2 Korɛnti 2:12 - Yaouré

¹² An 'bɔla Troas fla, ɛn an Crizi -le 'wɩ 'nɔnnɔn 'vɩ min pɛɛnɔn lɛ. Minsan -a -si 'lɛ 'sʋ 'mɛn 'kpa tɩglɩ.

2 Korɛnti 2:12 ပူးပေါင်းရင်းမြစ်များ

Drɛwɩ (Actes) 14:27

Zɩ o 'bɔla Antiɔs bɛ, ɛn o -leglizi 'nɔn cin 'yɩ, ɛn 'wɩnun nɛn Bali ciɩla o va yaa drɛ bɛ, waa 'sinan 'pa. Waa -ci 'vɩ "nyian -wlɛ 'nan, minnun nɛn o 'ka Zuif 'nɔn 'a dɩɛ, Bali -si 'lɛ 'sʋ -wlɛ 'nan 'o yi -tɛra 'e da.

Drɛwɩ (Actes) 16:11

Zɩ kʋ -fɔ -klʋ -dan ji Troas bɛ, ɛn kʋ -kʋ Samotras. 'Bɛ 'ta tʋ cɛɛn ɛn kʋ -kʋ Neapoli.

Drɛwɩ (Actes) 16:8

-A -nan nɛn o ciɩla Misi, ɛn o 'bɔla Troas 'fla.

Drɛwɩ (Actes) 20:8

Kʋ ya 'kʋ cin yɩdɩ 'kɔn "bʋ "nɛn 'kɔn 'ta lou "bɛ -a -ji. 'Kɔn "bʋ zɩɛ -a -ji bɛ, -kannɛn "kaga "a 'e 'fɔdɩ "nɛn.

Rɔmɛn 1:1

'An 'bɔ Pɔl bɛ, an ya Zozi Crizi 'suzan 'a. Bali 'an laabʋ 'nan 'an drɛ Zozi 'le 'pasiazan -a. Ɛn yaan 'si "va 'nan 'an 'yee 'wɩ 'nɔnnɔn vɩ minnun lɛ.

1 Korɛnti 16:9

Kɔɔ Minsan -si 'lɛ 'sʋ 'mɛn 'fla 'bɔ da, 'nan -e 'an Zozi 'le 'wɩ 'nɔnnɔn vɩ minnun "kaga "lɛ. 'Pian minnun nɛn o "naan 'an man bɛ, o ya -nan "kaga.

1 Korɛnti 9:12

Min peenun "o 'wɩ zɩɛ -a dra. Maan ve 'cɛɛ 'nan -a -si a paan 'an 'lɔ -e 'an 'wɩ zɩɛ -a drɛ 'e 'ciɩla "da. 'Pian ma'an -wɛɛlɛ 'nan 'an dra "fo "dɩ. Maan dra zɩɛ 'nan -e 'wɩ 'tʋ 'e vɩlɛ 'e 'si -tɔ Crizi -le 'wɩ 'nɔnnɔn 'lɔ dɩ.

1 Korɛnti 9:14

'Wɩ 'tʋwli zɩɛ Minsan -a -tɔ -pei -a. Yaa 'vɩ 'nan, minnun nɛn o wɩɩ Crizi -le 'wɩ 'nɔnnɔn man bɛ, -wɛɛ yiɛ -tɔa min nɛn e 'wɩ 'nɔnnɔn 'bɔ ve bɛ -a va.

1 Korɛnti 9:16

Crizi -le 'wɩ 'nɔnnɔn vɩdɩ minnun lɛ bɛ, ma'an 'kɔlaman -e 'an -dandan 'tan 'a dɩ. Kɔɔ Minsan 'bɛ 'tɔ 'an man 'nan 'an drɛ. -Yee "wɛan -te ma'an Crizi -le 'wɩ 'nɔnnɔn vɩlɛ minnun lɛ dɩɛ, 'wɩ 'e 'bɔ 'an man!

2 Korɛnti 10:14

-Yee "wɛan -a -ci a 'wein 'nan, kʋ 'ka 'wɩ -dandan vɩnan 'kʋ 'fli man 'e 'ciɩladɩ "da "dɩ. "Te 'e 'kɔn 'nan kʋɛ "cɛɛ 'bɔla Zozi Crizi -le 'wɩ 'nɔnnɔn 'a 'ka 'va 'e tɛdɛ dɩɛ, "te maan ve 'nan 'wɩnun nɛn kʋa ve 'kʋ 'fli man 'gʋɛ, e ya 'e 'ciɩladɩ "da.

