1 Timote 5:18 - Yaouré

¹⁸ Kɔɔ e ya 'e 'crɛn -tɛdɩ Bali -le 'fluba 'ji 'nan: «Tri nɛn e ya 'nyranman 'panan 'saa va bɛ, te 'i 'si -tɔ -yrɔ -e 'e 'saa 'blɩ dɩ.» Ɛn e ya 'e 'crɛn -tɛdɩ "nyian -ji 'nan: «'Nyranman 'pazan bɛ, -a 'pan a.»

1 Timote 5:18 ပူးပေါင်းရင်းမြစ်များ

Matie 10:10

Te 'ka 'pada 'sia dɩ! Ɛn te 'ka 'tralɛ 'sia "fli "dɩ! Te 'ka 'manwua pee 'sia dɩ! Ɛn te 'ka "tonyrin pee 'sia dɩ! Kɔɔ -a -nɔan da nɛn -e 'nyranman 'pazan 'e 'yee -pan yɩ.

Zozi Crizi -le 'wɩ 'nɔnnɔn nɛn Luk -a crɛn -tɛ 10:7

'Kɔn nɛn -a 'lɛ "nɛn 'nɔn 'ka 'pɛ 'kun bɛ, -a -nan nɛn 'ka 'fʋ. Ɛn fɛ oo fɛ nɛn waa -nɔn 'cɛɛ -ji -blɩvɛ -a 'lee mlinvɛ -a bɛ, 'ka -blɩ ɛn 'ka mlin. Kɔɔ min nɛn e ya 'nyranman -tʋ 'panan bɛ, -a -nɔan da nɛn -e -a -pan 'e 'kɔn. 'Pian te 'ka 'ciɩ 'kɔn 'lɛ "nɛn -tɔɔladɩ -a "da "dɩ.

Rɔmɛn 10:11

'Wɩ zɩɛ e ya 'e 'crɛn -tɛdɩ Bali -le 'fluba 'ji. Kɔɔ e ya 'e 'crɛn -tɛdɩ 'nan: «Min oo min nɛn e yi -tɛra Minsan da bɛ, -a -pɛ 'ka 'sɛanla 'e "tun "dɩ.»

Rɔmɛn 11:2

Bali 'ka 'e 'pɛ 'silɛ Izraɛl 'nɔn nɛn e o 'si "va 'e 'cɛn bɛ o -sru 'nan o 'ka "nyian 'yee minnun -a dɩ. 'Wɩ nɛn 'e 'crɛn -tɛdɩ Bali -le 'fluba 'ji 'nan, Eli Izraɛl 'nɔn man wɩ 'pla Bali lɛ bɛ, 'ka 'ci "nrɔn "da.

Rɔmɛn 4:3

Kɔɔ e ya 'e 'crɛn -tɛdɩ Bali -le 'fluba 'ji 'nan: «Abraam yi -tɛra Bali da, -yee "wɛan nɛn Bali -a 'sia 'e 'lɛ min tɩglɩ 'a.»

Rɔmɛn 9:17

Ɛn "nyian bɛ, 'ka 'ci "nrɔn 'wɩ nɛn Bali -a 'vɩ Ezipti mingɔnnɛn nɛn waa laabo Faraɔn bɛ -yrɛ "bɛ -a da. Kɔɔ e ya 'e 'crɛn -tɛdɩ 'nan: «Mɛin drɛ mingɔnnɛn -a, 'nan 'yie "wɛan -e minnun 'o 'mɛn 'plɛblɛ 'ci yɩ, -e 'waan 'tɔ fuilaman 'trɛda 'lɛglɔn pɛɛnɔn 'ji.»

1 Korɛnti 9:14

'Wɩ 'tʋwli zɩɛ Minsan -a -tɔ -pei -a. Yaa 'vɩ 'nan, minnun nɛn o wɩɩ Crizi -le 'wɩ 'nɔnnɔn man bɛ, -wɛɛ yiɛ -tɔa min nɛn e 'wɩ 'nɔnnɔn 'bɔ ve bɛ -a va.

Galatɩ 3:8

'Wɩ 'kpa, minnun nɛn o 'ka Zuif 'nɔn 'a dɩɛ, Bali o "siala min tɩglɩ 'a 'wee yi -tɛradɩ 'e da man. 'Wɩ zɩɛ e ya 'e 'crɛn -tɛdɩ Bali -le 'fluba 'ji 'e 'cɛn. Kɔɔ 'wɩ 'nɔnnɔn zɩɛ -a -tʋwli 'bɔ nɛn Bali -a 'vɩ 'e 'cɛn Abraam lɛ. Yaa 'vɩ -yrɛ 'nan: «An -fɛa ve 'trɛdanɔn pɛɛnɔn man 'yie "wɛan.»

Zaji 4:5

E ya 'e 'crɛn -tɛdɩ Bali -le 'fluba 'ji 'nan: «Lei nɛn Bali -a -nɔn 'cɛɛ bɛ, Bali -a ye "yi, ɛn e man bo "da!» Te -a -cin 'e 'kɔn 'ka 'ji 'nan, 'wɩ zɩɛ e ya 'wɩ "tun "a dɩ!