2 Korɛnti 1:10 - Yaouré

¹⁰ Bali 'bɔ zɩɛ -yɛɛ 'kʋ 'sʋ -kadɩ nɛn e "ta paan bɔa 'kʋ man bɛ -yrɔ. Ɛn yaa dra tian cɛɛgʋ yi -a zɩ. Ɛn "nyian bɛ, 'kʋ 'bli a -yrɛ 'nan, yaa dra tian 'trilii.

2 Korɛnti 1:10 ပူးပေါင်းရင်းမြစ်များ

1 Timote 4:10

Ɛn "nyian 'wɩ zɩɛ -a lɛ nɛn -kaa 'nyranman "paa, ɛn -kaa 'fli -mɛan dra, kɔɔ Bali nɛn -a yiɛ a "man "bɛ, -kaa 'bli a -yrɛ. -Yɛɛ cɩ 'trɛdanɔn pɛɛnɔn 'sizan 'wɩ 'ji -a. 'Pian minnun nɛn o yi -tɛra Zozi da bɛ, o nɛn e o "sia 'wɩ 'ji.

2 Piɛri 2:9

'Wɩ pɛɛnɔn zɩɛ yaa -kɔɔnman -cɛɛ 'nan, zɩ kɔ Minsan 'e minnun nɛn o cɩ -yee vɛ -a bɛ o 'si 'wɩ 'ji bɛ, yaa -tɔa. Ɛn yaa -kɔɔnman "nyian 'nan, -si nɛn kɔ Minsan 'e 'ciɩla "da, -e 'e 'wɩ "nɛn -kɔɔn 'wɩ 'wlidɩ "drɛnɔn lɛ bɛ, yaa -tɔa.

Rɔmɛn 15:31

'Ka Bali trʋ 'ba 'nan, Zuif 'nɔn nɛn Zude 'lɛglɔn 'ji ɛn wa'a yi tɛala Zozi Crizi da dɩɛ, te 'waan 'man yɩ dɩ. Ɛn 'ka Bali trʋ 'ba "nyian 'nan, "yi "nɛn waa -nɔn 'mɛn 'nan 'an 'kʋ -a Zeruzalɛm Zozinɔn lɛ bɛ, 'o 'kun 'o 'pɛ "fli "a.

2 Timote 4:17

'Pian Minsan 'bɛ 'pa 'an 'va, ɛn yaan "koe "tɔ 'an da. Yaa drɛ zɩɛ 'nan -e 'an -kɔla Zozi 'le 'wɩ 'nɔnnɔn fuiladɩ -a "man, 'dʋ -e minnun pɛɛnɔn nɛn o 'ka Zuif 'nɔn 'a dɩɛ 'o man. Tʋ zɩɛ -a man bɛ, 'an 'kadɩ -fɔla tʋ, 'pian Minsan 'an 'sʋ -yrɔ.

Drɛwɩ (Actes) 26:21

'Wɩ nɛn -yee "wɛan Zuif 'nɔn 'an 'kun Bali -pan 'kuin, ɛn o 'nan, waan -tɛa "bɛ -nyrɛn zɩɛ.

2 Korɛnti 1:9

'Wɩ 'kpa, -a -cin -tɔ 'kʋ 'ji 'nan minnun "ta 'kʋ -tɛɛman. Bali -si -nɔn 'nan 'wɩ zɩɛ 'e bɔ 'kʋ man -e 'kʋ vɩlɛ 'kʋ yi -tɛra 'kʋ 'bɔ 'fli da dɩ. 'Pian -e 'kʋ yi -tɛra Bali 'bɔ nɛn e minnun wuanla -kanɔn 'va bɛ -a da.

2 Korɛnti 6:9

Ɛn o 'kʋ 'sia minnun nɛn wa'a o tɔa dɩɛ waa, 'pian minnun 'kʋ -tɔa. Ɛn kʋ ya "le minnun nɛn o "ta -kaaman bɛ -wee 'wɩ 'zʋ, 'pian te 'kʋ yiɛ a "man. Ɛn minnun 'wɩ "nɛn kɔɔn 'kʋɛ, 'pian kʋ'a 'kalɛ -a 'wɩ 'ji dɩ.