1 Zan 1:8 - Yaouré

⁸ -Te -kaa 'vɩ 'nan, 'wɩ 'wlidɩ 'ka -kaa man dɩɛ, te -kaa ya -kaa 'fli see "paanan, ɛn -ka'a 'ta 'wʋla 'wɩ tɩglɩ da dɩ.

1 Zan 1:8 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 8:44

Satan nɛn e 'wɩ 'wlidɩ "paa min lɔ bɛ, -yɛɛ cɩ 'ka "tɩ "a, ɛn 'ka "tɩ 'ci 'sɔ wɩnun nɛn kaa dra. -A pou sianan 'li 'trilii -e 'e bɔ cɛɛgʋɛ, min -tɛzan nɛn. Ya'a 'ta wʋla 'wɩ tɩglɩ da 'mlɔnmlɔn dɩ, kɔɔ ya'a 'tɔa 'wɩ tɩglɩ -sru "dɩ. 'Wlu 'sɛndɩ -cin nɛn "ji, kɔɔ 'wluzan nɛn, ɛn -a va nɛn 'wlu wɩ pɛɛnɔn "sia.

Rɔmɛn 3:10

'Wɩ zɩɛ e ya 'e 'crɛn -tɛdɩ Bali -le 'fluba 'ji. Kɔɔ e ya 'e 'crɛn -tɛdɩ 'nan: «Min -tʋ 'ka min tɩglɩ 'a dɩ, ɛn -a min -tʋwli "ka "fo "dɩ.

Rɔmɛn 3:23

O pɛɛnɔn a 'wɩ 'wlidɩ "drɛnɔn 'a Bali 'lɛ, ɛn Bali 'yee 'tɛ 'san 'si -wlɔ.

1 Korɛnti 3:18

Te min -tʋ 'e 'fli see "paadɩ! Maan ve 'cɛɛ 'nan, -te -a -cin a min -tʋ ji 'ka yei 'nan 'yɛɛ cɩ 'wɩ 'tɔzan -a bɛ, min zɩɛ 'e 'fli drɛ 'blʋzan -a 'trɛdanɔn 'lɛ. E drɛ zɩɛ, 'dʋ -e Bali 'e 'wɩ 'tɔdɩ -nɔn -yrɛ.

Galatɩ 6:3

Maan ve 'cɛɛ 'nan, -te min 'e 'fli 'sia 'nan 'e 'kpa "mlian 'e "bʋɩ Zozizan 'tʋ da bɛ, te e ya 'e 'bɔ 'fli see "paanan, kɔɔ -a tɩglɩ da bɛ -a 'bɔ "nyian "e 'ka 'wo fɛ -tʋ -a dɩ.

1 Timote 6:5

Ɛn "nyian -yɛɛ -maan min yei 'ka -a ble dɩ. O 'wɩ dra "le minnun nɛn 'o 'wulo 'ka o da dɩɛ, -wee 'wɩ 'zʋ, ɛn wa'a 'wɩ tɩglɩ 'tɔa "fo "dɩ. -A -cin a o ji 'nan Bali -sru 'ta wʋdɩ bɛ "lala yɩnan nɛn.

2 Timote 3:13

'Pian minnun -wlidɩ zɩɛ 'wlunɔn nɛn waa. 'Wee 'wɩ 'wlidɩ "ko 'mlinladɩ -a "da. O min see "paaman, 'pian te fɛ -tʋ 'bɛ o 'bɔ "le "see paa.

Zaji 1:22

Te 'ka 'fli sɛɛ wʋ 'nan ka ya Bali wei mannan dɩ! 'Pian -te kaa 'man bɛ, 'ka 'ta wʋla "da!

Zaji 1:26

Min nɛn e 'nan e ya Bali -sru, te ya'a 'kɔlaman 'e wei 'kundɩ -a dɩɛ, te e ya 'e 'fli sɛɛ wʋnan. Te -yee 'ta wʋdɩ Bali -sru "bɛ -a -ci "ka "dɩ.

Zaji 3:2

-Kaa pɛɛnɔn -pɛ "saanman 'wɩ 'wlidɩ 'va 'wɩ "kaga "ji. -Te min 'lewei 'ka "saanlɛ -tʋwli 'wɩ 'wlidɩ 'va dɩɛ, te min nɛn -a drɛ wɩ a 'e 'lɛ sɔɔdɩ bɛ, -nyrɛn. Te e -kɔlaman 'e 'fli 'kundɩ -a "fo.

2 Piɛri 2:13

'Wɩ 'wlidɩ "nɛn waa drɛ bɛ, o -taa -a "nɛn "yɩlɛ yra yɩdɩ -a. -Te tʋ cɛɛn bɛ, 'wɩ nɛn e 'o ci "nranman bɛ -nyrɛn "fɛdi -blɩdɩ -a. Minnun zɩɛ -te o yra 'cee -blɩfɛ -sru "bɛ, 'wɩ nɛn e ya paan "le 'e o -tɛ 'yra -a bɛ, e o ci "nranman. Wɛɛ -maan minnun 'ka 'tɔ srɛman.

1 Zan 1:10

-Te -kaa 'vɩ 'nan, -kaa 'wɩ 'wlidɩ "drɛlɛ dɩɛ, te -kaa Bali drɛ 'wluzan 'a, ɛn -kaa 'ta 'wʋla Bali wei da dɩ.

1 Zan 1:6

-Te -kaa 'vɩ 'nan, -kaa 'vale Bali -a -kaa drɛ min -tʋwli "a, te -kaa 'ta wo klun va bɛ, te -kaa 'wlu -sɛan, ɛn -ka'a 'ta 'wʋla 'wɩ tɩglɩ da dɩ.

1 Zan 2:4

Min nɛn yaa 'vɩ 'nan: «'An Bali -tɔa», te ya'a 'ta wʋla -yee -pei da dɩɛ, te 'wluzan nɛn -a san -a, ɛn te -a san 'lee 'wɩ tɩglɩ 'ka 'si -tʋwli "da dɩ.

1 Zan 4:20

-Te min -a ve 'nan, an Bali ye "yi -e te ya'a 'e "bʋɩ -tʋ ye "yi "dɩɛ, te 'wluzan nɛn -a san -a. -Yɛɛ cɩ 'nan, min nɛn ya'a 'e "bʋɩ nɛn yɛɛ ye bɛ, 'bɛ ye "yi "dɩɛ, ya'a 'kɔlaman -e 'e Bali nɛn ya'a 'bɛ ye dɩɛ, 'bɛ yɩ "yi "dɩ.

2 Zan 1:2

Kɔɔ Bali wei tɩglɩ a -kaa 'ji, ɛn -a -cin yra -kaa 'ji 'li 'trilii.

3 Zan 1:3

Kɔɔ -kaa "bʋɩ Zozinɔn -mienun -ta 'gʋ, ɛn zɩ i cɩ 'wɩ tɩglɩ -sru "bɛ, 'lee zɩ i 'ta wʋla "da "bɛ, waa 'vɩ 'mɛn. 'Wɩ zɩɛ yaan 'ci nran 'kpa.