1 Timote 5:19 - Yaouré

¹⁹ -Te o -leglizi min ceje -tʋ man wɩ 'vɩ 'yiɛ, te ya'a 'silɛ min "fli yaa 'le dɩɛ, te 'i 'sia "da "dɩ.

1 Timote 5:19 ပူးပေါင်းရင်းမြစ်များ

Matie 18:16

'Pian -te e 'ka "va 'nan 'yei wei maan "dɩɛ, 'i min -tʋ 'pa 'i 'va, -te 'bɛ "cɛɛ dɩ 'i min "fli 'pa 'i 'va, -e 'ka 'kʋ 'wɩ zɩɛ -a -pɛ 'pa 'e cin man o yiɛ man.

Zozi Crizi -le 'wɩ 'nɔnnɔn nɛn Zan -a crɛn -tɛ 18:29

-Yee "wɛan -kɔnmandan Pilati 'bɔ 'bɛ 'bɔla ɛn e -kʋ o va. Yaa laabʋ -wlɔ 'nan: «-Mɛ "wɩ nɛn min 'labɛ yaa drɛ, ɛn ka 'wɩ -tɔa "man?»

Zozi Crizi -le 'wɩ 'nɔnnɔn nɛn Zan -a crɛn -tɛ 8:17

E ya 'e 'crɛn -tɛdɩ 'cee -pei 'fluba 'ji 'nan: ‹-Te min "fli "wei a -tʋwli 'wɩ 'tʋ da bɛ, te 'wɩ zɩɛ e ya 'wɩ 'kpa -a.›

Drɛwɩ (Actes) 11:30

Zɩ waa drɛ zɩɛ, ɛn -wee "yi "nɛn waa 'yɩ bɛ, waa -nɔn Barnaba 'lee Saul lɛ, ɛn o -kʋ -a Zude -leglizi min cejenun lɛ.

Drɛwɩ (Actes) 25:16

Ɛn maan 'vɩ -wlɛ 'nan, Rɔm 'nɔn 'ka tin tɛa min da zɩɛ dɩ. Min nɛn o 'wɩ 'tɔ "man "bɛ, 'o 'vale minnun nɛn o 'wɩ 'bɔ 'tɔ "man "bɛ waa, 'o cin ye, -e min zɩɛ 'wɩ nɛn e drɛ 'lɔɔ, o 'wɩ 'tɔ "man "bɛ, 'e 'si "va.

2 Korɛnti 13:1

'Mɛn 'lʋdɩ 'ka 'va bɛ -a yaagazan nɛn an "ta -a -si "siala 'gʋ. Kaa -tɔa 'nan, wa'a fɔa -tʋwli -e 'o -klan "dɩ.

1 Timote 4:14

"Yi "nɛn Bali -a drɛ 'yiɛ bɛ, te 'i -fɔla "trɔɛn -sru "dɩ! "Yi zɩɛ Bali 'lewei vɩnɔn 'bɛ 'vɩ 'nan e ya 'yie vɛ -a, ɛn -leglizi min cejenun 'o 'pɛ 'pla 'i da.

1 Timote 5:17

Minnun nɛn o o -tɔ -leglizi min ceje -a bɛ, -te o yiɛ -tɔa -leglizi -va 'kpa bɛ, 'ka o muo "fɔ -pɛ "kaga "ji. 'Pian minnun nɛn ka o muo -fɔa 'e "mlianla "da "bɛ, minnun nɛn o Bali -le 'wɩ ve, ɛn o Bali -le 'wɩ "paaman bɛ o nɛn.

'Fluba nɛn Pɔl -a crɛn -tɛ Tit lɛ 1:6

-Nyrɛn 'nan, min nɛn waa -tɔa -leglizi min ceje -a bɛ, 'tɔ 'tʋ 'ka 'kɔan 'e 'padɩ "man "dɩ. -Yɛɛ cɩ 'nan, lɩ -kɔan -a san wlu -tʋwli, ɛn ya'a tʋe -e 'e nyin lɩ pee -sru "dɩ. -Yee 'nɛnnun yi -tɛala Zozi da, 'tɔ 'ka 'kɔan 'e 'padɩ o man lɩ -wɛɛdɩ 'lee -kɔnnɛn -wɛɛdɩ da dɩ, ɛn o yiɛ "naan min man.

Ebre 10:28

-Kaa -tɔa 'nan -te min -tʋ Moizi -le -pei -tɔ wɩnun srɛ, ɛn min "fli yaa -a man wɩ 'pla bɛ, min zɩɛ -a nyrinda 'ka 'sɛan min da dɩ, waa -tɛa.