1 Zan 4:4 - Yaouré

⁴ 'Mɛn 'nɛnnun, ka ya Bali -le 'nɛnnun -a. Ɛn minnun nɛn o Bali 'lewei ve 'wlu 'a bɛ, ka o klɩ, kɔɔ lei nɛn 'ka 'ji bɛ, -a 'plɛblɛ "mlian lei nɛn 'trɛda minnun ji bɛ, -a da.

1 Zan 4:4 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 12:31

'Bɛ nɛn 'gʋɛ, 'trɛdanɔn 'le tin 'badɩ bɛ e 'bɔ. Satan nɛn e 'trɛ 'gʋɛ -a "paala bɛ -a -pin tʋ 'bɔ.

Zozi Crizi -le 'wɩ 'nɔnnɔn nɛn Zan -a crɛn -tɛ 14:30

'Mɛn tʋ 'ka "nyian "kaga -e 'an 'wɩ tin 'ba 'cɛɛ dɩ, kɔɔ Satan nɛn e 'trɛ 'gʋɛ -a "paala bɛ, e ya -tanan. -Yee 'plɛblɛ 'ka 'an da dɩ,

Zozi Crizi -le 'wɩ 'nɔnnɔn nɛn Zan -a crɛn -tɛ 16:11

Bali -le tin 'badɩ nɛn 'nan Satan nɛn e 'trɛ 'gʋɛ -a "paala bɛ tin -tɛ "da.

Zozi Crizi -le 'wɩ 'nɔnnɔn nɛn Zan -a crɛn -tɛ 17:23

Kʋ ya waa min -tʋwli "a, ɛn kʋ ya 'yia min -tʋwli "a 'nan -e 'o drɛ min -tʋwli "a 'kpa tɩglɩ. 'E drɛ zɩɛ -e 'trɛdanɔn 'o -tɔ 'nan, yiɛ 'an 'pa 'sia, ɛn i o ye "yi "le zɩ yian ye "yi "bɛ -yee 'wɩ 'zʋ.

Rɔmɛn 8:31

'Wɩ pɛɛnɔn zɩɛ e ya "le 'e -kaa "koe "tɔ -kaa da. Kɔɔ -te Bali a -kaa va zia bɛ, min 'e 'ci "paa -kaa man, 'pian ya'a -kɔlaman 'wɩ 'tʋ drɛdɩ -a -cɛɛ "fo "dɩ.

Rɔmɛn 8:37

'Pian 'wɩ pɛɛnɔn zɩɛ -a -ji bɛ, maan ve 'cɛɛ 'nan, -kaa wulo bɔala "va. Bali nɛn e -kaa 'yɩ "yi "bɛ, -yɛɛ dra -e -kaa wulo 'e bɔla "va.

1 Korɛnti 2:12

Lei nɛn Bali -a -nɔn -cɛɛ bɛ, ya'a 'sia 'trɛda 'gʋ dɩ, 'pian e "sia Bali 'bɔ 'va. -Yee "wɛan Bali -le "yinun nɛn yaa dra -cɛɛ bɛ, -kaa -tɔa.

1 Korɛnti 6:13

Kaa ve "nyian 'nan: «Bali -blɩ fɛ -nɔn min lɛ 'nan -e 'e 'kʋ min -pɔn -ji. Ɛn Bali min -pɔn drɛ 'nan -e -blɩ fɛ 'e 'kʋ "ji. Ɛn tʋ -tʋ -taa "bɔlɛ bɛ, Bali 'o "fli zɩɛ o -nan -nyaan.» 'Wɩ zɩɛ e ya 'wɩ 'kpa -a. 'Pian Bali 'ka -kaa drɛlɛ 'nan -e -kaa 'fli -nɔn -kɔnnɛn -wɛɛdɩ 'lee lɩ -wɛɛdɩ lɛ dɩ. Kɔɔ Minsan a "va 'nan -kaa 'kɔlɛ 'e 'kɔn 'e 'bɔ 'le vɛ -a. Ɛn 'e 'bɔ 'yɛɛ yiɛ -tɔa -kaa 'kɔlɛ 'va.

2 Korɛnti 4:4

Wa'a yi tɛala Zozi da dɩ, kɔɔ Satan nɛn e cɩ minnun zɩɛ -wee bali -a bɛ, e -wee 'wɩ 'ci mandɩ 'lɛ 'wʋ. Yaa drɛ zɩɛ 'nan -e 'o vɩlɛ 'o Zozi 'le 'wɩ 'nɔnnɔn 'ci man dɩ. -Yee "wɛan Zozi Crizi nɛn e Bali -kɔɔnman minnun lɛ bɛ wa'a -yee 'tɛ 'san ye dɩ.

2 Korɛnti 6:16

Ɛn "nyian bɛ, Bali -pan 'kɔn bɛ, -yʋ -pan 'kɔn "cɛɛ dɩ. -A -cin 'e 'kɔn 'ka 'ji 'nan -kaa ya Bali nɛn -a yiɛ cɩ "man "bɛ -yee 'kɔn 'a. 'Wɩ zɩɛ Bali -a 'vɩ 'e 'cɛn. Kɔɔ e ya 'e 'crɛn -tɛdɩ Bali -le 'fluba 'ji 'nan: «An -nyɛanla o va. An -kɔan -wee Bali -a, ɛn o -kɔan 'mɛn minnun -a.»

