1 Zan 4:7 - Yaouré

⁷ 'An beenun, -kaa cin yɩ "yi, kɔɔ Bali va nɛn yɩdɩ "yi "sia. Min nɛn e min ye "yi "bɛ, te Bali -le 'nɛn -a san -a, ɛn e Bali -tɔa.

1 Zan 4:7 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 13:34

An -pei -trɛ -tɔa 'cɛɛ, -nyrɛn 'nan 'ka cin yɩ "yi "le zɩ an 'ka 'yɩ "yi "bɛ -yee 'wɩ 'zʋ.

Zozi Crizi -le 'wɩ 'nɔnnɔn nɛn Zan -a crɛn -tɛ 17:3

'Belidɩ nɛn ya'a 'nyaan dɩɛ, -nyrɛn 'nan, min 'e 'i 'tɔ, 'nan 'i 'bɔ 'tʋwli yiɛ cɩ Bali tɩglɩ 'a, ɛn 'an 'bɔ Zozi Crizi nɛn yian 'pa 'sia bɛ min 'e 'an 'tɔ.

1 Korɛnti 8:3

'Pian min nɛn e Bali ye "yi "bɛ, min zɩɛ, -nyrɛn Bali -a -tɔa.

2 Korɛnti 4:6

'Li bɛ, Bali -a 'vɩ 'nan: «'Tɛ 'san 'e 'sɛn klun va!» Ɛn 'bɛ nɛn 'gʋɛ Bali 'yee 'tɛ 'san zɩɛ -a -sɛn 'kʋ souba 'ji. Yaa drɛ zɩɛ -e minnun 'o -yee -dan ci yɩ. -Yee -dan zɩɛ -a 'bɔ nɛn Zozi Crizi -a -kɔɔnman minnun lɛ.

Galatɩ 4:9

'Pian 'bɛ nɛn 'gʋɛ, ka Bali -tɔ "mɛn. -A 'kpa tɩglɩ 'ji bɛ, Bali 'bɛ 'ka 'tɔ. Ka'a 'kɔlaman paan -e 'ka 'li 'ka da "nyian 'trɛda fɛnun va dɩ! -Wee 'plɛblɛ 'lɛ 'ka "man "dɩ, ɛn fɛ -tʋ 'ka -wlɔ -e 'o -nɔn min lɛ dɩ! -Mɛ "le "wɛan nɛn ka ya "vale 'ka dra "nyian -wee nɔan -a?

Galatɩ 5:22

'Pian -te Bali lei 'saun 'bɛ min "paala bɛ, zɩ -a "nɛn bɔala 'gʋ: -A san min ye "yi, ɛn -a san ci "nranman, ɛn -a san man yra flɩɩ, ɛn -a san 'e 'man -sɛanla 'wɩ 'ji, ɛn -a san a min 'kpa 'a, ɛn -a san ci a "yi, ɛn min yi -tɛala -a san da.

2 Timote 1:7

Kɔɔ lei nɛn Bali -a -nɔn -cɛɛ bɛ, e "klan 'sia -kaa 'ji, ɛn e 'plɛblɛ -nɔan -cɛɛ. Lei zɩɛ -yɛɛ -maan -kaa min ye "yi, ɛn -yɛɛ -maan -kaa -kɔlaman -kaa 'fli 'kundɩ -a 'wɩ 'ji.

1 Piɛri 1:22

'Bɛ nɛn 'gʋɛ, Zozi 'le 'wɩ 'nɔnnɔn nɛn kaa 'man bɛ, -a da ta wʋdɩ -a drɛ ɛn 'ka 'pɛ 'si 'wɩ 'wlidɩ -sru, 'nan -e 'ka 'ka "bʋɩ 'lee 'ka "blu Zozinɔn yɩ "yi, te -a -sru "ka "dɩ. -Yee "wɛan 'ka cin yɩ "yi tʋ pɛɛnɔn man 'ka 'ci 'fɩdaa 'a!

1 Zan 2:10

Min nɛn 'e "bʋɩ -tʋ ye "yi "bɛ, e -fo 'tɛ 'san da, ɛn fɛ -tʋ 'ka -yee ci "nrɔndɩ va -e 'e -tria dɩ.

