2 Korɛnti 2:10 - Yaouré

¹⁰ Min nɛn kaa man wɩ 'cɛ bɛ, 'an 'bɔ "nyian "an man wɩ "cɛa. Ɛn -te e ya paan "mɛn 'saza 'a bɛ, maan man wɩ 'cɛ 'cee "wɛan, Crizi a 'mɛn 'wɩ 'nan yɩzan -a 'wɩ zɩɛ -a -ji.

2 Korɛnti 2:10 ပူးပေါင်းရင်းမြစ်များ

Matie 18:18

Maan ve 'cɛɛ 'wɩ tɩglɩ 'a 'nan, fɛ oo fɛ nɛn kaa ve "man "cɛjɛ 'trɛ 'gʋɛ -a da bɛ, te o -cɛjɛ 'vɩ "man laji. Ɛn fɛ oo fɛ nɛn kaa "kuan 'ka 'pɛ "fli "a 'trɛ 'gʋɛ -a da bɛ, te waa 'kun o -pɛ "fli "a laji.

Zozi Crizi -le 'wɩ 'nɔnnɔn nɛn Zan -a crɛn -tɛ 20:23

Minnun nɛn o 'wɩ 'wlidɩ drɛ, ɛn kaa 'vɩ 'nan -wee 'wɩ 'wlidɩ fui bɛ, te Bali -wee 'wɩ 'wlidɩ fui. Ɛn -te ka'a -wee 'wɩ 'wlidɩ "fuilɛ dɩɛ, Bali 'ka -wee 'wɩ 'wlidɩ 'fuiman dɩ.»

1 Korɛnti 5:4

'Wɩ nɛn kɔ 'ka drɛ bɛ, -nyrɛn 'gʋ, 'ka cin yɩ -yee 'wɩ man Minsan Zozi Crizi 'tɔ da. 'Mɛn ci "nrɔndɩ pɛɛnɔn a 'ka 'va nun "le -cɛɛ cɩ. -Kaa san Zozi Crizi -le 'plɛblɛ 'a,

2 Korɛnti 4:6

'Li bɛ, Bali -a 'vɩ 'nan: «'Tɛ 'san 'e 'sɛn klun va!» Ɛn 'bɛ nɛn 'gʋɛ Bali 'yee 'tɛ 'san zɩɛ -a -sɛn 'kʋ souba 'ji. Yaa drɛ zɩɛ -e minnun 'o -yee -dan ci yɩ. -Yee -dan zɩɛ -a 'bɔ nɛn Zozi Crizi -a -kɔɔnman minnun lɛ.

2 Korɛnti 5:20

-Yee "wɛan kʋ drɛ Crizi -le 'pasianɔn 'a. 'Kʋ 'va nɛn Bali -ciala -e 'e 'wɩ 'pla minnun lɛ. 'Wɩ nɛn kʋa ve bɛ, -nyrɛn 'nan: «'Ka yra 'si! 'Ka 'wɩ "man -e 'ka yei 'e 'sɛn 'e cin va 'ka 'vale Bali -a.»

2 Korɛnti 6:6

'Kʋe 'ta wʋ -pɛ a 'saun, ɛn kʋ Bali -le 'wɩ -tɔa. Kʋ man -sɛanla minnun va, ɛn 'kʋ ci "yi "taan -wlɛ. Bali lei 'saun "yi drɛ 'kʋɛ, ɛn kʋ min -tʋdʋ pɛɛnɔn ye "yi 'kʋ 'ci 'fɩdaa 'a. 'Wɩ pɛɛnɔn zɩɛ -a -ji bɛ, kʋa kɔɔn 'nan kʋ ya Bali -le 'nyranman 'panɔn 'kpa -a.

Efɛz 4:32

'Pian 'ka 'kɔn 'kpa 'ka cin lɛ, 'ka cin dra nɛn 'e 'ka 'tɛ, ɛn 'ka cin man wɩ 'cɛ "le zɩ Bali 'ka 'man wɩ 'cɛ Crizi -le "wɛan "bɛ -yee 'wɩ 'zʋ.