wɩnun zɩɛ -a va, ɛn ya'a 'kɔlaman -e 'e 'pɛ 'si -a -sru "dɩɛ, -a 'le 'srannan "bɛ -yee -kɔndɩ -wlidɩ "mlian -a tɛdɛ vɛ da.

2 Piɛri 3:18

'Wɩ nɛn e cɩ "le 'ka drɛ bɛ, -nyrɛn 'nan: -Kaa san Zozi Crizi nɛn -kaa 'sizan 'wɩ 'ji -a, ɛn ka sɔɔnla -a -sru "bɛ, 'ka 'kʋ -a 'e 'lɛ, -e 'e 'yee "yi "nɔn 'cɛɛ. Ɛn -a -tɔ nɛn kaa 'wʋ bɛ, 'e 'pa "da. 'Tɔ -dan 'e 'kɔn -yee vɛ -a cɛɛgʋ, ɛn 'e 'kɔn -yee vɛ -a 'li 'trilii. Amɛn!

2 Piɛri 3:2

'Wɩ nɛn Bali 'lewei vɩnɔn -a 'vɩ 'li 'e 'cɛn bɛ, 'ka 'ci "nrɔn "da. Ɛn 'wɩ nɛn Minsan nɛn min 'sizan 'wɩ 'ji -a bɛ, yaa 'vɩ 'nan 'ka drɛ bɛ, 'ka 'ci "nrɔn "da "nyian. 'Wɩ zɩɛ -yee 'pasianɔn 'bɛ paa 'ka 'ji.

1 Zan 1:2

'Belidɩ zɩɛ 'e 'fli kɔɔn, kʋa 'yɩ. Kʋ ya -a -nan yɩnɔn 'a, ɛn kʋ -yee 'wɩ ve 'cɛɛ. 'Belidɩ nɛn ya'a 'nyaan dɩɛ -nyrɛn. E ya "nɛn -kaa "tɩ Bali va, ɛn 'bɛ nɛn 'gʋɛ, yaa kɔɔn 'kʋɛ.

1 Zan 4:14

-Kaa "tɩ Bali 'yee 'nɛn 'pa 'sia 'nan -e 'e 'trɛdanɔn 'si 'wɩ 'ji. Kʋ 'bɔ 'gʋɛ kʋa -nan 'yɩ, ɛn kʋ ya -a vɩnan minnun lɛ.

Apokalis 18:1

"Bɛ -sru ɛn an Bali -le 'pasiazan pee 'yɩ, te e ya 'sinan laji. E ya 'plɛblɛ 'kpa, ɛn -yee 'tɛ 'san 'trɛda 'si "fo.

Apokalis 2:7

Min nɛn 'wɩ man "trɔɛn "cɩ -a -wulo -man bɛ, 'wɩ nɛn Bali lei cɩ -a vɩnan Zozinɔn lɛ bɛ -a san 'e man. Min nɛn e 'ta wʋla 'wɩnun zɩɛ -a da ɛn -a -wulo 'bɔla "va "bɛ, yiba "nɛn e 'belidɩ -nɔan "min lɛ bɛ, maan 'blʋ -nɔan -a san lɛ -e 'e -blɩ. Yiba zɩɛ e ya 'e 'tɔdɩ Bali -le fei.»

Apokalis 20:14

"Bɛ -sru ɛn Bali fɛ 'bɔ nɛn waa laabo -ka bɛ 'lee fɛ nɛn waa laabo -yremo fla bɛ o tuʋ 'tɛ -dan nɛn -a ta a "le 'yi 'le 'wɩ 'zʋ bɛ -a va. 'Tɛ zɩɛ -a va nɛn min -ka "flizan wo.

Apokalis 22:14

Minnun nɛn o 'wee sɔ -sruman bɛ, Bali -le -fɛa a o man. Ɛn -si a 'e 'lɛ 'sʋdɩ -wlɛ -e 'o -wla Bali -le 'fla, 'dʋ -e yiba "nɛn e 'belidɩ -nɔan "min lɛ bɛ 'o 'blʋ 'blɩ.

Apokalis 22:17

Bali lei 'saun 'lee lɩmɔn nɛn e -taa "drɛlɛ Bali -le 'bla nan -a bɛ, waa 'vɩ 'nan: «'I 'ta!» Ɛn min oo min nɛn e 'wɩ zɩɛ -a 'man bɛ, "e "vɩ "nyian 'nan: «'I 'ta!» Min nɛn 'yi dra -a -tɛa "bɛ, 'e 'ta. Ɛn min nɛn e ya "va "bɛ, 'e 'ta 'yi nɛn e 'belidɩ -nɔan "min lɛ bɛ -a 'kolu 'e "tun.