1 Zan 2:29

Zɩ kaa -tɔa 'nan Zozi Crizi a min tɩglɩ 'a bɛ, -a -tʋwli "nɛn 'ka -tɔ "nyian 'nan min nɛn e 'wɩ tɩglɩ dra bɛ, te Bali -le 'nɛn nɛn -a san -a.

1 Zan 2:3

'Wɩ nɛn yaa -kɔɔnman 'nan, -kaa Bali -tɔa "bɛ, -nyrɛn 'nan -kaa 'ta wo Bali -le -pei da.

1 Zan 2:4

Min nɛn yaa 'vɩ 'nan: «'An Bali -tɔa», te ya'a 'ta wʋla -yee -pei da dɩɛ, te 'wluzan nɛn -a san -a, ɛn te -a san 'lee 'wɩ tɩglɩ 'ka 'si -tʋwli "da dɩ.

1 Zan 2:7

'An beenun, wa'a vɩlɛ 'nan -pei -trɛ nɛn maan crɛn -tɛa 'cɛɛ dɩ, 'pian -pei ceje nɛn kaa 'yɩ -a pou sianan "bɛ -nyrɛn. -Pei ceje zɩɛ wei nɛn kaa 'man bɛ, -nyrɛn.

1 Zan 3:9

Min nɛn e cɩ Bali -le 'nɛn a bɛ, ya'a 'wɩ 'wlidɩ 'dra dɩ, kɔɔ Bali -le 'belidɩ a -a san lɔ. Ya'a 'kɔlaman te e 'wɩ 'wlidɩ "dra dɩ, e ya Bali -le 'nɛn 'a -le "wɛan.

1 Zan 4:11

'An beenun, Bali -kaa 'yɩ "yi zɩɛ, -yee "wɛan -kaa "cin yɩ "yi "nyian.

1 Zan 4:12

Min -tʋ 'ka tian Bali yɩlɛ dɩ. -Te -kaa cin ye "yi "bɛ, te -kaa 'vale Bali -a, -kaa ya min -tʋwli "a, ɛn te Bali yɩdɩ "yi "a 'e 'lɛ sɔɔdɩ -kaa 'ji.

1 Zan 4:16

-Kaa 'gʋɛ, -kaa -tɔa 'nan Bali -kaa ye "yi, ɛn -kaa yi -tɛra 'wɩ zɩɛ -a da. Bali min ye "yi, -yee "wɛan min nɛn e minnun ye "yi ɛn e Bali ye "yi "bɛ, te -a san 'lee Bali a min -tʋwli "a, ɛn Bali 'lee -a san a min -tʋwli "a.

1 Zan 4:20

-Te min -a ve 'nan, an Bali ye "yi -e te ya'a 'e "bʋɩ -tʋ ye "yi "dɩɛ, te 'wluzan nɛn -a san -a. -Yɛɛ cɩ 'nan, min nɛn ya'a 'e "bʋɩ nɛn yɛɛ ye bɛ, 'bɛ ye "yi "dɩɛ, ya'a 'kɔlaman -e 'e Bali nɛn ya'a 'bɛ ye dɩɛ, 'bɛ yɩ "yi "dɩ.

1 Zan 4:8

'Pian bii nɛn yi'a min ye "yi "dɩɛ, te yi'a Bali tɔa dɩ, kɔɔ Bali min ye "yi.

1 Zan 5:1

Minnun nɛn o yi -tɛala "da 'nan Zozi 'bɛ cɩ min 'sizan 'wɩ 'ji Crizi -a bɛ, te Bali -le 'nɛnnun nɛn waa. Ɛn -te min 'e "tɩ ye "yi "bɛ, yaa ci 'nɛnnun ye "yi "nyian.

2 Zan 1:5

Ɛn 'bɛ nɛn 'gʋɛ, 'an "bʋɩ Zozinɔn, an 'wɩ "paala 'cɛɛ 'nan, -kaa cin yɩ "yi! -Pei -trɛ "cɛɛ an cɩ -a crɛn -tɛnan dɩ, 'pian -pei ceje nɛn -a pou sianan -kaa 'man bɛ, -nyrɛn.