2 Korɛnti 11:4

Fɛ nɛn maan ve zɩɛ -yɛɛ cɩ 'nan, kʋ Zozi Crizi -le 'wɩ 'vɩ 'cɛɛ, 'pian ka "we "man -e min 'e 'ta 'wɩ 'pee vɩ 'cɛɛ Zozi da. Ɛn "nyian bɛ, Bali lei 'saun a 'ka 'lɔ, 'pian ka "we "man -e min 'e 'ta lei pee -nɔndɩ 'cɛɛ 'wɩ vɩ. Ɛn "nyian bɛ, kʋ Zozi Crizi -le 'wɩ 'nɔnnɔn 'vɩ 'cɛɛ, 'pian ka "we "man -e min 'e 'wɩ 'nɔnnɔn 'pee vɩ 'cɛɛ.

2 Korɛnti 11:7

Bali -le 'wɩ 'nɔnnɔn nɛn maan 'vɩ 'cɛɛ bɛ, maan 'vɩ 'cɛɛ 'e "tun. Ka'an 'pan wʋlɛ dɩ. -Te an 'wɩ zɩɛ -a drɛ bɛ, e 'ka 'wɩ 'wlidɩ "a dɩ. 'Pian 'an 'fli drɛ 'cɛɛ "wɛnnɔn 'nan -e 'ka drɛ -a "nɛn "blɩnɔn 'a.

2 Korɛnti 4:3

'Bɛ a zɩ, 'pian -te Zozi 'le 'wɩ 'nɔnnɔn nɛn kʋa ve minnun lɛ bɛ, -a -ci a tian 'e yɔɔdɩ min -mienun man bɛ, 'wɩ zɩɛ yaa -kɔɔnman 'nan, minnun zɩɛ o ya -si nɛn e o "sia Bali man -kɔɔbli bɛ -a da.

2 Korɛnti 4:4

Wa'a yi tɛala Zozi da dɩ, kɔɔ Satan nɛn e cɩ minnun zɩɛ -wee bali -a bɛ, e -wee 'wɩ 'ci mandɩ 'lɛ 'wʋ. Yaa drɛ zɩɛ 'nan -e 'o vɩlɛ 'o Zozi 'le 'wɩ 'nɔnnɔn 'ci man dɩ. -Yee "wɛan Zozi Crizi nɛn e Bali -kɔɔnman minnun lɛ bɛ wa'a -yee 'tɛ 'san ye dɩ.

2 Korɛnti 8:18

-Kaa "bʋɩ Zozizan nɛn -a 'tɔ "yi "a -leglizi -tʋdʋ pɛɛnɔn 'ji Zozi Crizi -le 'wɩ 'nɔnnɔn vɩdɩ man bɛ, kʋa "paa "va -wɛɛ "lo "a.

2 Korɛnti 9:13

'Cee "yi "drɛdɩ zɩɛ, -te waa -nan 'yɩ bɛ, o Bali 'tɔ dra -dan. Kɔɔ ka ya 'ta wʋlanan Zozi Crizi -le 'wɩ 'nɔnnɔn da, ɛn ka fɛ -nɔan -wlɛ 'ka 'ci 'fɩdaa 'a, ɛn kaa dra zɩɛ min pɛɛnɔn lɛ.

Kolɔs 4:3

Ɛn "nyian 'ka Bali trʋ 'ba 'kʋɛ 'nan, 'e -si -nɔn 'kʋɛ -e 'kʋ Crizi -le 'wɩ 'nɔnnɔn nɛn -a -ci a 'e yɔɔdɩ minnun man bɛ, -a fuila "man. 'Wɩ zɩɛ -a man nɛn an ya -pʋ 'kuin.

1 Tesalonik 3:2

'nan -e 'kʋ -kaa "bʋɩ Timote 'pa 'sia 'ka 'va. 'Kʋ 'vale waa, kʋɛ Bali -le 'nyranman "paa 'e cin va Crizi -le 'wɩ 'nɔnnɔn vɩdɩ -a. Kʋa 'pa 'cɛɛ -sia 'nan, -e 'e 'ka man -tɔ 'plɛblɛ, te 'ka "koe "a 'ka da Bali -sru 'ta wʋdɩ -a.