Efɛz 2:2

Ka 'wɩ 'wlidɩnun drɛ 'e tɛdɛ "le 'trɛda minnun pɛɛnɔn 'zʋ. Ka 'ta 'wʋla Satan nɛn e -yʋ -wlidɩnun "paala bɛ, -a wei da. Satan zɩɛ, -a lei 'bɛ 'nyranman "paa minnun nɛn wa'a 'ta 'wʋla Bali wei da dɩɛ waa.

Efɛz 3:17

Maan trʋ "baa "nyian 'nan, 'cee yi -tɛradɩ Crizi 'bɔ da -a nɛn 'ka 'kɔn tʋ pɛɛnɔn man Crizi -lɔ. Ɛn maan trʋ "baa "nyian 'nan, yɩdɩ "yi 'saza nɛn 'e 'kɔn 'cee 'wɩ pɛɛnɔn drɛdɩ pou sianan.

Efɛz 6:10

Maan 'le -sɛanla 'cɛɛ 'nan, 'ka 'tɔ -kli! 'Cee drɛdɩ min -tʋwli "a 'ka 'vale Minsan -a 'bɛ dra, te -yee 'plɛblɛ nɛn e ya fɛ pɛɛnɔn 'ta lou "bɛ, e 'ka -tɔa -kli.

1 Zan 2:1

'Mɛn 'nɛnnun, 'wɩ 'gʋɛ maan crɛn -tɛ 'cɛɛ 'nan, -e 'ka vɩlɛ 'ka 'wɩ 'wlidɩ "drɛ dɩ. Ɛn -te min -tʋ 'wɩ 'wlidɩ drɛ bɛ, 'ka -tɔ 'nan min nɛn e -nyɛanla -cee 'wɩ -sru, -e 'e -cee 'wɩ 'si "va "bɛ, e ya -kaa "tɩ Bali "srɔn. Zozi Crizi nɛn e ya tɩglɩ bɛ, -nyrɛn.

1 Zan 2:13

"Tɩnun, an ya 'wɩ 'gʋɛ -a crɛn -tɛnan 'cɛɛ 'nan, min nɛn e cɩ 'wɩ pou sianan "a bɛ, kaa -tɔ. -Gobonun, an ya 'wɩ 'gʋɛ -a crɛn -tɛnan 'cɛɛ 'nan, ka Satan nɛn e 'wɩ 'wlidɩ "paa 'nyranman -a bɛ, -a klɩ.

1 Zan 3:20

Ɛn -te -cee ci "nrɔndɩ tin -tɛa -kaa da bɛ, -kaa -tɔ 'nan Bali -dan "mlian -cee ci "nrɔndɩ da ɛn e -kaa drɛ wɩ pɛɛnɔn -tɔa.

1 Zan 3:24

Min nɛn e 'ta wo 'wɩ nɛn Bali -a 'vɩ bɛ -a da bɛ, -a san 'lee Bali a min -tʋwli "a. Ɛn Bali 'lee -a san a min -tʋwli "a. Bali -le lei 'saun nɛn yaa -nɔn -cɛɛ bɛ, -yɛɛ -ci -kɔɔnman 'nan -kaa 'vale Bali -a -kaa ya min -tʋwli "a.

1 Zan 4:13

Bali 'yee lei 'saun 'nɔn -cɛɛ, -yɛɛ -kɔɔnman 'nan -kaa ya waa min -tʋwli "a, ɛn -kaa fo waa min -tʋwli "a.

1 Zan 4:16

-Kaa 'gʋɛ, -kaa -tɔa 'nan Bali -kaa ye "yi, ɛn -kaa yi -tɛra 'wɩ zɩɛ -a da. Bali min ye "yi, -yee "wɛan min nɛn e minnun ye "yi ɛn e Bali ye "yi "bɛ, te -a san 'lee Bali a min -tʋwli "a, ɛn Bali 'lee -a san a min -tʋwli "a.

1 Zan 4:6

-Kaa 'gʋɛ, -cɛɛ cɩ Bali -le 'nɛnnun -a. -Yee "wɛan min nɛn e Bali -tɔa "bɛ, e -kaa wei maan "yi, 'pian min nɛn e 'ka Bali -le 'nɛn 'a dɩɛ, -a san 'ka -kaa wei maan "yi "dɩ. Zɩ -kaa lei nɛn e 'wɩ tɩglɩ ve bɛ, 'lee lei nɛn e 'wlu -sɛan "bɛ, -a -tɔa zɩɛ.

1 Zan 5:19

-Kaa -tɔa 'nan Bali -le 'nɛnnun nɛn -kaa a, ɛn 'trɛdanɔn pɛɛnɔn a Satan -lɔ.

1 Zan 5:4

kɔɔ min nɛn Bali -le 'nɛn 'a bɛ, e 'trɛda fɛnun klɩ. Fɛ nɛn yaa -maan 'lɔɔ -kaa 'trɛda fɛnun klɩ bɛ, -cee yi -tɛradɩ Bali da nɛn.

Apokalis 12:11

Ɛn "nyian bɛ, Bali -le 'wɩ nɛn waa 'vɩ minnun lɛ bɛ, 'lee Bali -le 'bla nyɛn nɛn, e -sran bɛ, -yee "wɛan -kaa "bʋɩ 'lee -kaa "blu Zozinɔn Satan klɩ. Wa'a "klanlɛ -kadɩ lɔ 'wee yi -tɛradɩ Zozi da -ji dɩ.