2 Korɛnti 2:9 - Yaouré

⁹ 'Fluba nɛn maan crɛn -tɛ 'cɛɛ bɛ, kaa ta wɩ drɛ. An 'ka muo -fɔa. 'Ka 'nanjɛndɩ -le "wɛan nɛn maan drɛ zɩ ɛn kaan wei 'man "yi.

2 Korɛnti 2:9 ပူးပေါင်းရင်းမြစ်များ

2 Korɛnti 10:6

Ɛn minnun nɛn 'o 'wɩ "paa 'kʋ da 'labɛ, kʋ -taa 'wɩ "nɛn -kɔɔnlɛ -wlɛ. 'Pian kʋ ya -a man -pɛnnan 'nan 'ka 'bɔ 'labɛ, 'ka 'ta wʋladɩ 'sia 'kʋ wei da tɩglɩ 'vaa -e 'kʋ drɛ.

2 Korɛnti 2:3

'Wɩ zɩɛ -yee "wɛan nɛn an 'fluba 'tʋ crɛn -tɛ 'cɛɛ. Maan drɛ zɩɛ 'nan -e "mɛɛn vɩnan 'an "lo "bɛ, te ka 'wɩ -mie paala "da. Kɔɔ an 'ka "vale 'nan 'ka 'bɔ nɛn ka ci "nrandɩ -nɔan 'mɛn bɛ 'kaan 'ta drɛ -trɔdrɔ dɩ. An yi -tɛra "da 'nan -te ci "nrandɩ a 'an 'lɔ bɛ, -a 'wɩ -taa "nyian "cee 'ci "nranlɛ.

2 Korɛnti 2:4

'Fluba zɩɛ, tʋ nɛn an ya -a crɛn -tɛnan 'cɛɛ bɛ, te 'cee 'wɩ 'an 'ta drɛ 'trɔdrɔ, ɛn te 'wɩ "naan 'an man. Maan crɛn -tɛ 'cɛɛ 'an yra le yiɛ 'yi 'a. Ma'an crɛn -tɛlɛ 'cɛɛ 'nan, -e 'ka 'ta 'e drɛ -trɔdrɔ dɩ. 'Pian maan crɛn -tɛ 'cɛɛ 'nan -e 'ka -tɔ 'nan an 'ka ye "yi 'kpa tɩglɩ.

2 Korɛnti 2:8

-Yee "wɛan an 'ka trʋ "baa, 'ka -kɔɔn -yrɛ 'nan kaa ye "yi.

2 Korɛnti 8:2

Yra yɩdɩ "kaga 'bɔ o man -wee yi -tɛradɩ Bali da -nanjɛn vɛ -a. Ɛn 'yalɛ o -tɛ 'e 'ciɩla "da. 'Pian ci "nrandɩ -dan a -wlɔ, ɛn o "lala -nɔn "kaga Zozinɔn 'le vɛ -a.

2 Korɛnti 8:24

-Yee "wɛan 'ka o 'kun 'ka 'pɛ "fli "a, -e -leglizinun 'o 'tɔ 'nan, ka min ye "yi. Ɛn -e 'o 'tɔ "nyian 'nan, 'ka 'sɩ nɛn kʋa -fɔ bɛ, e 'ka 'wɩ "tun "a dɩ.

Filipʋ 2:12

-Yee "wɛan 'an beenun, 'ka 'ta wʋla Bali wei da, "le zɩ ka drɛdɩ 'sia 'va bɛ -yee 'wɩ 'zʋ. 'Wɩ nɛn kaa -si 'sia bɛ 'ka yiɛ -trɔa "da "klandɩ -a Bali lɔ, -e 'e -kɔɔn 'nan ka ya 'ka 'sidɩ 'wɩ 'ji. Wa'a vɩlɛ 'nan 'ka drɛ 'an yiɛ man 'saza dɩ, 'pian -a "yi mlin 'bɛ nɛn an 'ka 'nan dɩɛ, -e 'ka drɛ 'e 'ciɩla "da.

Filipʋ 2:22

Kaa -tɔa 'ka 'bɔ 'a 'nan, Timote a min nɛn min yi -tɛala "da "bɛ -a. E 'wɩ dra "le 'nan 'nɛn nɛn 'e "tɩ wei maan "bɛ -yee 'wɩ 'zʋ. 'E 'fli -nɔn Zozi Crizi -le 'wɩ 'nɔnnɔn vɩdɩ -ji "le 'mɛn 'wɩ 'zʋ.

2 Tesalonik 3:14

Min nɛn ya'a 'ta wʋlɛa 'wɩ nɛn kʋa crɛn -tɛ zɩɛ -a da dɩɛ, 'ka 'san -kɔnnɛn 'pla, te 'ka "nran waa dɩ. 'Ka drɛ zɩɛ -e 'yra 'e -tɛ.

Filemɔn 1:21

An 'fluba 'gʋɛ -a crɛn -tɛ 'yiɛ, kɔɔ an yi -tɛala 'i da 'nan, 'wɩ nɛn maan laabo 'i 'lɔ bɛ yia dra. 'Wɩ 'kpa, maan -tɔa 'nan, i -taa -a drɛlɛ e -ciala "da.